Антоненко, Зинаида Михайловна

РУВИКИ — эрыкан энциклопедий гыч материал
Зинаида Михайловна Антоненко
Антоненко, Зинаида Михайловна.jpg
Шочмо кече 1907 ий 14 шыжа(1907-10-14)
Шочмо вер Кукшэҥер, Чебоксар уезд, Озаҥ губерний, Россий империй
Колымо кече 1996 ий 13 шорыкйол(1996-01-13) (88 ий)
Колымо вер Йошкар-Ола, Марий Эл, Россий
Гражданлык Флаг России Россий империй, СССР
Паша сомыл тӱвыра пашаеҥ, партий пашаеҥ
Награде да премий

Орден Трудового Красного Знамени — 1962 Орден «Знак Почёта»  — 1951 Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» «Пашан ветеранже» медаль
Марий АССР-ысе Кӱшыл Каҥаш Вуйверын Чаптаныкше (1946, 1957, 1968)

Зинаида Михайловна Антоненко (14 шыжа 1907, Сухой Овраг, Чебоксар уезд, Озаҥ губерний, Россий империй — 13 шорыкйол 1996, Йошкар-Ола, Марий Эл Республик, Россий) — совет тӱвыра пашаеҥ, партий-администраций вуйлатышыже. Марий АССР-ысе телевидений да радио паша комитетын икымше председательже (1952, 1957—1963), Марий республикын шанче-краевед тоштерын директоржо (1964—1966). ВКП(б) йыжъеҥ.

Илыш корныжо

Кызытсе Марий Элын Звенигово вел Кукшэҥерыште (1927 ий марте Сухой Овраг)[1], кыдалаш школ туныктышын ешеш шочын. 1926 ийыште Угарман олаште Марксизм-ленинизм институтым, 1937 ийыште — Москошто ВКП(б) ЦК пелен пропагандист-влакын Кугу школжым, 1954 ийыште — ВКП(б) ЦК пелен Кугу партий школым, пашам кодыде, тунем пытарен[2].

1922 ий гыч ВЛКСМ, 1930 ий гыч ВКП(б) йыжъеҥ[2]. 1927 ий гыч Йошкар-Ола ВКП(б) комитетыште пашам ыштен: 1943—1945 ийла — тӱвыра да пропаганде пӧлкам вуйлатыше, 1945—1952 ийла — ола комитетын секретарьже. 1931—1933 ийлаште Оршанке ВКП(б) райкомын ӱдырамаш пӧлкажым вуйлатыше, 1933—1935 ийлаште — Марий автоном кундемын Оршанке роножым вуйлатышыже[2].

1937—1943 ийлаште Марий АССР Министр-влак Каҥашын кадр пӧлкажым вуйлатыше. Вара республикысе тӱвыра аланыште вуйлатыме пашаш куснен: 1952 да 1957—1963 ийлаште — Марий АССР телевидений да радио паша комитетын председательже[3], 1964—1966 ийлаште — Марий республикын шанче-краевед тоштерын (кызыт Марий Эл Республикын Т. Евсеев лӱмеш калыкле тоштерже) директоржо[4].

1996 ий 13 январьыште Йошкар-Олаште илыш дене чеверласен, Турун шӱгарлаште  (руш.) (мар. тоеныт[4].

Суаптар-влак

Палемдымаш

  1. ↑ Кукшенеры (Кукшэнер, Суховраг, околоток Сухой Овраг), деревня — aboutmari.com (руш.). aboutmari.com. Тергыме кече: 5 пургыж 2026.
  2. ↑ 1 2 3 Национальный музей им. Т. Евсеева. Страницы истории / сост. А. В. Муравьёв. — Йошкар-Ола, 2011. — С. 21. — ISBN 978-5-904558-10-9.
  3. ↑ Марийское ТВ живет надеждами. www.marpravda.ru. Тергыме кече: 5 пургыж 2026. Архивлыме 6 пеледыш 2021 ий.
  4. ↑ 1 2 3 4 5 Национальный музей им. Т. Евсеева. Страницы истории. — 2011. — С. 22. — ISBN 978-5-904558-10-9.

Литератур

  • Антоненко Зинаида Михайловна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 28. — 2032 экз. — ISBN 5-87898-357-0.
  • Краснов П. В., Мочаев В. А. Антоненко Зинаида Михайловна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 29. — 606 с. — 1500 экз. — ISBN 978-5-905314-35-3.
  • Антоненко Зинаида Михайловна, с 1964 по 1966 год // Национальный музей им. Т. Евсеева. Страницы истории / Сост. Ан. В. Муравьев. — Йошкар-Ола: ГБУК РМЭ «Национальный музей Республики Марий Эл им. Т. Евсеева», 2011. — С. 21. — ISBN 978-5-904558-10-9.

Кылвер-влак

"https://mhr.ruwiki.ru/w/index.php?title=Антоненко,_Зинаида_Михайловна&oldid=1233112" гыч налме