Скулкин, Василий Степанович

РУВИКИ — эрыкан энциклопедий гыч материал
Василий Степанович Скулкин
Скулкин, Василий Степанович.jpg
Шочмо кече 1911 ий 28 теле(1911-12-28)
Шочмо вер Улус, Яраҥ уезд, Виче губерний, Россий империй
Колымо кече 1991 ий 16 ага(1991-05-16) (79 ий)
Колымо вер Йошкар-Ола, Марий Эл, Россий
Гражданлык  Россий империй →  СССР
Паша сомыл автомобилист, машинам вӱдышӧ
Награде да премий

Василий Степанович Скулкин (28 теле 1911, Улус[d], Виче губерний — 16 ага 1991, Йошкар-Ола, Марий Автоном Совет Социализм Республик) — Марий АССР-ысе Йошкар-Оласе 1311 №-ан автоколоннын машинам вӱдышыжӧ (1952—1976). Йошкар-Олан чапланыше гражданинже (1970). Ленин орденын кавалерже (1966). Совет-Финляндий да Кугу Ачамланде сар-влакын салтакше. 1942 ий гыч ВКП(б) йыжъеҥ.

Илыш корно

1911 ий теле тылзын 28-ше кечынже кызытсе Советск вел Улус ялыште[1] счетоводын ешыштыже шочын. 1923 ийыште I степенян школым тунем пытарен[2][3][4].

1933 ий марте Озаҥыште да Пошкыртышто тӱрлӧ пашам шуктен[2][3][4].

1933 ийыште Пошкырт АССР-ысе Ӱпӧ гыч Йошкар Армийыш каен, 1935 ий марте служитлен. 1939 ийыште уэш армийыш налыныт: Совет-финляндий сарыште  (руш.) (мар. кредалын, Белоруссийын касвелжым ошфинн-влак деч утарен. 1941 ий гыч — Кугу Ачамланде сарын салтакше: касвел фронтласе 186-шо лӱйкалыше дивизий управленийын автомобиль ротын шофёржо, кугурак сержант  (руш.) (мар.. 1942 ийыште ВКП(б)-ш налме. 1946 ийыште демобилизоватлыме. II степенян Ачамланде сар орден да Йошкар Шӱдыр орден, медаль-влак дене, нунын коклаште «Патырлыклан» медаль дене суапландарыме[2][3][5].

1952—1976 ийлаште Йошкар-Оласе 1311 №-ан автоколоннын машинам вӱдышыжлан тыршен[2][3]. Вияҥше социализм жапысе ончыл пашаеҥ: 7-ияш планым 4 ий 7 тылзыште шуктен, тудын автомобильже капитал ачалымаш деч посна 233 тӱжем уштышым эртен. 1966 ийыште тудо 7,1 тӱжем литр тулвӱдым аныклен, тудын машина оравасе шина-влак нормо деч 1,5 пачаш кужурак пашам ыштеныт![4]

Пашаште сеҥымашлан Ленин орден, медаль-влак, Марий АССР Кӱшыл Каҥаш Вуйверын Чаптаныкше дене суапландарыме. 1970 ийыште тудлан «Йошкар-Олан чапланыше гражданинже» чаплӱмым пуымо[2][3][6].

1991 ий ага тылзын 16-шо кечынже Йошкар-Олаште колен, Турун шӱгарлаште  (руш.) (мар. тоеныт[2][3][4].

Чаплӱм-влак да суаптар-влак

Палемдымаш

  1. ↑ Улус (Ермаковский) | Родная Вятка. rodnaya-vyatka.ru. Тергыме кече: 13 шорыкйол 2026.
  2. ↑ 1 2 3 4 5 6 7 8 9 Мочаев, 2007, с. 330.
  3. ↑ 1 2 3 4 5 6 7 8 9 Энциклопедия Республики Марий Эл, 2009, с. 714.
  4. ↑ 1 2 3 4 5 6 Скулкин Василий Степанович (руш.). Марийская история в лицах. Тергыме кече: 13 шорыкйол 2026.
  5. ↑ 1 2 3 4 Скулкин Василий Степанович :: Память народа. pamyat-naroda.ru. Тергыме кече: 13 шорыкйол 2026.
  6. ↑ 1 2 Собрание депутатов городского округа "Город Йошкар-Ола" (руш.). gor-sobry-ola.ru. Тергыме кече: 13 шорыкйол 2026.
  7. ↑ Скулкин Василий Степанович :: Память народа. pamyat-naroda.ru. Тергыме кече: 13 шорыкйол 2026.

Литератур

  • Скулкин Василий Степанович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 330. — 2032 экз. — ISBN 5-87898-357-0.
  • Скулкин Василий Степанович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 714. — 872 с. — 3505 экз. — ISBN 978-5-94950-049-1.
  • Краснов П. В. Скулкин Василий Степанович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 410. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Скулкин,_Василий_Степанович&oldid=1231942" гыч налме