Васильев, Прокопий Петрович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Васильев.
Прокопий Петрович Васильев
Васильев, Прокопий Петрович.jpg
Шочмо кече 1908 ий 24 пургыж(1908-02-24)
Шочмо вер Шуармучаш, Яраҥ уезд, Виче губерний, Россий империй
Колымо кече 1996 ий 13 ӱярня(1996-03-13) (88 ий)
Колымо вер Волжск, Марий Эл, Россий
Гражданлык  Россий империй →  СССР →  Россий
Паша сомыл партий пашаеҥ, депутат, директор, колхоз председатель
Награде да премий

Ленин орден — 1946 Орден «Знак Почёта»  — 1951 Орден Отечественной войны II степени  — 1947 Орден Отечественной войны I степени— 1985 Медаль «За победу над Германией в Великой Отечественной войне 1941—1945 гг.» «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»
Марий АССР Кӱшыл Каҥаш Президиумын Чаптаныкше (1944, 1946, 1968)

Прокопий Петрович Васильев (24 пургыж 1908, Шуармучаш, Яраҥ уезд, Виче губерний, Россий империй — 13 ӱярня 1996, Волжск, Марий Эл Республик, Россий) — марий совет партий да озанлык вуйлатыше. ВКП(б) Марий обкомын секретарьже (1941), Марий АССР Кужэҥер (1938—1940), Шернур (1940—1941), У Торъял (1944—1949), Семёновский (1949—1952) район комитет-влакын 1-ше секретарьже. Марий АССР-ысе Волжск районысо С. М. Киров лӱмеш колхозын председательже (1955—1959), Волжск кермыч заводышто директор (1960—1961). 1930 ий гыч ВКП(б)-н йыжъеҥже. Кугу Ачамланде сар ийлаште — Волхов фронтысо 377-ше лӱйкалыше дивизий штабын начальникше (1941—1942). Ленин орденын кавалерже (1946).

Илыш корно

1908 ий пургыж тылзын 24-ше кечынже кызытсе Марий Эл Советский район Шуармучаш ялысе йорло кресаньык ешеш шочын[1][2][3][4].

1930 ийыште Пашазе-Кресаньык Йошкар Армийыш  (руш.) (мар., ВКП(б) радамыш налыныт. Политпашаеҥ-влакын полкысо школыштым, 1936 ийыште — Угарманыште марксизм-ленинизм курсым тунем пытарен. 1926—1935 ийлаште Марий автоном область Оршанке районысо комсомол пашаеҥ лийын. 1936 ийыште партий пашаш куснен: инструктор, 3-шо, 2-шо, 1938—1940 ийлаште — ВКП(б) Кужэҥер райкомын 1-ше секретарьже. 1940—1941 ийлаште МАССР-ысе Шернур ВКП(б) райкомын 1-ше секретарьже, 1941 ийыште — ВКП(б) Марий обкомын чодыра шотышто секретарьже[1][2].

1941 ий сорла тылзын шке кумылын РККА-ш ушнен. Кугу Ачамланде сарын салтакше: комиссар политужаш-влак курсым пытарымеке, Волхов фронтысо батарейын командирже, кугурак лейтенант, 1942 ий идым тылзын нелын сусыргымылан кӧра, комиссоватленыт[1][2][3][4].

Мӧҥгыш пӧртылмеке, уэш партий пашаш ущнен: 1944—1949 ийлаште — У Торъял, 1949—1952 ийлаште — Семёновскысе ВКП(б) райком-влакын 1-ше секретарьже. 1947 ийыште ВКП (б) РК пелен курсым, 1949 ийыште — У Торъял педагогике училищым тунем пытарен. 1953 ийыште Марий АССР-ысе Волжск районыш колтымо: 1954—1955 ийлаште — райисполком председательын алмаштышыже, 1955—1959 ийлаште — С. М. Киров лӱмеш колхозын председательже, 1960—1961 ийлаште — кермыч заводышто директор[1][2].

1947—1955 ийлаште Марий АССР Кӱшыл Каҥашын  (руш.) (мар. 2 созывысе депутатше лийын[1][2].

Тудын шуко ияш политике пашаже Ленин орден, «Почёт пале» орден, Марий АССР Кӱшыл Каҥаш Президиумын Чаптаныкше дене (кум гана) палемдалтын[1][2].

1996 ий ӱярня тылзын 13-шо кечынже Марий Эл Волжск олаште колен[1][2].

Суаптар

Палемдымаш

  1. ↑ 1 2 3 4 5 6 7 8 9 10 11 12 Мочаев, 2007, с. 66.
  2. ↑ 1 2 3 4 5 6 7 8 9 10 11 12 Энциклопедия Республики Марий Эл, 2009, с. 268.
  3. ↑ 1 2 Шуармучаш (Кокшамара) | Родная Вятка. rodnaya-vyatka.ru. Тергыме кече: 11 пургыж 2026. Архивлыме 20 кылме 2020 ий.
  4. ↑ 1 2 Информационный ресурс Республики Марий Эл "12rus.ru" :: Советский район. www.12rus.ru. Тергыме кече: 11 пургыж 2026. Архивлыме 11 пургыж 2026 ий.

Литератур

  • Васильев Прокопий Петрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 66. — 2032 экз. — ISBN 5-87898-357-0.
  • Васильев Прокопий Петрович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 268. — 872 с. — 3505 экз. — ISBN 978-5-94950-049-1.
  • Мочаев В. А. Васильев Прокопий Петрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 74. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Васильев,_Прокопий_Петрович&oldid=1233094" гыч налме