Соловьёв, Иван Юрьевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Соловьёв.
Иван Юрьевич Соловьёв
Соловьев Иван Юрьевич.jpg
Шочмо кече 27 шорыкйол 1994(1994-01-27) (32 ий)
Шочмо вер
Гражданлык
Тунеммаш
Профессий театр актёр

Иван Юрьевич Соловьёв (шоч. 27 шорыкйол 1994, Овалже (ял), Чӱксола ял шотан илем[d], У Торъял кундем, Марий Эл Республик, Россий) — Российысе актёр, мурызо.

Илыш корно

1994-ше ий 27-ше январьыште Марий Эл Республик У Торъял районысо Овалже ялыште шочын[1]. 9-ше класс марте Совет Ушем Герой М. В. Лебедев лӱмеш Немда кыдалаш общеобразовательный школышто тунемын, 10-11-ше класслаште верысе, посёлкысо У Торъял кыдалаш школышто шинчымашым поген. 2011-2015-ше ийлаште Москошто Российысе Кугыжаныш академий Изи театр пеленысе М. С. Щепкин лӱмеш Кӱшыл театр училищыште «Актёр сымыктыш» специальностьлан тунемын. «Драме театр да кино артист» квалификацийым налын. 2019-2023-шо ийлаште И. Н. Ульянов лӱмеш Чуваш кугыжаныш университетын  (руш.) (мар. сымыктыш факультетыштыже «Вокал сымыктыш» направлений дене тунемын. Квалификаций — концертно-камерный мурызо, туныктышо (академический мурымаш).

Паша корно

Театр

2015-ше ий гыч М. Шкетан лӱмеш Марий калыкле драме театрыште пашам ышта[1]. Иван Соловьёв «Руш секрет» спектакльыште Левшан тӱҥ рольжым модын, тиде тудын икымше кугу пашажлан шотлалтын. 2015-ше ийыште Иван Соловьёв XII Калыкле театр-влакын «Моско — тӱнясе ола» фестиваль конкурсыштышт Н. Лесковын «Левша» ойлымашыже негызеш шындыме «Руш секрет» спектакльыште Левшан рольжылан лауреат диплом дене палемдалтын[2].

2018-ше ий гыч И. С. Палантай лӱмеш Марий республикысе тӱвыра да сымыктыш колледжыште «Сценыште шкем кучымаш да фехтований» дисциплиным туныкта.

Ойырен налме роль да спектакль-влак
  • Н. Лесков «Руш секрет» — Левша (2015)
  • Эдуардо де Филиппо «Цилиндр» — Аттилио (2015)
  • Л. Яндаков «Йӧратымаш? Йӧратымаш! Йӧратымаш…» — Герман (2016)
  • Н. Арбан «Тулар ден тулаче» — Вадим (2017)
  • М. Шкетан «Эреҥер» — Эвай Пӧтыр (2017)
  • В. Кульшетов «Шордо Ихтыго» — Ихтыго (2017)
  • А. Островский «Чын улат — сай, пиалан гын» — сайрак — Платон (2018)
  • С. Кантерво, В. Панченко «Вий-ар-ме» — Харальд (2018)
  • С. Чавайн «Элнет» — Сакар (2018)
  • А. Островский «Кӧ кечым пӧртылта» — Лель (2018)
  • А. Спиридонов, А. Мокеев «Югорно» — Салий (2018)
  • С. Николаев «Салика» — Эчук (2019)
  • Чаба Секей «Илена йӱлена» — Микай (2019)
  • С. Пектеев «Йыван Кырла. Илышлан корно» (2020)
  • С. Строганова «Ӱжара — тымык, кече шичмаш — ал» — Старшина Васков (2020)
  • Ю. Тупикина «БАвай» — Лёша (2020)
  • З. Долгова, С. Яндукова «Ший Пампалче» — Турий (2020)
  • С. Пектеев «Фолкс» — Йохан (2021)
  • З. Долгова «Маринавт-влак але Теве кушто илышет» — Ньо-Ньок (2021)
  • Н. Кузьминых «Нӧнчык патыр» — Нӧнчык патыр (2021)
  • В. Шекспир «Торешвате» — Люченцио (2022)
  • Н. Гоголь «Тергыше» — Коробкин (2022)
  • А. Мокеев «Ой, Мичу!.. Ох, Зина!..» — Мичу (2022)
  • В. Шекспир, Ф. Гладков «Гамлет. Машина. Цемент» — Лаэрт, Чумалов, Глеб (2022)
  • А. Чупин «Аладдинын юзо лампыже» — Аладдин (2022)
  • В. Пектеев «Йӧратымашын акше» — Виктор Салаус (2022)
  • Н. Пушкина, С. Яндукова «Юмынӱдыр» — Санёк, Салий (2023)
  • Н. Арбан «Кеҥеж йӱд» — Санюк (2023)
  • В. Гуркин «Йӧратымаш да кӧгӧрчен-влак» — Лёнька (2023)
  • Ш. Перро «Золушка» — Принц (2023)[3]
  • Александр Арзайн. «Микулан — презе, Якулан — ӱдыр» (2024)
  • А. Чехов «Дядя Ваня» — Серебряков (2024)
  • З. Долгова «Эрла ял пайрем» — артист (2025)
  • А. Яковлев, С. Тимошенко «Кавасе алаша» — Кайсаров (2025)
  • В. Розов «Чоҥешта турня кашта…» — Борис (2025)
  • Санян Вачи «Колумб» — Колумб (2025)
  • М. Булгаков «Самырык эмлызын шарнымашыже-влак» — эмлызе (2025)

Сем

2019-ше ий гыч тудо сценыште мурызо семын выступатла, марий да руш йылме дене муро-влакым мура. Регион кокласе да Российысе вокал конкурс-влакын лауреатше. Гитар дене шоктен мошта, муро-влакым шке воза. 2022-шо ийыште XIV Российысе «Российысе драме театр-влакын актерышт-влак мурат» фестивальыште, 2023-шо ийыште Йошкар-Олаште эртарыме III Регион-влак кокласе автор-влакын «Какшан сер ӱмбалне» муро фестивальыште участвоватлен. 2023-шо ий гыч М. Шкетан лӱмеш Марий драме театр пеленысе «Уста» вокал да инструмент ансамбльыште выступатлаш тӱҥалын. Кум гана «Идалыкысе муро» фестивальын лауреатше лийын: Надежда Ильина дене пырля дуэтыште (2021), Наталья Алексеева дене пырля дуэтыште (2022), Марина Воронцова дене пырля дуэтыште (2023).

2024-ше ий 27-ше январьыште 30 ияш лӱмгечыже лӱмеш училищыште пырля тунемме йолташыже-влак, «Уста» ансамбль да моло артист-влак дене пырля икымше сольный концертым эртарен[4].

2025-ше ийыште «Идалыкысе муро» XV сем фестивальын Гран-прижым «Кум ӱжара» муро дене сеҥен налын, тудым идалыкын тӱҥ хитшылан шотлымо[5].

Дискография
  • «Тол ончыкем» (2020)
  • «Уло чын йӧратымаш» (2020)
  • «Тый шочынат мылам улмаш» (2020)
  • «Шочмо ял» (2022)
  • «Шӱмбел ава» (2023)
  • «Вӱдшӧ йога» (2023)
  • «Йӧратымаш» (2023)
  • «Мый тауштем» (2023)
  • «Авай, ит шорт» (2023)
  • «Марла» (2023)
  • «Ялем» (2023)
  • «Тылат мурем» (2023)
  • «Тӱрлӧ корно» (2023)
  • «Ида ӧпкеле» (2023)
  • «Мо гынат лийшашак таче» (2023)
  • «Мо тугай йӧратымаш» (2024)
  • «Ах могай ялыште сай» (2024)
  • «Пиал» (2024)
  • «Ончо, ломбо пеледеш» (2024)
  • «Ну кузе гын умылаш» (2024)
  • «Шочмо ялна» (2025)
  • «Кум ӱжара» (2025)
  • «Шӱдыр лоҥго каваште» (2025)
  • «Пеш шуко мут» (2025)
  • «Полан» (2025)
  • «Мӧҥгыштӧ» (2025)
  • «Шижмаш ила» (2025)
Дуэт
  • «Уремыш лек, йӧратымем» & Станислав Соловьёв (2019)
  • «Вучыдымо вашлиймаш» (RMX) & Татьяна Денисова
  • «Чонемын киндыже» & Татьяна Денисова (2020)
  • «Ала тый мыланем» & Станислав Соловьёв (2020)
  • «Ший гармонь» & Станислав Соловьёв (2020)
  • «Мыйын лу илышем лиеш гын» & Марина Воронцова (2020)
  • «Чон шокшо» & Надежда Ильина (2021)
  • «Ит вашке» & Катерина Шабдар (2021)
  • «Лачак тый» & Марина Воронцова (2022)
  • «Илышлан уло ӱшан» & Марина Воронцова (2022)
  • «Ом сыре, ом шыдешке» & Марина Воронцова (2023)
  • «Тый шижат мо» & Наталья Алексеева (2023)
  • «Йӧратымем, тый вучо» & Шовышо шöр (2024)
  • «Чон вашлиймаш» & Марина Воронцова (2024)
  • «Такмак-влак» & Станислав Соловьёв (2024)
  • «Илыш» & Иван Смирнов (2025)
Квартет
  • «Шем шинчан» & Игорь Антропов, Алексей Юнусов, Акпарс (2019)
  • «Марий ӱдыр» & Игорь Антропов, Алексей Юнусов, Акпарс (2020)

Чаплӱм-влак

  • Марий Эл Республикын Тӱвыра, печать да калык-влакын пашашт шотышто министерствыжын Чапкагазше (2019).
  • Марий Эл Республик Вуйлатышын Таумутшо (2024)[3].
  • 2025-ше ийысе «Идалыкысе муро» XV сем фестивальын Гран-приже[5].

Палемдымаш

  1. ↑ 1 2 Артист марийского театра драмы Иван Соловьев: "Этап "кушать подано" прошёл вчистую", <https://www.marpravda.ru/news/religiya/artist-mariyskogo-teatra-dramy-im-shketana-ivan-solovev-etap-kushat-podano-proshel-vchistuyu/>. Тергыме: 18 пеледыш 2026. 
  2. ↑ Международный фестиваль-конкурс национальных театров «Москва – город мира», <https://www.calameo.com/read/0053936387652e5e6f934>. Тергыме: 18 пеледыш 2026. 
  3. ↑ 1 2 Соловьев Иван Юрьевич – М.Шкетан лӱмеш Марий кугыжаныш драме театр, <https://shketan.ru/workers/solovev-ivan-yurevich/>. Тергыме: 18 пеледыш 2026. 
  4. ↑ Толынам тӱняшке – М.Шкетан лӱмеш Марий кугыжаныш драме театр, 2024-01-28, <https://shketan.ru/tolynam-tunyashke/>. Тергыме: 18 пеледыш 2026. 
  5. ↑ 1 2 В Марий Эл выбрали главную песню 2025 года, 2026-04-05, <https://mariuver.eu/tag/%d0%b8%d0%b2%d0%b0%d0%bd-%d1%81%d0%be%d0%bb%d0%be%d0%b2%d1%8c%d0%b5%d0%b2/>. Тергыме: 18 пеледыш 2026. 

Кылвер-влак

"https://mhr.ruwiki.ru/w/index.php?title=Соловьёв,_Иван_Юрьевич&oldid=1236250" гыч налме