Криворотов, Владимир Фёдорович

Владимир Фёдорович Криворотов
Владимир Фёдорович Криворотов
Шочмо кече	1923 ий 27 идым
Шочмо вер	Чыкма ола, Марий Эл
Колымо кече	1945 ий 22 ага (21 ий)
Колымо вер	Польшо
Пурымаш	СССР
Войскан родшо	артиллерий
Службо жап	1941—1945
Званий
Кредалмаш/сар	Кугу Ачамланде сар

Владимир Фёдорович Криворотов (27 сентябрь 1923, Чыкма, Марий автоном область — 22 май 1945, Польшо) — Пашазе-кресаньык Йошкар Армийын изирак лейтенантше, Кугу Ачамланде сарын участникше, Совет Ушемын Талешкыже (1945).

Илыш корныжо

Владимир Криворотов 1923 ий 27 сентябрьыште Чыкмаште шочын. Индеш классым тунем пытарен. 1941 ий сентябрьыште Криворотов Пашазе-кресаньык Йошкар Армийыш служиаш налалтын. Юж-десант школым да Сызрань танк училищым тунем пытарен. Кредалмаште сусырген. 1945 ий январьлан изирак лейтенант Владимир Криворотов 1-ше Украин фронтын 5-ше гвардий армийжын 8-ше самоход артиллерий бригадын САУ «СУ-76» дене командоватлен. Польшым утарымыж годым ойыртемалтын^[1].

1945 ий 25 январьыште Криворотов шке бригадыж дене пырля ик эн ончыч Эйзенау илем кумдыкышто Одер гоч, Ополе деч 8 меҥге йӱдвел-касвекыла вончен, касвел серыште плацдармым налмаште да аралымаште чолган кредалын, тушманын ятыр куатле атакыжым мӧҥгеш чактарен. Варажым Баутцен ола лишне кредалмаште Криворотов нелын сусырген, тыге 1945 ий 22 майыште колен. Болеславце олан Кутузовысо мемориал шӱгарлаште тойымо^[1].

СССР Кӱшыл Советын Президиумын 1945 ий 27 июньысо кӱштыкшӧ почеш «Одер эҥерым форсироватлыме годым ончыктымо лӱддымылык да чолгалыклан» изирак лейтенант Владимир Криворотов Совет Ушемын Талешкыже кугу чаплӱмым сулен. Тыгак Ленин орден, 1-ше степенян Ачамланде сар орден, Йошкар Шӱдыр орден да медаль-влак дене суапландаралтын^[1].

Чыкмаште Криворотовын лӱмжӧ дене уремым лӱмдымӧ^[1], тудын лӱмжым Чыкмасе 2 № пашалан туныктымо кыдалаш общеобразовательный политехник школ нумалеш^[2].

2019 ий октябрьыште Криворотовын родыжо тудын дневникшым савыктен луктын, тудым салтак апрель-май тылзылаште (1941 ийыште, шонат) серен. Дневникыште ончыкылык Совет Ушем Талешкын 13 апрель гыч 3 май марте илыш сӱретлалтеш^[3].

Палемдымаш

↑ ¹ ² ³ ⁴ Владимир Фёдорович Криворотов (руш.). Сайт «Герои страны».
↑ Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 ага 1967). Тергыме кече: 18 вӱдшор 2019. Архивировано из оригинала 17 вӱдшор 2019 ий.
↑ Личный дневник Героя Советского Союза Владимира Криворотова (руш.) (25 шыжа 2019). Тергыме кече: 12 теле 2019.

Литератур

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Криворотов Владимир Фёдорович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 458. — 872 с. — 3505 экз. — ISBN 978-5-94950-049-1.
Криворотов Владимир Фёдорович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 120—122. — 374 с. — 500 экз. — ISBN 978-5-94950-070-5.
Мочаев В. А. Криворотов Владимир Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 226. — 606 с. — 1500 экз. — ISBN 978-5-905314-35-3.

[wh-1] ¹ ² ³ ⁴ Владимир Фёдорович Криворотов (руш.). Сайт «Герои страны».

[2] Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 ага 1967). Тергыме кече: 18 вӱдшор 2019. Архивировано из оригинала 17 вӱдшор 2019 ий.

[3] Личный дневник Героя Советского Союза Владимира Криворотова (руш.) (25 шыжа 2019). Тергыме кече: 12 теле 2019.

[1]

[2]

[3]