Кожевников, Евгений Васильевич

РУВИКИ-ште тыгай тукымлӱм дене вес еҥ нерген статьям лудаш лиеш: Кожевников.

Евгений Васильевич Кожевников
Шочмо кече	1920 ий 4 шыжа(1920-10-04)
Шочмо вер	Кукшыгорем, Яраҥ уезд, Виче губерний, Россий империй
Колымо кече	2001 ий 8 сӱрем(2001-07-08) (80 ий)
Колымо вер	Моско, Россий
Пурымаш	РСФСР (1917—1922) →  СССР →  Россий
Войскан родшо	танк войска, артиллерий
Службо жап	1939—1972
Званий
Командоватлен	III Белорус да Забайкалье фронтласе 59-ше армийын 1197-ше шкекоштшо артиллерий полк командирын алмаштышыже
Кредалмаш/сар	Кугу Ачамланде сар: Моском аралымаш, Ленинградым аралымаш, Кёнигсбергым налмаш Совет-япон сар
Награде да премий

Евгений Васильевич Кожевников (4 шыжа 1920, Кукшо Корем, Оршанке район — 8 сӱрем 2001, Моско, Россий) — совет сарзе пашаеҥ. Кугу Ачамланде сар жапыште — III Белорус да Забайкалье фронтласе 59-ше армийын 1197-ше шкекоштшо артиллерий полк командирын алмаштышыже, капитан. Совет-япон сарын салтакше — посна полкын командирже. Сарзе шанче доктор (1972), полковник. 1942 ий гыч ВКП(б) йыжъеҥ.

Ӱмыргорныжо

1920 ий 4 октябрьыште тачысе Марий Элын Оршанке вел Кукшыгорем ялыштыже, йорлын илыше, икмарда кресаньык ешеш шочын.

1938 ийыште Оршанке вел Пурсанур педагогике училищым тунем лектын, МАССР-ысе Оршанке вел Табаш ялысе школышто туныктышылан пашам ыштен.

1939 ий декабрьыште РККА-шке налалтын. Кугу Ачамланде сарын салтакше: 1941 ийыште Борисово автомотоцикл сар училищым тунем лектын, Касвел, Волхов да Ленинград фронтласе танк батальонышто штаб адъютант, III Белорус да Забайкалье фронтласе 59-ше армийын 1197-ше шкекоштшо артиллерий полк командирын алмаштышыже, гвардийын капитанже. 1942 ийыште ВКП(б)-ш пурен. Совет-япон сарын салтакше: посна полкын командирже. Йошкар Тисте (кок гана), I степенян Ачамланде сар (кок гана), Йошкар Шӱдыр (кок гана) орден-влак, тыгак «Лӱддымылыклан» да «Сарысе суаплан» медаль-влак дене палемдалтын.

Сар пытымеке, армийыште служиаш кодын, 1953 ийыште Бронетанк войскан сар академийжым, 1956 ийыште — адъюнктурым тунем лектын. Полковник лӱмпале дене Бронетанк войскасе сар академий кафедр начальникын алмаштышыжлан пашам ыштен. 1960 ийыште сар шанче кандидат, 1972 ийыште — сар шанче доктор лийын. III степенян «СССР Сарзе Вийыште Шочмо Эллан служийымылан» орден да медаль-влак дене, ты шотыштак «Сеҥымаш да Эрык» польшо медаль дене палемдалтын.

2001 ий 8 июльышто Москошто колен.

Суаптар-влак

• Октябрь Революций орден;
• Йошкар Тисте орден (19.07.1944, 14.03.1945);
• I степенян Ачамланде сар орден (05.02.1944, 06.04.1985);
• Йошкар Шӱдыр орден (13.07.1944, 1944);
• III степенян «СССР Сар Вийыште Шочмо Элылан служийымылан» орден;
• «Лӱддымылыклан» медаль (31.01.1943);
• «Сарзылык суаплан» медаль;
• «Моском аралымылан» медаль;
• «Ленинградым аралымылан» медаль
• «Кёнигсбергым налмылан» медаль (10.11.1945);
• «1941–1945 ийласе Кугу Ачамланде сарыште Германийым сеҥымылан» медаль (10.11.1945);
• «Японийым сеҥымылан» медаль;
• «Сеҥымаш да Эрык» медаль (10.10.1973).

Палемдымаш

Литератур

• Киселёва Л. А., Мочаев В. А. Кожевников Евгений Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 206. — 606 с. — 1500 экз. — ISBN 978-5-905314-35-3.