Комлева, Ольга Петровна

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Комлев.
Ольга Петровна Комлева
Комлева, Ольга Петровна.jpg
Шочмо кече 1955 ий 12 сӱрем(1955-07-12) (71 ий)
Шочмо вер Караганда, Казах ССР, СССР
Гражданстве
Профессий
балет артист, балетмейстер, балетым туныктышо
Усталык жап 1973 — кызытсе жап марте
Театр Эрик Сапаев лӱмеш Марий кугыжаныш академический опер да балет театр
Суаптар Марий Эл Республикын калык артистше (1996)
Марий Эл Республикын сулло артистше (1985)
Йыван Кырла лӱмеш калыкле театр премийын лауреатше (2017)

Ольга Петровна Комлева (шоч. 12 сӱрем 1955, Караганда, Казах Автоном Совет Социализм Республик[d], СССР) — совет да российысе балет артист, шындыше-балетмейстер, балетым туныктышо. Марий музык театрын (кызыт Эрик Сапаев лӱмеш Марий опер да балет театр) балет артистше, балетмейстерже (1973 ий гыч). «Марий Эл» кугыжаныш куштышо ансамбльын художественный вуйлатышыже да тӱҥ балетмейстерже (2007—2009). Марий Эл Республикын калык артистше (1996). Йыван Кырла лӱмеш калыкле театр премийын лауреатше (2017). 1983 ий гыч КПСС-ын йыжыҥъеҥже.

Илыш корныжо

1955 ий 12 июльышто Казах ССР Караганда олаште шочын[1][2].

Йоча жапыште ешыж дене пырля Саратовыш куснен, тушто школышто тунемын, куштымо кружокыш коштын, вара Пионер пӧртыштӧ кушташ тунемын. 1973 ийыште Саратовысо хореографий училищым тунем пытарен[1][2][3].

1973 ий гыч — Марий музык театрын (кызыт Эрик Сапаев лӱмеш Марий опер да балет театр) балет солисткыже, 1987 ий гыч — тиде театрын шындыше балетмейстерже[1][2]. 1993 ийыште композитор А. Лупповын «Чодыра легенде» икымше марий балетшым уэш шындаш тӧчен[3].

Тунамак Марий кугыжаныш университетыште (тӱвыра да сымыктыш кафедрын доцентше), И. С. Палантай лӱмеш Марий республикысе тӱвыра да сымыктыш колледжыште да Марий Эл Республикысе Калыкле президент школ-интернатыште хореографийым туныкта[1][2][4][5].

Классике куштымашым, хореографийыште менеджментым, концерт пашам да моло тунемме дисциплинымат туныкта. «Классике куштымашын термин мутерже» (2004), классике куштымаш дене туныктымо-методике пособийын (2006, 2011)[6][7] да молынат авторжо[8].

2007—2009 ийлаште — «Марий Эл» кугыжаныш куштышо ансамбльын худжественный вуйлатышыже да тӱҥ балетмейстерже[9][10].

Тӱрлӧ кӱкшытан хореографий таҥасымаш ден фестивальлан, ты шотыштак «|М. Мурашко унала ӱжеш» калык-влак кокласе фестиваль-конкурсын, «Самырык талант-влак» республикысе конкурсым эртарыше да жюри йыжыҥъеҥже улеш[8][11].

1985 ийыште тудлан «Марий АССР-ын сулло артистше», а 1996 ийыште «Марий Эл Республикын калык артистше» чаплӱмым пуэныт[1][2]. 1998 ийыште ий еда эртаралтше «Йошкар-Ола театральная» фестивальыште Л. Минкусын «Дон Кихот» балетшым шындымылан Гран-прим налын. 2017 ийыште «Чап да сайлык верч» номинацийыште Йыван Кырла лӱмеш Калыкле театр премийын лауреатше лийын[3].

Кызыт Марий Эл Республикын рӱдолаштыже — Йошкар-Олаште — ила да пашам ышта. Ешан, марийже — Э. Сапаев лӱмеш кугыжаныш академический опер да балет театрын концертмейстерже Е. В. Комлев[12][13].

Тӱҥ роль-влак

Умбакыже О. П. Комлеван тӱҥ рольжо-влакын спискышт ончыкталтеш[1][2][3]:

  • А. Адан «Жизель», Марта;
  • А. Луппов «Лесная легенда», Шайви;
  • А. Луппов «Замок Шеремета», Нидуш;
  • А. Яшмолкин «Живой камень», Чанга;
  • А. Петров «Сотворение мира», Шайтан ӱдыр;
  • А. Рыбников «Звезда и смерть Хоакина Мурьеты», Шӧртньӧ;
  • А. Бородин «Половецкие пляски», Чага;
  • А. Адан «Жизель», Мирта;
  • Д. Шостакович «Барышня и хулиган», Барышня.

Балет да хореографий тӱҥ постановко-влак

О. П. Комлеван балет да хореографий постановкыжо-влак списке[1][2][3]:

  • Л. Минкус «Дон Кихот» (1997);
  • А. Адан «Жизель» (1996);
  • П. Чайковский «Лебединое озеро» (1995);
  • А. Луппов «Лесная легенда» (1993);
  • Л. Минкус «Пахита» (дивертисмент, 2002);
  • Г. Левенскольд «Сильфида» (1999);
  • Ф. Шопен «Шопениана»;
  • В. Баскин «Мороз & Ко» (2008);
  • Й. Хуска «Баронесса Лили» (2013);
  • М. Раухвергер «Красная Шапочка» (2013);
  • Н. Римский-Корсаков «Кащей Бессмертный» (2014);
  • Н. Римский-Корсаков «Садко» (2014);
  • Н. Римский-Корсаков «Майская ночь» (2016).

Аклымаш

  • Марий Эл Республикын калык артистше (1996)[1][2][3];
  • Марий АССР-ын сулло артистше (1985)[1][2][3];
  • Йыван Кырля лӱмеш калыкле театр премий (2017) — «Чап да сайлык верч» номинацийыште[3][14];
  • «Йошкар-Ола театральная» фестивальын Гран-приже (1998) — Л. Минкусын «Дон Кихот» балетшым шындымылан[3];
  • Марий АССР-ысе Кӱшыл Каҥаш Президиумын Чаптаныкше (1985)[8];
  • Россий Федерацийын Тӱвыра да тӱшка коммуникаций министерствыжын Чаптаныкше (2005)[3];
  • Марий Эл Республикысе Кугыжаныш Погынын Чаптаныкше (2006)[3].

Палемдымаш

  1. ↑ 1 2 3 4 5 6 7 8 9 Мочаев, 2017, с. 212.
  2. ↑ 1 2 3 4 5 6 7 8 9 Энциклопедия Республики Марий Эл, 2009, с. 442.
  3. ↑ 1 2 3 4 5 6 7 8 9 10 11 Марийский государственный академический театр оперы и балета им. Эрика Сапаева. operaballet.net. Тергыме кече: 30 шыжа 2023.
  4. ↑ КОМЛЕВА Ольга Петровна (неопр.). Марийская история в лицах. Тергыме кече: 30 шыжа 2023.
  5. ↑ Замужем за балетом | Газета нашего города (неопр.) (26 ӱярня 2021). Тергыме кече: 30 шыжа 2023.
  6. ↑ Ольга Петровна Комлева. Классический танец: учебно-методическое пособие. — Йошкар-Ола: Марийский гос. ун-т, 2006. — 169 с.
  7. ↑ Классический танец : учебно-методическое пособие - книга 2006 года.
  8. ↑ 1 2 3 Доцент кафедры культуры и искусств Комлева Ольга Петровна,. marsu.ru. Тергыме кече: 30 шыжа 2023.
  9. ↑ Марийский Государственный ансамбль танца «Марий Эл». multiurok.ru. Тергыме кече: 30 шыжа 2023.
  10. ↑ Смирнов Владимир Васильевич. poisk-ru.ru. Тергыме кече: 30 шыжа 2023.
  11. ↑ Номинация «Хореографическое искусство». helpiks.su. Тергыме кече: 30 шыжа 2023.
  12. ↑ «Марийская правда» рассказала о поэзии уроженца Йошкар-Олы, московского кардиохирурга Алексея Комлева. www.marpravda.ru. Тергыме кече: 30 шыжа 2023.
  13. ↑ Концертмейстер марийского театра оперы и балета Евгений Комлев: «Мы в училище дружили с Аллой Пугачевой, хулиганили, сочиняли шуточные песенки». news.myseldon.com (27 теле 2017). Тергыме кече: 30 шыжа 2023.
  14. ↑ Союз театральных деятелей. Марийское отделение. - Итоги фестиваля "Йошкар-Ола театральная-2017". std-mari.ru. Тергыме кече: 30 шыжа 2023.

Литератур

  • Комлева Ольга Петровна // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 270. — 2000 экз. — ISBN 5-87898-197-1.
  • Мочаев В. А. Комлева Ольга Петровна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 179. — 2032 экз. — ISBN 5-87898-357-0.
  • Комлева Ольга Петровна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 442. — 872 с. — 3505 экз. — ISBN 978-5-94950-049-1.
  • Мочаев В. А. Комлева Ольга Петровна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 212. — 606 с. — 1500 экз. — ISBN 978-5-905314-35-3.
  • Энциклопедия театров Республики Марий Эл: иллюстрированное научно-популярное издание / [Министерство культуры, печати и по делам национальностей Республики Марий Эл и др.; редкол.: |К. А. Иванов (пред.) и др.; авт.-сост.: Белецкая Е. С. и др.]. — Йошкар-Ола, 2019. — 259 с.: ил., портр.

Кылвер-влак

"https://mhr.ruwiki.ru/w/index.php?title=Комлева,_Ольга_Петровна&oldid=1234279" гыч налме