Павлов, Федот Павлович

РУВИКИ — эрыкан энциклопедий гыч материал
В Рувики есть статьи о других людях с такой фамилией, см. Павлов.
Федот Павлович Павлов
Павлов, Федот Павлович.jpg
Шочмо кече 1890 ий 19 пеледыш(1890-06-19)
Шочмо вер Шойдӱҥ, Ермучаш волость, Вӱрзым уезд Виче губерний, Россий империй
Колымо кече 1959 ий 26 шыжа(1959-10-26) (69 ий)
Колымо вер Йошкар-Ола, Марий АССР, РСФСР, СССР
Эл  Россий империй →  СССР
Профессий окулист, тӱҥ эмлызе
Шанче алан офтальмологий
Паша вер Марий АССР Республикысе шинча эмлымвер
Образований
Палыме Марий Эл Республикыште офтальмологий службым негызлыше
Званий РСФСР-ын сулло врачше — 1949
Марий АССР-ын сулло эмлызыже (1944)
Награде да премий Орден Трудового Красного Знамени — 1951 Медаль «За трудовое отличие» Медаль «За победу над Германией в Великой Отечественной войне 1941—1945 гг.»
Марий АССР Кӱшыл Каҥаш Вуйверын Чаптаныкше (1946, 1957)

Федóт Пáвлович Пáвлов (19 пеледыш 1890, Шойдӱҥ, Вӱрзым уезд, Виче губерний, Россий империй — 26 шыжа 1959, Йошкар-Ола, Марий Автоном Совет Социализм Республик, РСФСР[d], СССР) ― марий совет тазалыкаралтыш пашам виктарыше, офтальмолог-эмлызе. Марий Эл Республикыште офтальмологийым негызлыше. Йошкар-Оласе трахом диспансерын / Марий АССР Республикысе шинча эмлымверын тӱҥ эмлызыже (1934―1958, кӱрылтыш дене). РСФСР-ын сулло эмлызыже (1949). Икымше тӱнямбал да Граждан сар-влакын салтакше. ВКП(б)-н йыжъеҥже.

Илыш корно

1890 ий пеледыш тылзын 7-ше (19-ше) кечынже кызытсе Марий Эл Кужэҥер вел Шойдӱҥ ялысе[1] кресаньык ешеш шочын[2][3][4][5].

1913 ийыште Владивостокышто рота фельдшер-влакын курсшым тунем пытарен. Икымше тӱнямбал сарын  (руш.) (мар., 1919 ий сорла тылзе гыч ― Граждан сарын салтакше[2][3][5].

1934 ийыште Озаҥ медицине институтым тунем пытарен. Марий АССР Шернур посёлкышто эмлызылан пашам ыштен, МАССР-ысе Шернур, У Торъял, Марий-Турек, Параньга, Кужэҥер районласе яллаште трахом пункт-влакым почеден[4]. 1934 ийыште Марий АССР Республикысе шинча эмлымверын тӱҥ эмлызыже лийын, тушто Кугу Ачамланде сар тӱҥалме марте пашам ыштен[2][3][5].

Кугу Ачамланде сар ийлаште Марий АССР Провой вел Кожласола ялысе 3704 №-ан эвакогоспитальын 3-шо пӧлкам вуйлатышыже лийын, медицине службо капитан[2][3][4][5]. 1950 ий ага тылзын сар службым мучашлен.

Сар деч вара, 1958 ий марте, Йошкар-Оласе трахом диспансерын тӱҥ эмлызыже лийын. Тудо жап гыч Марий Эл Республикыште офтальмологий службым негызлышылан шотлалтеш[2][3][4][5].

1944 ийыште шуко ияш сай пашажлан «Марий АССР-ын сулло эмлызыже», 1949 ийыште ― «РСФСР-ын сулло эмлызыже» чаплӱмым пуымо. Пашан Йошкар Тистыже орден, медаль-влак да кок гана ― Марий АССР Кӱшыл Каҥаш  (руш.) (мар. Вуйверын чаптаныкше дене суапландарыме[2][3][4][5].

1959 ий шыжа тылзын 26-шо кечынже Йошкар-Олаште колен, туштак тойымо[2][3][4][5].

Суаптар да чаплӱм-влак

Шарнымаш

Эмлызе Ф. П. Павловын родыжо-влак да ял калык Марий Эл Кужэҥер районысо Шойдӱҥ ялысе шарнымаш стела воктене

2018 ий пеледыш тылзе мучаште эмлызын шочмо верыштыже, Марий Эл Кужэҥер вел Шойдӱҥ ялыште, шарнымаш стела почылтын[4][5][6].

Палемдымаш

  1. ↑ Шойдум | Родная Вятка. rodnaya-vyatka.ru. Тергыме кече: 25 шорыкйол 2026. Архивлыме 24 пеледыш 2021 ий.
  2. ↑ 1 2 3 4 5 6 7 8 9 10 11 12 Мочаев, 2007, с. 271.
  3. ↑ 1 2 3 4 5 6 7 8 9 10 11 12 Энциклопедия Республики Марий Эл, 2009, с. 607.
  4. ↑ 1 2 3 4 5 6 7 8 9 10 11 Память о докторе. yoshkarola.bezformata.com. Тергыме кече: 25 шорыкйол 2026.
  5. ↑ 1 2 3 4 5 6 7 8 9 10 11 12 Большой талант взрастил Шойдум. kuzhener.ru. Тергыме кече: 25 шорыкйол 2026. Архивлыме 30 сӱрем 2018 ий.
  6. ↑ В Марий Эл увековечили память великого врача, боровшегося с трахомой. news.myseldon.com. Тергыме кече: 25 шорыкйол 2026.

Литератур

  • Александров Н. А., Мочалов С. Г. Развитие здравоохранения в Марийской АССР. ― Йошкар-Ола: Марийское книжное издательство, 1980. ― 216 с.: ил.
  • Павлов Федот Павлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 271. — 2032 экз. — ISBN 5-87898-357-0.
  • Павлов Федот Павлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 607. — 872 с. — 3505 экз. — ISBN 978-5-94950-049-1.
  • Александров Н. А., Краснов П. В. Павлов Федот Павлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 326. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Павлов,_Федот_Павлович&oldid=1233103" гыч налме