Волков, Лев Николаевич

РУВИКИ-ште тыгай тукымлӱм дене вес еҥ нерген статьям лудаш лиеш: Волков.

Лев Николаевич Волков
Шочмо кече	1923 ий(1923)
Шочмо вер	Кугу Окаш села (кызыт Медведево район Марий Эл Россий)
Колымо кече	1945 ий 24 ӱярня(1945-03-24)
Колымо вер	Германий
Войскан родшо	бронетанк войска
Службо жап	1940—1945
Званий
Часть	61-ше гвардий танк бригаде
Командоватлен	Т-34 танк орудийын командирже
Кредалмаш/сар	Кугу Ачамланде сар Днепр-Карпатысе стратегиян ончык кайыме операций (Пурла серысе Украиным утарымаш) [24.12.1943 — 17.04.1944] Проскуровысо-Черновицкысе ончвк кайыме операций [04.03.1944 — 17.04.1944] Львовысо-Сандомирысе стратегиян ончык кайыме операций [13.07.1944 — 29.08.1944] Вислысе-Одерысе ончык кайыме операций (12.01.1945 — 31.01.1945) Ӱлыл-Силезийысе ончык кайыме операций (08.02.1945 — 22.02.1945) Кӱшыл-Силезийысе ончык кайыме операций (08.03.1945 — 31.03.1945)
Награде да премий

Лев Николаевич Волков (1923 — 24 март 1945) — 61-ше гвардий танк бригадын Т-34 танк орудийын командирже (1-ше Украин фронт 4-ше гвардий танк армий, 10-шо гвардейский танк корпус) гвардийын кугурак сержантше, Кугу Ачамланде сарын салтакше, Чап орден-влакын (кум степень) кавалерже.

Илыш корныжо

1923 ийыште Марий автоном область Кугу Окаш селасе кресаньык ешыште шочын. Руш.

Кыдалаш образований тичмаш огыл. Колхозышто механизаторлан пашам ыштен. Варарак связист-влак курсым тунем пытарен. Сӱзлэҥер посёлкышто (Марий АССР) линейный-технике кылын надсмотрщикшылан пашам ыштен, вара республикысе кыл конторыш куснен.

1940 ийыште Йошкар-Оласе райвоенкомат Йошкар Армийыш налын. Кугу Ачамланде сарын фронтыштыжо 1941 ий август гыч. Касвел фронтышто кылкучышо (связист) лийын.

1942 ийыште Брянск фронтысо кыл шотышто полкын ачалыме-тӧрлатыме 5-ше полкыштыжо кредалын, тудо ийыштак танк училищыш тунемаш колталтын, но тунем пытарен огыл. Уралыште чумыралтше 197-ше Свердловскысе танк бригадыш логалын. 1943 ий июль гыч угыч фронтыш каен. Пӱтынь сӧй корныжо 197-ше (1943 ий октябрь гыч 61-ше) гвардий танк бригаде кышкарыште эртен, наводчик лийын, вара Т-34 танк орудийын командирже. 1944 ий гыч КПСС / ВКП(б) йыжъеҥже.

1943 ий 4 сентябрьыште Локоть посёлко верч кредалмаште (Брянск кундем) танкын экипажше дене пырля 3 пушкым, 3 пулемётым да 30 наре гитлеровецым пытарен. Тиде кредалмашлан икымше сӧй наградым — Йошкар Шӱдыр орденым налын.

1944 ий 16 мартыште Сетукки верч кредалмаште (Ямполь ола деч кечывалвел-эрвелне, Украина) гвардийын кугурак сержантше Волков экипаж дене пырля 2 противотанковый орудийым, 5 миномёт точкым шалатен да тушманын 70 салтакше ден офицерже-влакым пытарен. Танк пудештмеке, танк ӱмбач пулемётым налын да тушманлан сар машинам руалтен налаш пуэн огыл.

1944 ий 20 майысе 10-шо гвардий танк корпусын войскасе (23-шо №/н) кӱштыкше дене гвардийын кугурак сержантше Волков Лев Николаевич 3-шо степенян Чап орден дене суапландаралтын.

1944 ий 18 гыч 23 июль марте Львов могырышто гвардийын кугурак сержантше Волков экипаж дене пырля 20 тушман салтак ден офицер-влакым пытарен. 23 июльышто Подъяркув верч кредалмаште (Львов ола воктене, Украина) танк экипаж дене пырля тушманлан чонан вийжылан да боевой техникыжлан кугу йомдартышым ыштен: 25 салтак марте пытарен да 5 тушман салтакым пленыш налын.

4-ше танк армийысе войскан 1944 ий 3 октябрьысе 265-ше №-ан кӱштыкше почеш кугурак сержант Волков Лев Николаевич 2-шо степенян Чап орден дене суапландаралтын.

1945 ий 13 январь гыч Лисув (Польша) ял верч кредалмаште гвардийын кугурак сержантше Волков экипажше дене противотанковый орудийым, 3 автомашиным, «Тигр» танкым, бронетранспортым да 10 гитлеровецым кырен шалатен. 1945 ий 23 январьыште Острув (Остров-Велькопольски, Польшо) ола кумдыкышто тушманын тылжым кӱрлмӧ годым тушманын пеш кугу вийже дене вашпижын. Кредалмаште танкист-шамыч икмыняр машинам да боевой техникым, боеприпасым да снаряженийым йӱлалтеныт, 4 танкваштареш пушко-шамычым строй гыч луктыныт, миномёт батарейын тулжым чареныт да 10 утла гитлеровец салтак ден офицер-шамычым пытареныт.

СССР Кӱшыл Каҥаш Президиумын кӱштыкше дене 1945 ий 10 апрельыште гвардийын кугурак сержантше Волков Лев Николаевич 1-ше степенян Чап Орден дене суапландаралтын. Чап орденын тичмаш кавалерже лийын.

Тиде награде кучыкталтде кодын. 1945 ий 24 мартыште Германийын мландыштыже увер деч посна йомшылан шотлалтеш.

Суаптарже-влак

• Йошкар Шӱдыр орден (08.09.1944)
• I степенян Чап орден (10.04.1945)
• II степенян Чап орден (03.10.1944)
• III степенян Чап орден (20.05.1944)

Палемдымаш

Литератур

• Смирнов Н. Ф., Гребнев А. Н. Через огненные рубежи. — Йошкар-Ола, 1972. — С. 75—85.
• Зайцев В. И. Гвардейская танковая. — Свердловск, 1989.
• Кавалеры ордена Славы трёх степеней: Краткий биографический словарь / Пред. ред. коллегии Д. С. Сухоруков. — М.: Воениздат, 2000. — 703 с. — 10 000 экз. — ISBN 5-203-01883-9..
• Волков Лев Николаевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 289. — 872 с. — 3505 экз. — ISBN 978-5-94950-049-1.
• Мочаев В. А. Волков Лев Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 88. — 606 с. — 1500 экз. — ISBN 978-5-905314-35-3.

Кылвер-влак

• Каргапольцев С. Лев Николаевич Волков (руш.). Сайт «Герои страны». Тергыме кече: 24 пургыж 2020.
• Лев Николаевич Волков (руш.). Полные кавалеры ордена Славы: краткий биографический словарь. Министерство обороны Российской Федерации. Тергыме кече: 24 пургыж 2020.
• Кавалеры ордена Славы Волков Лев Николаевич (1923—1945)