Жуков, Михаил Михайлович

Михаил Михайлович Жуков
Михаил Михайлович Жуков
Марий Эл деч РФ Федерал Погынын Федераций Каҥашын йыжыҥъеҥже
	1996 ий 24 январь — 2001 ий 1 январь
Марий Эл Республикысе Кугыжаныш Погынын II созыв Председательже
	1996 ий 6 ноябрь — 2000 ий 8 октябрь
Ончычсо пашаеҥ	Анатолий Смирнов
Алмаштыше	Юрий Минаков
Шочын	6 кылме 1937; Шарапово[d], РСФСР[d], СССР;
Колен	2013; Йошкар-Ола, Марий Эл Республик, Россий;
Партий	КПСС
Шинчымаш	Горькийысе ялозанлык институт (1960)
Награде	; МАССР Кӱшыл Каҥаш Президиумын Чапкагазше[d] (1987) Марий Эл Республикысе ялозанлыкын сулло пашаеҥже[d] (1996)

Михаи́л Миха́йлович Жу́ков (6 кылме 1937, Шарапово^[d], РСФСР^[d], СССР — 2013, Йошкар-Ола, Марий Эл Республик, Россий) — совет да российысе кугыжаныш пашаеҥ. Марий Эл Республикысе Кугыжаныш Погынын Председательже (1996—2000). РФ Федерал Погынысо Федераций Каҥашын йыжыҥъеҥже (1996—2001).

Илыш корныжо

1937 ий 6 ноябрьыште Горький кундемысе (кызыт Угарман область) Шатки район Шарапово селаште шочын^[1].

1960 ийыште Горькийысе ялозанлык институтын (руш.) (мар. агрономий факультетшым тунем пытарен^[2].

Паша корныжым колхоз агроном семын тӱҥалын. Тӱҥ агрономлан, совхоз директорлан тыршен.

Партий пашаште лийын: КПСС Волжск горкомын кокымшо, вара икымше секретарьже лийын (1978 ий гыч).

1985—1990 ийлаште Марий АССР Министр-влак Каҥаш Председательын икымше алмаштышыже да республикысе агройӧнозанлык комплексын тӱҥ директоржо лийын.

1991 ий гыч «Тепличное» АО-н (Медведево район) совхоз директоржо, вара — генеральный директоржо лийын^[3].

2013 ийыште 75 ияш илыш дене чеверласен^[2].

Политике паша

1990—1993 ийлаште РФ-ын калык депутатшылан сайлалтын, «Аграрный союз» фракцийыш пурен.

1991 ийыште президентыш кандидат А. Казимов дене пырля Марий Эл Республикын вице-президент постшо верч кучедалын (сайлымаште сеҥалтын).

1996 ий октябрьыште Марий Эл Республикысе Кугыжаныш Погынын II созывысе депутатшылан, а 1996 ий 6 ноябрьыште тудын Председательжылан сайлалтын.

Ты должностьышто улмыж дене 1996 ий январь гыч Россий Федераций Федерал Погынын Федераций Каҥашын составышкыже пурен, Аграрный политике шотышто Комитетын йыжыҥъеҥже лийын^[4]. Федераций Каҥаш йыжыҥъеҥын пашаже 2001 ий 1 январьыште, республикын тӧртык органжын у председательжым сайлымеке, мучашлалтын^[3].

Суаптар-влак

ВДНХ-н ший медальже (руш.) (мар. (1965);
РСФСР Кӱшыл Каҥаш Президиумын Чаптаныкше (1965, 1985);
«Почёт пале» орден (1975);
Марий АССР Кӱшыл Каҥаш Президиумын Чаптаныкше (1987);
Марий Эл Республикысе ялозанлыкын сулло пашаеҥже (1996);
Федераций Каҥашын Чаптаныкше (1998)^[3]^[2].

Палемдымаш

↑ Жуков Михаил Михайлович, председатель Государственного собрания Республики Марий Эл, член Совета Федерации (неопр.). www.persons.ru. Тергыме кече: 11 пургыж 2026.
↑ ¹ ² ³ Официальный сайт Госсобрания Республики Марий Эл (неопр.). old.gsmari.ru. Тергыме кече: 11 пургыж 2026.
↑ ¹ ² ³ Марийская биографическая энциклопедия-2, 2017, с. 149.
↑ Жуков Михаил Михайлович, <http://council.gov.ru/services/reference/9120/>. Тергыме: 11 пургыж 2026.

Литератур

Рыбакова Т. Л., Мочаев В. А. Жуков Михаил Михайлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 149. — 606 с. — 1500 экз. — ISBN 978-5-905314-35-3.

Кылвер-влак

Жуков Михаил Михайлович.

[1] Жуков Михаил Михайлович, председатель Государственного собрания Республики Марий Эл, член Совета Федерации (неопр.). www.persons.ru. Тергыме кече: 11 пургыж 2026.

[:0-2] ¹ ² ³ Официальный сайт Госсобрания Республики Марий Эл (неопр.). old.gsmari.ru. Тергыме кече: 11 пургыж 2026.

[_523ccaecd44d478e-3] ¹ ² ³ Марийская биографическая энциклопедия-2, 2017, с. 149.

[4] Жуков Михаил Михайлович, <http://council.gov.ru/services/reference/9120/>. Тергыме: 11 пургыж 2026.

[1]

[2]

[3]

[4]