Шабалин, Николай Дмитриевич

РУВИКИ-ште тыгай тукымлӱм дене вес еҥ нерген статьям лудаш лиеш: Шабалин.

Николай Дмитриевич Шабалин
Шочмо кече	21 кылме 1906(1906-11-21)
Шочмо вер	Алдияр, Чылдемыр ял шотан илем, Шернур кундем, Марий Автоном Совет Социализм Республик, РСФСР
Колымо кече	21 шорыкйол 1998(1998-01-21) (91 ий)
Колымо вер	Красногорский, Звенигово район, Марий Эл Республик, Россий
Гражданлык	Россий империй →  СССР →  Россий
Паша сомыл	партий пашаеҥ, депутат
Награде да премий	Марий АССР Кӱшыл Каҥаш Президиумын Чаптаныкше (1956, 1957)

Николáй Дми́триевич Шабали́н (21 кылме 1906, Алдияр, Марий Автоном Совет Социализм Республик — 21 шорыкйол 1998, Красногорский, Марий Эл Республик) — марий совет партий пашаеҥ. 1930 ий гыч ВКП(б)-ын йыжыҥъеҥже, Марий АССР-ысе Пектубай (1939—1941), Оршанке (1946—1951) да Морко (1952—1958) район ВКП(б) / КПСС комитет-влакын икымше секретарьже. Кугу Ачамланде сарын участникше.

Илыш корныжо

1906 ий 21 ноябрьыште кызытсе Марий Элын Шернур кундем Алдияр ялысе йорло кресаньык ешеш шочын.

1928 ий октябрьыште РККА-ш налме, сар службышто лийын.

1930 ийыште ВКП(б)-ш пурен.

1934 ий гыч Марий АССР-ысе Шернур кундем партий пашаште лийын: ВКП(б) райкомын инструкторжо, 1936 ий гыч — Озаҥ МТС директорын политужаш шотышто алмаштышыже, 1937—1938 ийлаште — партий райкомын 3-шо секретарьже, 1939—1941 ийлаште — Марий АССР-ысе Пектубай ВКП(б) райкомын 1-ше секретарьже.

1941 ийыште уэш Йошкар Армийыш ӱжыныт. Кугу Ачамланде сарын участникше: Ленинград фронтысо миномёт да сапёр батальон-влакын комиссарже, кугурак политрук, лӱйкалыше-влак дивизийысе парткомиссийын секретарьже, майор. Прибалтикым, Польшым, Чехословакийым утарымаште кредалын. 1946 ий августышто демобилизоватлыме. I да II степенян Ачамланде сар, Йошкар Шӱдыр орден-влак, медаль-влак дене, нунын коклаште «Лӱддымылыклан» да «Сарзылык суаплан» медаль-влак дене суапландаралтын.

Сар деч вара, 1946—1951 ийлаште, Оршанке, 1952—1958 ийлаште — Морко КПСС райкомын 1-ше секретарьже лийын. 1958 ийыште Морко райисполкомын председательже А. К. Конокпаевым тойымаште юмын йӱлам шуктымылан паша гыч кораҥдыме.

1951—1959 ийлаште, кок созыв жапыште, Марий АССР Кӱшыл Каҥашын депутатшылан сайлалтын.

Тудын шуко ияш политике да депутат пашаже Паша Йошкар Тисте орден орден, медаль-влак дене, тыгак Марий АССР Кӱшыл Каҥаш Президиумын Чаптаныкышт дене (кок гана) палемдалтын.

1998 ий 21 январьыште Марий Элын Провой кундем Красногорский посёлкышто колен.

Суаптар-влак

• Паша Йошкар Тисте орден (1951);
• I степенян Ачамланде сар орден (1945);
• II степенян Ачамланде сар орден (06.04.1985);
• Йошкар Шӱдыр орден (30.04.1944);
• «Лӱддымылыклан» медаль (11.06.1942);
• «Сарзылык суаплан» медаль (06.05.1946);
• «1941—1945 ийласе Кугу Ачамланде сарыште Германийым сеҥымылан» медаль (09.05.1945);
• «Чапле пашалан. Владимир Ильич Ленинын шочмыжлан 100 ий темме лӱмеш» медаль (1970)
• «Пашан ветеранже» медаль;
• Марий АССР Кӱшыл Каҥаш Президиумын Чаптаныкше (1956, 1957).

Палемдымаш

Литератур

• Шабалин Николай Дмитриевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 397. — 2032 экз. — ISBN 5-87898-357-0.
• Краснов П. В., Мочаев В. А. Шабалин Николай Дмитриевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 490. — 606 с. — 1500 экз. — ISBN 978-5-905314-35-3.

Кылвер-влак

• Память народа. Шабалин Николай Дмитриевич.