Пектеев, Степан Васильевич
| Степан Васильевич Пектеев | |
|---|---|
 | |
| Шочмо кече | 4 ӱярня 1988 (38 ий) |
| Шочмо вер |
|
| Гражданстве | |
| Профессий | режиссёр-постановщик |
| Суаптар | |
Степан Васильевич Пектеев (шоч. 4 ӱярня 1988, Йошкар-Ола) — Г. А. Товстоногов лӱмеш Кугу драме театрын режиссёржо (Санкт-Петербург). Bema премийын «Эн сай визуальный инсталляций» номинацийыште сеҥыше (2025)[1]. Олык Ипай лӱмеш сылнымут, сымыктыш да архитектур пашаште Марий Эл Республикысе Самырык-влаклан Кугыжаныш премийын лауреатше (2020). Тӱвыра да сымыктыш пашаште Пермь крайысе Кугыжаныш премийын лауреатше (2014)[2].
Илыш корно
1988-ше ий 4-ше мартыште Йошкар-Олаште шочын. 14-ше №-ан кыдалаш школым тунем пытарен, тыгак фортепиано дене музык школышто тунемын[3]. 2013-шо ийыште Санкт-Петербургысо кугыжаныш театр сымыктыш академийым (СпбКТСА), актёр сымыктыш да режиссур факультетым (вуйлатыше Анатолий Праудин) тунем лектын. 2015-ше ийыште Российысе кугыжаныш сцене сымыктыш институтын (РГИСИ) да Александринский театрын У сценыжын «сцене постановкын мастарлыкше» направлений дене магистратурым (вуйлатыше-влак: Андрей Могучий ден Валерий Фокин) тунем пытарен[4].
Театр паша
Степан Васильевич Пектеев Санкт-Петербургышто Г. А. Товстоногов лӱмеш Кугу драме театрыште пашам ышта. Москваште, Хабаровскышто, Йошкар-Олаште, Киров олаште, Пермь крайыште да Российын моло регионлаштыжат спектакль-влакым шынден да кызытат шында. 2019-ше ийыште тудо элыштына эн сай самырык режиссёр радамыш пурен.
Театрын пытартыш тургымыштыжо Степан Васильевич Пектеев Канскысе драме театрыште Анна Яблонскаян пьесыж почеш «Лодочник» спектакльым, Спасский театрыште Корней Чуковскийын «Муха-Цокотуха» да «Мюнхгаузен» спектакль-влакым, А. М. Горький лӱмеш Коми-пермяк калыкле драме театрыште Христо Бойчевын «Титаник» Оркестр" да Ася Волошинан пьесыж почеш «Йӱштӧ кеҥеж» да М. Шкетан лӱмеш Марий калыкле драме театрыште «Ваня чӱчӱ» спектакль-влакым шынден. 2023-шо ийыште Степан Пектеевын шындыме «Гамлет. Машина. Цемент» спектакльже «Йошкар-Ола театр — 2023» фестивальыште «Гран-при-м» сеҥен налын.
Тудо кызытсе Российысе да у Европысо драматургий дене кылдалтше лабораторийлаште да проектлаште участвоватлен: Г. А. Товстоногов лӱмеш Кугу драме театрыште «Сцене воштончыш» проектыште, «Йоча-влаклан у пьесе» фестивальыште, Александринский театрын У сценыштыже кызытсе Европысо драматургий марафонышто, Москвасе «Кызытсе пьесе школ» театрын «Самырык режиссёр-влакын класс» лабораторийыштышт да моло тыгай мероприятийлаште.
Шындыме тӱҥ спектакль-влак
- «Муха-Цокотуха» (йоча-влаклан) — 2013-шо ий (Киров ола, Киров область);
- «Титаник» Оркестр (драме) — 2013-шо ий, Горький лӱмеш Коми-Пермяк драме театр (Кудымкар, Пермь край);
- «Муха-цокотуха» (йоча-влаклан) — 2014-ше ий, Хабаровскысе самырык театр (Хабаровск);
- «Йӱштӧ кеҥеж» (драме) — 2014-ше ий, Горький лӱмеш Коми-Пермяк драме театр (Кудымкар, Пермь край);
- «Мюнхгаузен» (драме) — 2015-ше ий, Спасский театр (Киров ола, Киров область);
- «Флоренций» / Florence (йоча-влаклан) — 2016-шо ий (Таллин);
- «Горе от ума» — 2017-ше ий (Таллин)[5];
- «Маугли» (йоча-влаклан) — 2017-ше ий, Спасский театр (Киров ола, Киров область)[6];
- «Полинан тетрадьше» (йоча-влаклан) — 2017-ше ий, антреприза (Санкт-Петербург);
- «Хармс. Погружений» — 2016-шо ий, «Шоҥго ӱдырамашын маршрутшо» кышкарыште, 2017-ше ий гыч — эрыкан проект семын;
- «Столыпин | Богров» (кызытсе драме) — 2017-ше ий, Калык-влак Театрын у кумдыкшо (Моско);
- «Руш Чодыра. Курыкыш кӱзымаш» — 2018-ше ий (Свияжск);
- «Ковш» (перформанс, иммерсивный) — 2018-ше ий, антреприза (Санкт-Петербург);
- «Неапольым ужаш» (перформанс) — 2019-ше ий, Цехъ (Санкт-Петербург);
- «Йыван Кырла. Путёвка в жизнь» (драме) — 2019-2020-шо ийла, Шкетан лӱмеш Марий калыкле драме театр (Йошкар-Ола);
- «Теҥызысе принцессе» (пьесым лудмаш, антреприза);
- «Кол» (пьесым лудмаш, антреприза);
- «Ойырен налме» (пьесым лудмаш, Александринский театр), Санкт-Петербург;
- «Войцек» (драме) — 2021-ше ий, Ивановысе драме театр (Иваново);
- «Теле йомак» (драме) — 2022-шо ий, Константинов лӱмеш Руш драме театр (Йошкар-Ола)[7];
- «Гамлет. Машина. Цемент» (драме) — 2022-шо ий, Шкетан лӱмеш Марий калыкле драме театр (Йошкар-Ола);
- «Моско йӱк» (иммерсивный);
- «Новосибирск дене вашлиймаш» аудиоспектакль (иммерсивный);
- «Петербург дене вашлиймаш» аудиоспектакль (иммерсивный);
- «Ваня чӱчӱ» (драме) — 2024-ше ий, Шкетан лӱмеш Марий калыкле драме театр, (Йошкар-Ола)[8];
- «Ваня чӱчӱ» (драме) — 2025-ше ий (Шкетан лӱмеш Марий калыкле драме театр да Мажит Гафури лӱмеш Башкир драме театр).
Еш
Ачаже — Пектеев Василий Александрович, совет да Российысе режиссёр-постановщик, Марий Эл Республикын сулло сымыктыш пашаеҥже[9].
Аваже — Пектеева Нина Николаевна, Российысе театр пашаеҥ-влак ушемын марий пӧлкажын председательжын алмаштышыже[10].
Чаплӱм-влак
- Bema премийын «Эн сай визуальный инсталляций» номинацийыште сеҥыше (2025)[1];
- «Йошкар-Ола театр — 2023» фестивальыште эн сай режиссур (2023);
- Олык Ипай лӱмеш сылнымут, сымыктыш да архитектур пашаште Марий Эл Республикысе Самырык-влаклан Кугыжаныш премийын лауреатше (2020);
- Тӱвыра да сымыктыш аланыште Пермь крайын Кугыжаныш премийже (2014).
Палемдымаш
- ↑ 1 2 Режиссёр-постановщик из Марий Эл завоевал престижную награду (руш.). МариМедиа. Тергыме кече: 12 ага 2026.
- ↑ И еще одна награда театра – М. Шкетан лӱмеш Марий кугыжаныш драме театр, 2020-11-20, <https://shketan.ru/i-eshhe-odna-nagrada-teatra/>. Тергыме: 12 ага 2026.
- ↑ Уроженец Марий Эл Степан Пектеев вошел в число лучших молодых режиссеров России, <https://www.marpravda.ru/news/religiya/urozhenets-mariy-el-stepan-pekteev-voshel-v-2019-godu-v-spisok-luchshikh-molodykh-rezhisserov-rossii/>. Тергыме: 12 ага 2026.
- ↑ Театр Юного Зрителя. Саратов: Режиссеры. Текущие спектакли.: Пектеев Степан Васильевич. web.archive.org. Тергыме кече: 12 ага 2026.
- ↑ "Горе от ума" в Таллинне — Ассоциация русских театров зарубежья. russian-theater.pro. Тергыме кече: 12 ага 2026.
- ↑ Маугли в каждом из нас - Театр на Спасской. ekvus-kirov.ru. Тергыме кече: 12 ага 2026.
- ↑ В Йошкар-Оле состоялась премьера спектакля-фэнтези «Зимняя сказка» по мотивам пьесы Уильяма Шекспира (руш.). gg12.ru. Тергыме кече: 12 ага 2026.
- ↑ Ваня чӱчӱ / Дядя Ваня – М. Шкетан лӱмеш Марий кугыжаныш драме театр, <https://shketan.ru/piece/vanya-chuchu-dyadya-vanya/>. Тергыме: 12 ага 2026.
- ↑ Долгий бенефис Василия Пектеева, <https://www.marpravda.ru/news/religiya/dolgiy-benefis-vasiliya-pekteeva/>. Тергыме: 7 ага 2026.
- ↑ Театральный знаменатель Нины Пектеевой, или Женщина, без которой невозможно представить театральную жизнь Марий Эл, <https://www.marpravda.ru/news/religiya/teatr-v-zhizni-niny-pekteevoy-i-rol-niny-pekteevoy-v-teatralnoy-zhizni-mariy-el/>. Тергыме: 7 ага 2026.