И. С. Палантай лӱмеш тӱвыра да сымыктыш колледж
| «Марий республикысе И. С. Палантай лӱмеш культур да сымыктыш колледж» Марий Эл Республикын Кугыжаныш бюджетан профессионал туныктыш тӧнежше | |
|---|---|
| И. С. Палантай лӱмеш тӱвыра да сымыктыш колледж | |
 | |
| Негызлыме ий | 1947 |
| Директор | Светлана Владимировна Зверева врио |
| Верланымаш |
 Россий |
| Адрес | 424031, Россий Федераций, Марий Эл Республик, Йошкар-Ола, Красноармейский ур., 78 |
| Сайт | mrkkii.ru |
«Марий республикысе И. С. Палантай лӱмеш культур да сымыктыш колледж» Марий Эл Республикын Кугыжаныш бюджетан профессионал туныктыш тӧнежше (руш. Государственное бюджетное профессиональное образовательное учреждение Республики Марий Эл «Марийский республиканский колледж культуры и искусств имени И. С. Палантая») — Марий Эл Республикын культур да сымыктыш аланыште шуко кӱкшытан туныктыш кластерже[1]. Тудо регионысо кӱлешан культур, туныктымаш да воспитаний задачым шукташ полшышо культурно-туныктымаш средам ышта.
Эртымгорно
И. С. Палантай лӱмеш культур да сымыктыш колледж 1947 ийыште Марий АССР Министр-влак Каҥашын пунчалже почеш почылтын.
Шке эртымгорныштыжо тунемме тӧнеж тыгай лӱм-влакым нумалын:
- 1947–1966 ийлаште — Марий республикысе культурно-туныктымаш школ (культпросветшкол);
- 1966–1989 ийлаште — Марий республикысе культурно-туныктымаш училище (культпросветучилище);
- 1989–1993 ийлаште — Марий республикысе культур училище;
- 1993–2005 ийлаште — Марий республикысе культур да сымыктыш колледж;
- 2005 ий май тылзе гыч таче кече марте – Марий республикысе И. С. Палантай лӱмеш культур да сымыктыш колледж (Марий республикысе И. С. Палантай лӱмеш культур да сымыктыш колледжым да музык училищым ушымо дене).
1999 ий гыч колледж Марий Эл Республикысе «Бауманский лицей» ГАОУ негызеш балет артист-влакым ямдылыме интегрироватлыме программым илышыш пурта.
2019 ий гыч колледж структурыш художественный туныктымашым вияҥдыме шотышто «Камертон» Республикысе ресурсный туныктымаш-методике рӱдер пура.
2020 ийыште колледжыш Марий Эл Республикын «Национальный президент сымыктыш школ» ГБУ ДО да Марий Эл Республикын «Национальный президент школ-интернат» ГБОУ (нуным 1960 ийыште негызлыме) ушнымо, нуно колледж кӧргыш у структурн ужаш – Национальный сымыктыш гимназий — семын пуреныт.
2022 ий сентябрьыште колледж пелен Креатив индустрий школ почылтын[1].
Колледжын структурыжо
- Культур да сымыктыш факультет. Тыгай адрес почеш верланен: 424031, Йошкар-Ола, Красноармейский урем, 78.
- Академический музык факультет. Тыгай адрес почеш верланен: 424000, Йошкар-Ола, Пушкин урем, 26. 2005 ий марте – Йошкар-Оласе И. С. Палантай лӱмеш музык училище. И. С. Палантай лӱмеш музык училище 1931 ий 1 октябрьыште Марий автоном областьын культур да сымыктыш аланыште икымше тунемме тӧнеж семын почылтын да 1937 ий марте тыгай лӱмым нумалын: Марий сымыктыш техникум. 1937 ий гыч — И. С. Палантай лӱмеш Марий музык-театр техникум; 1941 ий гыч – И. С. Палантай лӱмеш Марий музык училище; 1957 ий гыч – Йошкар-Оласе И. С. Палантай лӱмеш музык училище[2].
- Национальный сымыктыш гимназий. Тыгай адрес почеш верланен: 424033, Йошкар-Ола, Брюгге сер, 1.
- Художественный туныктымашым вияҥдыме шотышто «Камертон» ресурсный туныктымаш-методике рӱдер. Тыгай адрес почеш верланен: 424031, Йошкар-Ола, Вознесенский урем, 49.
- Креатив индустрий школ. Тыгай адрес почеш верланен: 424033, Йошкар-Ола, Брюгге сер, 1.
