Полянин, Иван Васильевич

Иван Васильевич Полянин
Иван Васильевич Полянин
Шочмо кече	20 сорла 1920
Шочмо вер	Пӱгӧвож, Яраҥ уезд, Виче губерний, Россий империй;
Колымо кече	18 теле 1999 (79 ий)
Колымо вер	Йошкар-Ола, Марий Эл Республик, Россий;
Гражданлык	РСФСР (1917—1922) → СССР → Россий
Паша сомыл	колхозник, тракторист, комбайнёр

Ивáн Васи́льевич Поля́нин (20 сорла 1920, Пӱгӧвож, Яраҥ уезд, Виче губерний, Россий империй — 18 теле 1999, Йошкар-Ола, Марий Эл Республик, Россий) — марий совет кугыжаныш да озанлык пашаеҥ. СССР Кӱшыл Каҥашын V созыв депутатше (1958—1962). 1943 ий гыч ВКП(б)-ын йыжыҥъеҥже. Кугу Ачамланде сарын участникше.

Илыш корныжо

1920 ий 20 августышто кызытсе Марий Элын У Торъял районысо Пӱгӧвож ялыште шочын^[1]^[2].

1932 ийыште тӱҥалтыш школым тунем пытарымеке, шочмо ялысе К. Маркс лӱмеш колхозышто пашам ышташ тӱҥалын. 1939—1940 ийлаште Марий АССР У Торъял районысо Какшанмучаш МТС-ын трактористшылан тыршен^[1].

1940 ийыште РККА радамыш налыныт. Кугу Ачамланде сарын участникше: 515-ше гаубичный артиллерий полкын трактористше, сержант. Моском аралымаште, Будапештым налмаште лийын. 1943 ийыште ВКП(б)-ыш налыныт. 1946 ийыште армий гыч демобилизоватлалтын. I степенян Ачамланде сар орден да медаль-влак, нунын коклаште «Лӱддымылыклан» медаль (кок гана) дене суапландаралтын^[3].

Демобилизаций деч вара Какшанмучаш МТС-ыш пашаш пӧртылын. 1958 ий гыч «Октябрьлан 40 ий» колхозышто пашам ыштен: комбайнёр, 1965 ий гыч — председательын алмаштышыже, 1975—1987 ийлаште — паша шотышто инженер^[1].

1958—1962 ийлаште СССР Кӱшыл Каҥашын V созыв депутатшылан сайлалтын^[4].

Ялозанлык пашаште сеҥымашыжлан Октябрь революций орден, «Почёт Пале» орден, медаль-влак да вич гана Марий АССР Кӱшыл Каҥаш Президиумын Чапкагазше дене суапландаралтын^[1].

1999 ий 18 декабрьыште Йошкар-Олаште колен^[1].

Суаптар-влак

Октябрь Революций орден (1973)^[1];
«Почёт Пале» орден (1966)^[1];
I степенян Ачамланде сар орден (1985)^[3];
«Лӱддымылыклан» медаль (1942 ий 5 июль; 1945 ий 4 май)^[3];
«Моском аралымылан» медаль (1944 ий 1 май)^[3];
«1941—1945 ийласе Кугу Ачамланде сарыште Германийым сеҥымылан» медаль (1945 ий 9 май)^[3];
«Будапештым налмылан» медаль (1945 ий 9 июнь)^[2];
«Чапле пашалан. Владимир Ильич Ленинын шочмыжлан 100 ий темме лӱмеш» медаль (руш.) (мар.^[1];
Марий АССР Кӱшыл Каҥаш Президиумын Чапкагазше (1953, 1954, 1955, 1957)^[1].

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ Мочаев, 2017, с. 349.
↑ ¹ ² Полянин Иван Васильевич | Родная Вятка (неопр.). rodnaya-vyatka.ru. Тергыме кече: 23 шорыкйол 2026.
↑ ¹ ² ³ ⁴ ⁵ Полянин Иван Васильевич :: Память народа (неопр.). pamyat-naroda.ru. Тергыме кече: 23 шорыкйол 2026.
↑ 12605 (неопр.). www.knowbysight.info. Тергыме кече: 23 шорыкйол 2026.

Литератур

Сухин В. И. Развитие сельского хозяйства Марийской АССР в 1965—1975 гг.: автореферат диссертации кандидата исторических наук: 07.00.02 / АН СССР. Институт истории СССР. — Москва, 1987. — 15 с.
Они защищали Родину. Поимённый список участников Великой Отечественной войны Новоторъяльского района. — Йошкар-Ола: Издательство Марийского полиграфкомбината, 2005. — 280 с.
Полянин Иван Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 289. — 2032 экз. — ISBN 5-87898-357-0.
Опарина Т. Т. Полянин Иван Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 349. — 606 с. — 1500 экз. — ISBN 978-5-905314-35-3.

[_d8b2c1506f1575aa-1] ¹ ² ³ ⁴ ⁵ ⁶ ⁷ ⁸ ⁹ Мочаев, 2017, с. 349.

[:0-2] ¹ ² Полянин Иван Васильевич | Родная Вятка (неопр.). rodnaya-vyatka.ru. Тергыме кече: 23 шорыкйол 2026.

[:1-3] ¹ ² ³ ⁴ ⁵ Полянин Иван Васильевич :: Память народа (неопр.). pamyat-naroda.ru. Тергыме кече: 23 шорыкйол 2026.

[4] 12605 (неопр.). www.knowbysight.info. Тергыме кече: 23 шорыкйол 2026.

[1]

[2]

[3]

[4]