Сурская, Мария Романовна

Мария Романовна Сурская
Мария Романовна Сурская
Шочмо кече	1909 ий 14 вӱдшор
Шочмо вер	Изи Кугунур, Яраҥ уезд, Виче губерний, Россий империй
Колымо кече	1991 ий 17 шорыкйол (81 ий)
Колымо вер	Волжск, Марий АССР, РСФСР, СССР
Эл	Россий империй → СССР
Профессий	терапевт
Шанче алан	кӧргӧ чер
Паша вер	Марий АССР Волжск оласе эмлымвер
Образований	Н. И. Пирогов лӱмеш российысе калыкле шымлыше медицине университет[d];

Мария Романовна Сурская (14 вӱдшор 1909, Изинур, Оршанке район — 17 шорыкйол 1991, Волжск, Марий Автоном Совет Социализм Республик) — совет эмлыше-терапевт. Волжск оласе поликлиникын тӱҥ эмлызыже (1940—1942), Марий АССР Волжск оласе эмлымверын терапий пӧлкажым вуйлатышыже (1948—1964). РСФСР-ын сулло эмлызыже (1960).

Илыш корно

1909 ий 14 апрелыште кызытсе Марий Элын Оршанке район Изи Кугунур ялеш шочын^[1]^[2]^[3].

1935 ийыште Кокымшо Моско медицине институтын (руш.) (мар. ава ден изи йочан тазалыкыштым аралыме факультетшым тунем пытарен^[1]^[2].

1935—1936 ийлаште — Марий автоном область Чыкма оласе йоча пӧртын эмлызыже да терапевтше^[1]^[2].

1936 ий гыч — Марий АССР Волжск олаште: Лопатин эмлыше-влак ушемын терапевтше, 1940—1942 ийлаште — Волжск оласе поликлиникын тӱҥ эмлызыже^[1]^[2].

1942—1943 ийлаште — Йошкар-Олаште верысе терапевт.

1945—1947 ийлаште — Волжск оласе тазалык аралтыш пӧлкан вуйлатышыже, 1948—1964 ийлаште — Волжск оласе эмлымверын терапий пӧлкажым вуйлатыше. Трахомым пытарымаште тыршен. Тазалык аралтыш аланыште шуко ий кыртмен пашам ыштымыжлан 1960 ийыште тудлан «РСФСР-ын сулло эмлызыже» чаплӱмым пуэныт. Медаль-влак, нунын коклаште «Пашаште ойыртемалтмылан» медаль дене суапландаралтын^[1]^[2].

1991 ий 17 январьыште Марий АССР Волжск олаште илыш дене чеверласен^[1]^[2].

Еш

Ешан лийын, ӱдыржӧ — эмлыше-педиатр, психоневролог Инна Петровна Волчкова.

Суапшым аклымаш

РСФСР-ын сулло эмлызыже (15 ноябрь 1960)^[1]^[2]
«Пашаште ойыртемалтмылан» медаль (1951)^[1]^[2]
«1941-1945 ийласе Кугу Ачамланде сарыште чолга пашалан» медаль (1945)^[1]^[2]
«1941-1945 ийласе Кугу Ачамланде сарыште чолга пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970)^[1]^[2]

Шарнымаш

Эмлыше-терапевт М. Р. Сурскаян лӱмжым Марий Эл Республикын Чап книгашкыже пуртымо.
М. Р. Сурскаян шке архивше гыч икмыняр фото, кагаз-влак кызыт Волжскысо краеведений тоштерыште аралалтыт.

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Мочаев, 2017, с. 428.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Энциклопедия Республики Марий Эл, 2009, с. 743.
↑ Малый Кугунур (Изинур) | Родная Вятка (неопр.). rodnaya-vyatka.ru. Тергыме кече: 12 пургыж 2026.

Литератур

Сурских А. А. История деревни Изи-Нур, её обитателях и о прошлом. ― Оршанка, 1999. ― 83 с.
Калинкин Г. Г. Сурская Мария Романовна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 352. — 2032 экз. — ISBN 5-87898-357-0.
Сурская Мария Романовна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 743. — 872 с. — 3505 экз. — ISBN 978-5-94950-049-1.
Калинкин Г. Г. Сурская Мария Романовна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 428. — 606 с. — 1500 экз. — ISBN 978-5-905314-35-3.

[_d89abd506f00dcde-1] ¹ ² ³ ⁴ ⁵ ⁶ ⁷ ⁸ ⁹ ¹⁰ Мочаев, 2017, с. 428.

[_a0e732b7b8adeb64-2] ¹ ² ³ ⁴ ⁵ ⁶ ⁷ ⁸ ⁹ ¹⁰ Энциклопедия Республики Марий Эл, 2009, с. 743.

[3] Малый Кугунур (Изинур) | Родная Вятка (неопр.). rodnaya-vyatka.ru. Тергыме кече: 12 пургыж 2026.

[1]

[2]

[3]