Иванов, Геннадий Игнатьевич

РУВИКИ — эрыкан энциклопедий гыч материал
В Рувики есть статьи о других людях с такой фамилией, см. Иванов.
Геннадий Игнатьевич Иванов
Иванов, Геннадий Игнатьевич.jpg
Шочмо кече 1916 ий 18 пургыж(1916-02-18)
Шочмо вер Эсяново, Чыкма уезд, Озаҥ губерний, Россий империй
Колымо кече 1994 ий 17 кылме(1994-11-17) (78 ий)
Колымо вер Эсяново, Курыкмарий район, Марий Эл, Россий
Гражданлык  Россий империй →  СССР →  Россий
Паша сомыл колхоз председатель, сарзе пашаеҥ
Награде да премий

Орден Октябрьской Революции — 1971 Орден Трудового Красного Знамени — 1965 Орден Отечественной войны I степени— 1945 Орден Отечественной войны I степени— 1985 Орден Отечественной войны II степени  — 1947 Орден Красной Звезды  — 1945 Золотая медаль на красной ленте.png «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»

Геннадий Игнатьевич Иванов (18 пургыж 1916, Эсансола, Чыкма уезд, Озаҥ губерний, Россий империй — 17 кылме 1994, Эсансола, Курыкмарий район, Марий Эл Республик, Россий) — марий совет ялозанлыкым виктарыше. Марий АССР Курыкмарий вел Эсяново ялысе В. И. Ленин лӱмеш колхозын председательже (1957—1976). Октябрь Революций орденын кавалерже (1971). Кугу Ачамланде сарын салтакше. 1943 ий гыч ВКП(б)-н йыжъеҥже.

Илыш корныжо

1916 ий пургыж тылзын 18-ше кечынже кызытсе Марий Эл Курыкмарий вел Эсяново ялыште нужна-икмарда кресаньык ешыште шочын[1]. 1932 ийыште Чыкмасе чодыра техникумын 2 курсшым тунем пытарен, Дубово чодырам волтымо участокын лувуйжо лийын[2].

1937 ий шыжа тылзын РККА-ш налыныт, 1939 ий марте служитлен. 1942 ийыште уэш армийыш налыныт. Кугу Ачамланде сарын салтакше: 1943 ийыште Саратов сар училищым тунем пытарен, Т-34 танкын командирже, 162-шо танк бригадын танк взводын, 21-ше гвардий механизироватлыме бригаде бронеротын командирже, гвардийын лейтенантше. 3 гана сусырген, пытартыш гана — Берлин воктене, тидлан кӧра йолжым пӱчмӧ. 1943 ийыште ВКП(б)-ш пуртеныт. Патырлыкше да талылыкше верч I (кок гана) да II степенян Ачамланде сар орден, Йошкар Шӱдыр орден да медаль-влак дене палемденыт[2][3][4].

Сар деч вара — шочмо районысо сельпон бухгалтерже, райпотребсоюзын тӱҥ бухгалтерже. 1957—1976 ийлаште Марий АССР Курыкмарий район Эсяново ялысе В. И. Ленин лӱмеш колхозын председательже лийын[5][6]. Пашаште сеҥымашыжлан Октябрь Революций, Пашан Йошкар Тистыже орденла, медаль-влак дене, нунын коклаште ВДНХ-н шӧртньӧ медальже дене, да кок гана Марий АССР Кӱшыл Каҥаш Президиумын Чапкагазше дене суапландареныт[2].

1967—1975 ийлаште Марий АССР Кӱшыл Каҥашын  (руш.) (мар. VII—VIII созывысе депутатшылан сайлалтын.

1994 ий кылме тылзын 17-ше кечынже шочмо верыштыже колен, туштак тоеныт[2].

Суаптар

Шарнымаш

1978 ийыште марий художник З. Ф. Лаврентьев тудын портретшым живопись йӧн дене сӱретлен[2].

Палемдымаш

  1. ↑ Информационный ресурс Республики Марий Эл "12rus.ru" :: Горномарийский район. www.12rus.ru. Тергыме кече: 27 шорыкйол 2026.
  2. ↑ 1 2 3 4 5 6 7 8 9 10 Мочаев, 2007, с. 144.
  3. ↑ 1 2 3 4 Иванов Геннадий Игнатьевич :: Память народа. pamyat-naroda.ru. Тергыме кече: 27 шорыкйол 2026.
  4. ↑ Герой Иванов Геннадий Игнатьевич (руш.). Дорога памяти. Тергыме кече: 27 шорыкйол 2026.
  5. ↑ Книга памяти вспомним их поименно горномарийский район - Документ. gigabaza.ru. Тергыме кече: 27 шорыкйол 2026.
  6. ↑ Республиканская - Республика Марий Эл администрация Горномарийского района. dereksiz.org. Тергыме кече: 27 шорыкйол 2026.

Литератур

  • Сухин В. И. Развитие сельского хозяйства Марийской АССР в 1965—1975 гг.: автореферат диссертации кандидата исторических наук: 07.00.02 / АН СССР. Институт истории СССР. — Москва, 1987. — 15 с.
  • Иванов Геннадий Игнатьевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 144. — 2032 экз. — ISBN 5-87898-357-0.
  • Мочаев В. А. Иванов Геннадий Игнатьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 167. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Иванов,_Геннадий_Игнатьевич&oldid=1233583" гыч налме