Казанков, Сергей Иванович
| Сергей Иванович Казанков | |
|---|---|
 | |
|
| |
 Марий Эл Республикын Кугыжаныш Погынжын III, IV, V и VI VII ден VIII созыв-влакын депутатше
|
|
| 2000 ий 27 шыжа — 2016 ий 29 идым | |
 Россий Федерацийын Кугыжаныш Думын VII ден VIII созыв-влакын депутатше
|
|
| 2016 ий 5 шыжа | |
|
|
|
| Шочын |
1972 ий 9 шыжа (52 ий) Марьино, Юрино район, Марий АССР |
| Партий | КПРФ |
| Образований | Озаҥысе кугыжаныш медицине университет |
| Шанче степень | экономике шанче кандидат |
| Сайт | казанков.рф |
 Медиафайлы на РУВИКИ.Медиа | |
Сергей Иванович Казанков (шоч. 1972 ий 9 октябрь, Марьино, Юрино район, Марий АССР) — российысе кугыжаныш пашаеҥ, «Звенигово» совхоз вуйлатыше (2000—2016). Кугыжаныш думын VII ден VIII созывысе депутатше, Изи да кокла амалкалыме шотышто Россий Кугыжаныш Думысо комитет вуйлатышын алмаштышыже, КПРФ-ын фракцийжын йыжъеҥже[1].
Евросоюзын, США-н, Великобританийын да моло элласе санкций радамыште улеш.
Биографий
1972 ий 9 октябрьыште Марий АССР-ын Юрино районысо Марьино селаште шочын.
1989 ийыште Провой кундем Суслонгер посёлкышто школым тунем пытарымеке, Озаҥысе кугыжаныш медицине университетыш тунемаш пурен да 1995 ийыште тунем пытарен. Вузын Сарысе кафедрыште шинчымашым налын. Салтак чаплӱмжӧ — запасын лейтенантше. 1995–1997 ийлаште ординатурым КГМУ-што эртен. 1998–1999 ийлаште Провой кундемысе Шелаҥгер эмлыше амбулаторийын тӱҥ эмлызыже.
1998–1999 ийлаште экономикым утларак келгын шымлаш манын, Чуваш кугыжаныш университетыште Федерал программе почеш вуйлатыме кадрым ямдылыме шотышто шинчымашым налын. 2000 ийыште Германийыште стажер лийын.
1999 ийыште тудын ачаже, «Звенигово» совхозым вуйлатыше Иван Казанков Россий Кугыжаныш Думын депутатшылан сайлалтын. Сергей Казанков Шолэҥер посёлкысо «Звениговский» совхозын директоржо лийын. 2004–2005 ийлаште — «Звенигово» ялозанлык кооператив директорын алмаштышыже. 2006–2008 ийлаште — директорын алмаштышыже, «Звенигово» торгайыше да сатум ыштен лукшо комплексын директоржо. 2008–2010 ийлаште — директорын алмаштышыже, «Звенигово» ООО Шылкомбинатын тӱҥ директоржо. 2011 ий гыч — «Звенигово» ялозанлык производство кооператив директорын алмаштышыже.
2006 ийыште экономике йодыш дене кандидатлык диссертацийым арален.
Политике пашаже
Марий Эл Республикын Кугыжаныш Погынжын депутатше КПРФ деч III–VI созыв (2000-2016).
2016 ийыште Россий Федерацийын Кугыжаныш Думыжын депутатшылан сайлалтын, КПРФ деч 22-шо №-ан ик мандатан округышто 46,23 % йӱкым поген да Округышто сайлалтын, 46,23 % йӱкым поген да «Ик Россий» парийын кандидатше 37,11% йӱкым погышо Лариса Яковлевам ончылтен.
Энергетике шотышто Кугыжаныш Думын комитетшын председательжын алмаштышыже (9.11.2020 гыч). КПРФ фракцийын еҥже[2].
2021 ийыште VIII созыв Кугыжаныш Думышко сайлымаште ик мандатан 22-шо №-ан сайлыме округышто «КПРФ» политик партийын йыжъеҥже семын сайлалтын. Йӱклымӧ кечын сайлыше-влакын 50,36 % йӱкышт Сергей Казанковлан пуалтын[3].
Изи да кокла амалкалче-влак шотышто Кугыжаныш Думысо комитет председательын икымше алмаштышыже. КПРФ фракцийын йыжъеҥже.
Тӧртык лукмаш пашаже
2016 ий гыч 2020 ий марте гыч, Кугыжаныш Думын VII созывысе депутат порысшым шуктымыж годым, федерал тӧртык-влакын проектлаштыже 40 темлымаш да тӧрлатымашым пуртышо автор семын пашам ыштен[4].
Санкций-влак
2022 ий 23 февральыште Евсоюзын санкций спискыш пуртымо[5].
Варарак США-н, Великобританийын, Канадын, Швейцарийын, Австралийын, Японийын, Украинын да У Зеландийын санкций спискышкышт логалын.
Еш
Ачаже — Иван Иванович, аграрий озанлык вуйлатыше, Кугыжаныш Думын ончычсо депутатше. Аваже — Людмила Григорьевна, туныктышо, руш йылмым да сылнымутым вӱдышӧ.
Пелашыже — Ольга Владиславовна, юрист. Йочаже — кок ӱдыр[6].
Палемдымаш
- ↑ Казанков Сергей Иванович. Государственная Дума. Дата обращения: 13 сорла 2019. Архивировано 13 сорла 2019 года.
- ↑ Казанков Сергей Иванович. Государственная дума. Дата обращения: 8 теле 2020. Архивировано из оригинала 28 шыжа 2020 года.
- ↑ От Марий Эл в Госдуму России избраны два депутата-коммуниста и ни одного единоросса | КПРФ Москва. Дата обращения: 29 идым 2021. Архивировано 29 идым 2021 года.
- ↑ Объекты законотворчества :: Система обеспечения законодательной деятельности. sozd.duma.gov.ru. Дата обращения: 13 сорла 2019. Архивировано 26 идым 2019 года.
- ↑ Official Journal of the European Union L 042I. Council regulation (EU) 2022/259. — 2022. — ISSN 1977-0677. Архивировано 23 пургыж 2022 года.
- ↑ Сайт Сергея Ивановича Казанкова. Дата обращения: 15 шорыкйол 2022. Архивировано 13 теле 2019 года.
Литератур
- Казанков Сергей Иванович // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 242. — 2000 экз. — ISBN 5-87898-197-1.
- Мочаев В. А. Казанков Сергей Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 186. — 606 с. — 1500 экз. — ISBN 978-5-905314-35-3.
Кылвер-влак
- Сайт Сергея Ивановича Казанкова.
- Казанков Сергей Иванович. Сайт КПРФ.
- Казанков Сергей Иванович. Сайт Государственного собрания Республики Марий Эл.
- Казанков Сергей Иванович. Сайт Государственной думы.