Бурашников, Михаил Васильевич

РУВИКИ — эрыкан энциклопедий гыч материал
Михаил Васильевич Бурашников
Бурашников, Михаил Васильевич.jpg
Шочмо кече 29 шыжа 1904(1904-10-29)
Шочмо вер
Колымо кече 30 шорыкйол 1992(1992-01-30) (87 ий)
Колымо вер
Пурымаш  Россий империй →  СССР →  Россий
Войскан родшо контрразведке
Службо жап 1928—1953
Званий
Полковник
Кредалмаш/сар Кугу Ачамланде сар
Награде да премий

Михаи́л Васи́льевич Бура́шников (29 шыжа 1904, Чарла, Озаҥ губерний, Россий империй — 30 шорыкйол 1992, Йошкар-Ола, Марий Эл Республик, Россий) ― совет сарзе пашаеҥ. Кугу Ачамланде сарын салтакше. Полковник (1953). Ленин орденын кавалерже (1953).

Илыш корныжо

1904 ий 29 октябрьыште Чарла олаште (кызыт — Марий Элысе Йошкар-Ола[1]) Марий кундемыште «Угарман аракам ужалыше товариществе» сатулышо ӱшанъеҥын ешыштыже шочын[2][3][4].

1905 ий гыч Чыкма олаште илен. 1921 ийыште Чыкмасе II степенян школым тунем пытарымеке, Юл ӱмбалне шолым волтышо, лувуй лийын[2][3]. «Синяя блуза» занятийлашке коштын[4].

1924 ийыште, посна палемдалтше часть-влакын 334-ше посна батальонжын (Симбирск ола) «коммунарже» лийын, Юл кундемыште кресаньык-влакын восстанийыштым темдалмаште лийын. 1926 ийыште Чыкма кантон сарком тудым РККА-ш налын, тушто Амур флотилийын посна сер дивизионжын командирже марте кушкын. 1930 ийыште Ульяновск оласе пехото командир школым тунем пытарен[2][3][4].

Кугу Ачамланде сарын салтакше: 1944 ийыште — Мӱндыр Эрвел фронтышто сер дивизион пӧлкан командирже. 1945 ийыште 25-ше армийын пехото политкышкарысе кӱшыл курсым тунем пытарен, подполковник. Вара Касвел Германийыште совет граждан-влакым пӧртылтымӧ (репатриаций) шотышто СССР Министр-влак Каҥашын ӱшанъеҥжын Виктемыштыже пашам ыштен: власовец, бандеровец-влак дене, пленыш логалше да наҥгайыме граждан-влакым шочмо элыш пӧртылтымӧ шотышто пашам шуктен. 1949 ийыште Германий гыч пӧртылмеке, Москошто да Ригыште служитлен[4]. 1953 ий ноябрьыште контрразведке полковник лӱмпале дене отставкыш каен. Ленин орден, Йошкар Тисте, Йошкар Шӱдыр орден да медаль-влак дене суапландаралтын[2][3][5].

1954―1970 ийлаште Йошкар-Олаште тӱрлӧ должностьышто пашам ыштен. Медаль-влак да Марий АССР Кӱшыл Каҥаш Президиумын чаптаныкше дене палемдалтын[2][3].

1992 ий 30 январьыште Йошкар-Олаште илыш гыч каен[2][3].

Суаптар-влак

Палемдымаш

  1. ↑ 1 2 3 4 5 Бурашников Михаил Васильевич :: Память народа. web.archive.org. Тергыме кече: 4 пургыж 2026.
  2. ↑ 1 2 3 4 5 6 7 Мочаев, 2017, с. 64.
  3. ↑ 1 2 3 4 5 6 7 Энциклопедия Республики Марий Эл, 2009, с. 261.
  4. ↑ 1 2 3 4 Бурашников Михаил Васильевич (руш.). Марийская история в лицах. Тергыме кече: 4 пургыж 2026. Архивлыме 11 шорыкйол 2024 ий.
  5. ↑ Бурашников Михаил Васильевич :: Память народа. web.archive.org. Тергыме кече: 4 пургыж 2026.
  6. ↑ Бурашников Михаил Васильевич — орден Красной Звезды, 03.11.1944 (выслуга лет) (руш.). web.archive.org. Тергыме кече: 4 пургыж 2026.

Литератур

  • Опарина Т. Т. Бурашников Михаил Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 57. — 2032 экз. — ISBN 5-87898-357-0.
  • Бурашников Михаил Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 261. — 872 с. — 3505 экз. — ISBN 978-5-94950-049-1.
  • Опарина Т. Т., Курочкин А. М. Бурашников Михаил Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 64. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Бурашников,_Михаил_Васильевич&oldid=1233064" гыч налме