Владимиров, Николай Прохорович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Владимиров.
Николай Прохорович Владимиров
Владимиров, Николай Прохорович.jpg
Шочмо кече 1898 ий 18 теле(1898-12-18)
Шочмо вер Руш Руя, Ернур волость, Яраҥ уезд Виче губерний, Россий империй
Колымо кече 1973 ий 2 шыжа(1973-10-02) (74 ий)
Колымо вер Сочи, Краснодар край, РСФСР, СССР
Эл  Россий империй →  СССР
Профессий тӱҥ эмлызе
Шанче алан физиотерапий, бальнеотерапий
Паша вер Томск медицине институт
Образований
Званий РСФСР-ын сулло врачше — 1948
Награде да премий Орден Красного Знамени  — 1967 Орден Отечественной войны II степени  — 1945 Орден Красной Звезды  — 1945 Орден «Знак Почёта»  — 1953 II степенян «Ачамланде сар партизанлан» медаль SU Medal For the Capture of Koenigsberg ribbon.svg Медаль «За взятие Берлина» Медаль «За победу над Германией в Великой Отечественной войне 1941—1945 гг.» «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»

Николáй Прóхорович Влади́миров (18 теле 1898, Руш Руя, Яраҥ уезд, Виче губерний, Россий империй — 2 шыжа 1973, Сочи, Краснодар край, РСФСР[d], СССР) ― совет пашаеҥ да тазалыкаралтыш вуйлатыше. Томск медицине институтын (1940―1941), Томск кап-кылым эмлыме йӧн-влакым шанче-шымлыше институтын (1953―1954) да Сочисе Кугыжаныш бальнеологий шанче-шымлыше институтын (1954―1957) директоржо. РСФСР-ын сулло эмлызыже (1948). Пургыж да Октябрь революций-влакын, Граждан да Кугу Ачамланде сар-влакын салтакше. 1918 ий гыч РСДРП(б)-н йыжъеҥже.

Илыш корно

1898 ий теле тылзын 18-ше кечынже кызытсе Марий Эл Оршанке район Руш Руя ялысе[1] кресаньык ешеш шочын[2].

1914 ийыште, Чарла оласе училищым тунем пытарымеке, Виче губернийын Яраҥ уезд?! Оршанке селаштыже туныктышо[2][3].

1916 ий гыч сар службышто: Петроградысе Пургыж да Октябрь революций-влакын  (руш.) (мар. салтакше. 1918 ийыште РСДРП(б)-ш налме. 1918 ий ӱярня тылзын ― шочмо ялысе Советын икымше председательже. Граждан сарын салтакше: 1923 ий марте Эрвел да Касвел фронтласе рядовой гыч имнешке эскадронын командирже марте кушкын. Нелын сусырген[2][3][4].

1924―1925 ийлаште Чарлаште илен: совет-партий школын тунемшыже, ОГПУ-н пашаеҥже[2][3].

1932 ийыште Томск медицине институтым тунем пытарен. Вуйлатыме пашаш куснен: 1934 ий гыч ― Белокуриха курортын директоржо, 1936 ий гыч ― Томск оласе тазалыкаралтыш пӧлкам вуйлатыше, 1937―1939 ийлаште ― Новосибирск кундемыште Бердск оласе санаторийын тӱҥ эмлызыже, 1940―1941 ийлаште ― Томск медицине институтын директоржо. 1940 ийыште медицине шанче кандидат?! лӱмпалым налын[2][3].

1941 ий сорла тылзын РККА-ш шке кумылын ушнен. Кугу Ачамланде сарын салтакше: Томскысо 196 №-ан войскасе куснылшо госпитальын, 1943 ий гыч ― Касвел, 1-ше, 2-шо, 3-шо Белорус фронтласе  (руш.) (мар. 2843 №-ан эвакогоспитальын начальникше, медицине службо майор. Сусырген, контузий лийын. 1945 ий теле тылзын армий гыч демобилизоватлыме. Йошкар Тисте орден, II степенян Ачамланде сар орден, Йошкар Шӱдыр орден да медаль-влак дене суапландарыме[3][5][6].

Демобилизаций деч вара Томскыш пӧртылын: Томск медицине институтын доцентше, 1953―1954 ийлаште ― Томскысо кап-кылым эмлыме йӧн-влак НИИ-н директоржо. 1954―1957 ийлаште Сочисе Кугыжаныш бальнеологий НИИ-н директоржо лийын. Наукым административ-кӱштен каласыме йӧн дене вуйлаташ кумылан еҥ семын палыме[2][3].

1948 ийыште тазалыкаралтыш аланыште суапшылан «РСФСР-ын сулло эмлызыже» чаплӱмым пуымо. «Чап Тамга» орден да медаль-влак дене суапландарыме[2][3].

1973 ий шыжа тылзын 2-шо кечынже Сочи олаште колен, туштак тоеныт[2][3].

Чап лӱм да суаптар

Палемдымаш

  1. ↑ Русская Руя (Руш Руя) | Родная Вятка. rodnaya-vyatka.ru. Тергыме кече: 3 пургыж 2026.
  2. ↑ 1 2 3 4 5 6 7 8 9 10 11 12 Мочаев, 2017, с. 85.
  3. ↑ 1 2 3 4 5 6 7 8 9 10 ВЛАДИМИРОВ Николай Прохорович (неопр.). Марийская история в лицах. Тергыме кече: 3 пургыж 2026.
  4. ↑ Выдающиеся люди - Каталог статей - Прикамье: наследие... kazan-gub.ru. Тергыме кече: 3 пургыж 2026.
  5. ↑ 1 2 3 4 5 Владимиров Николай Прохорович :: Память народа. pamyat-naroda.ru. Тергыме кече: 3 пургыж 2026.
  6. ↑ 1 2 3 4 Владимиров Николай Прохорович — Память народа (руш.). poisk.re. Тергыме кече: 3 пургыж 2026.

Литератур

  • Васин К. К. По памятным местам: Историко-краеведческие очерки / К. К. Васин, К. Н. Сануков, М. Т. Сергеев. ― 2-е изд, испр. и доп. ― Йошкар-Ола: Маркнигоиздат, 1968. ― С. 94―95.
  • Владимиров Николай Прохорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 75. — 2032 экз. — ISBN 5-87898-357-0.
  • Наши земляки на полях сражений. Участники Великой Отечественной войны — жители Марковского сельского Совета Оршанского района МАССР / Сост. Г. Г. Щёкотова, Г. А. Чернова, Л. В. Таныгина. ― Оршанка, 2016. ― С. 10―11.
  • Колесников А. Ю. Владимиров Николай Прохорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 85. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Владимиров,_Николай_Прохорович&oldid=1233445" гыч налме