Смышляев, Евгений Васильевич

Евгений Васильевич Смышляев
Евгений Васильевич Смышляев
Шочмо кече	20 теле 1926
Шочмо вер	Параньга район, Марий Эл, Россий
Колымо кече	2017 ий 2 шыжа
Колымо вер	Слободской[d], Киров область, Россий;
Пурымаш	СССР
Войскан родшо	артиллерий[d]
Службо жап	1943—1947
Званий	гвардийын младший сержантше
Часть	88-ше стрелковый дивизий
Командоватлен	замковый, варарак наводчик да 76-мм пушко-влакан батарейыште орудий командир
Кредалмаш/сар	Кугу Ачамланде сар

Евгений Васильевич Смышляев (1926 ий 20 декабрь, Пигельмаш ял, кызыт Марий Эл Республик Параньга район — 2017 ий 2 октябрь, Слободской, Киров область) — Чап орденын тичмаш кавалерже, младший сержант, замковый, варарак 426-шо стрелковый полкын 76-мм пушко-влакан батарейыштыже орудий наводчик да командир (88-ше стрелковый дивизий, 31-ше армий, 3-шо Белорус фронт).

Биографий

Е. В. Смышляев 1926 ийыште Марий автоном область Марий Турек кантонысо Пигельмаш ялыште кресаньык ешеш шочын. Калыклык шот дене руш. Кыдалаш школым тунем пытарен. Колхозышто пашам ыштен, пасу паша бригадын бригадирже лийын. 1943 ий ноябрь гыч Йошкар Армийыште. Кострома областьыште артиллеристлан ямдылалтын. 1944 ий май гыч фронтышто, пӱтынь сӧй корным 88-ше стрелковый дивизийын 426-шо стрелковый полкыштыжо эртен. Белоруссийым, Литвам, Польшым утарымаште лийын, Березина ден Неман эҥерлам форсироватлен.

1944 ий 23 июньышто Смышляев, расчёт дене пырля тыршышыжла, Смоленский областьысе Йошкарге лӱман илыме вер деч 20 километрлан кечывалвелнырак тушманын аралтышыжым кӱрлмӧ годым туран виктарыме дене тушманын 2 дзотшым да 10 утла салтакшым пытарен, боеприпасан машинам йӱлатен, тидлан 1944 ий 23 июльышто 3-шо степенян Чап орден дене суапландаралтын.

1945 ий 6 февральыште, Бартенштайн (кызыт Бартошице, Польшо) ола деч кечывалвел-касвелнырак контратакым чактарышыла, наводчик Смышляев расчётшо дене пырля тушманын эскерыме олмыжым да 10 утла салтакшым пытарен, тидлан 1945 ий 14 мартыште 2-шо степенян Чап орден дене суапландаралтын.

1945 ий 28 февральыште Кёнигсберг (кызыт Калининград) ола деч кечывалвелнырак ончык кайыме сӧйыштӧ Смышляев расчётшо дене пырля тушманын 3 атакыжым чактарен, тудын 15 утла салтакшым пытарен, тыге мемнан пехотылан тушман улмо верышке керылт пураш йӧным ыштен, тидлан 1945 ий 2 апрельыште 2-шо степенян Чап орден дене суапландаралтын. 1987 ий 31 декабрьыште 1-ше степенян Чап орден тӧрлаталт суапландаралтын.

Евгений Смышляевлан сар 1945 ий 2 мартыште пытен, тунам тудо осколко дене сусырген да Каунас оласе госпитальыш логалын. 1947 ийыште демобилизоватлалтын. Шочмо колхозышкыжо пӧртылын, варарак Киров областьыш куснен. Пенсийыш лекмешкыже Каринторф посёлкышто (кызыт Кирово-Чепецк олан микрорайонжо) торфопредприятийыште слесарьлан пашам ыштен. 1968 ийыште пашазе самырык пашазе-влак школын 11-ше классшым тунем пытарен. 2010 ий гыч Слободской олаште илен^[1].

2017 ий 2 октябрьыште колен. Слободской оласе Данилов шӱгарлаште тойымо^[2].

1966 ий гыч КПСС член.

Награде-влак

Йошкар Тисте, Пашаче Йошкар Тисте, 1-ше степенян Ачамланде сар орден-влак дене, «Лӱддымылыклан» медаль, моло медаль дене суапландаралтын.

Палемдымаш

↑ Артиллерийский расчет ефрейтора Смышляева, отражая яростные атаки фашистов, уничтожил их огневую точку и помог нашей пехоте взять немецкую деревню (неопр.). www.marpravda.ru. Тергыме кече: 11 вӱдшор 2020. Архивлыме 11 вӱдшор 2020 ий.
↑ Полного кавалера ордена Славы Е. В. Смышляева похоронили — на сайте «Слобожане» (неопр.). Тергыме кече: 8 ага 2018. Архивлыме 9 ага 2018 ий.

Литератур

Смышляев Евгений Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 338. — 2032 экз. — ISBN 5-87898-357-0.
Смышляев Евгений Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 717. — 872 с. — 3505 экз. — ISBN 978-5-94950-049-1.
Смышляев Евгений Васильевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 235—237. — 374 с. — 500 экз. — ISBN 978-5-94950-070-5.

Кылвер-влак

[1] Артиллерийский расчет ефрейтора Смышляева, отражая яростные атаки фашистов, уничтожил их огневую точку и помог нашей пехоте взять немецкую деревню (неопр.). www.marpravda.ru. Тергыме кече: 11 вӱдшор 2020. Архивлыме 11 вӱдшор 2020 ий.

[2] Полного кавалера ордена Славы Е. В. Смышляева похоронили — на сайте «Слобожане» (неопр.). Тергыме кече: 8 ага 2018. Архивлыме 9 ага 2018 ий.

[1]

[2]