Ямулов, Игнатий Романович

РУВИКИ — эрыкан энциклопедий гыч материал
Игнатий Романович Ямулов
Ямулов Игнатий Романович.png
Шочмо кече 1928 ий 21 вӱдшор(1928-04-21)
Шочмо вер Марий Отар, Звенигово район, Марий автоном область, РСФСР, СССР
Колымо кече 2010 ий 25 шыжа(2010-10-25) (82 ий)
Колымо вер Волжск, Россий
Гражданлык  СССР,
 Россий
Паша сомыл целлюлозым шолтышо
Награде да премий
Герой Социалистического Труда — 1966
Ленин орден — 1966 Орден «Знак Почёта»  — 1961
Медаль «За трудовую доблесть» — 1963 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын» «Пашан ветеранже» медаль  — 1978
Почётная грамота Президиума Верховного Совета РСФСР — 1960

Игнатий Романович Ямулов (21 апрель 1928, Марий Отар, Памъял волость, Марий автоном область, РСФСР, СССР — 25 октябрь 2010, Волжск, Марий Эл, Россий) — Марий целлюлоз-кагаз комбинатын целлюлозым шолтышо гыч кугуракше (1953—1979). Социалист Пашан Талешкыже (1966).

Илыш корныжо

1928 ий 21 апрельыште Марий Отар ялыште (кызыт Марий Эл Республикысе Провой вел) марий ешеш шочын[1][2][3][4].

1946 ийыште Волжск оласе кидпашалан туныктышо (ремесло) 2-шо №-ан училищым тунем пытарен. 1946—1950 ийлаште Марий целлюлоз-кагаз комбинатын целлюлозшым шолтышылан ыштен[3].

1950—1953 ийлаште Совет армийыште служитлен[3].

1953—1979 ийлаште — Марий целлюлоз-кагаз комбинатын кугурак шолтышыжо. Тудын бригадыже СССР отрасльыште ик эн сайлан шотлалтын: индешымше вичияшын ударникше (1975), соцтаҥасымашын сеҥышыже (1974, 1975)[1][2]. 1979 ийыште ушемысе ыҥан (значениян) пенсийыш лектын[3].

1963 ийыште ончыл пашаеҥ-влакын «Коммунистлык паша верч» толкынын кокымшо совещанийыштыже лийын. 1968 ийыште СССР профсоюз погынын делегатшылан сайлалтын, а 1974 ийыште — Москошто В. И. Ленин лӱмеш рӱдӧ тоштерыште кагазым ыштен лукшо-влакын Пӱтынь Ушемысе эстафетым кучыктымаште лийын[5].

1966 ийыште чодыра, целлюлоз-кагаз да пу дене пашам ыштыше йӧнозанлыкым вияҥдыме шотышто шымияш планын кӱштымыжым шуктымаште сеҥымашлан 1966 ийыште «Социалист Пашан Талешкыже» кугу чаплӱмым пуымо[3]. Ленин, «Чап Тамга» орден да медаль-влак дене палемдалтын, тыгак «Пашаче патырлыклан» медаль, РСФСР да Марий АССР-ын Кӱшыл Каҥаш Президиумжын Чап кагазышт дене суапландаралтын[1][2][3].

2010 ий 25 октябрьыште Волжскеш колен, тушанак тойымо[1][2][3].

Паша чаплӱмжӧ да суаптарже

  • Социалист Пашан Талешкыже (1966 ий 17 сентябрь)[1][2] — чодыра, целлюлоз-кагаз да пу дене пашам ыштыше йӧнозанлыкым вияҥдыме шотышто шымияш планын йодмыжым шуктымаште шумо сеҥымашлан[3]
  • РСФСР-ысе социалист таҥасымашын отличникше (1958, 1959)[5]
  • Ленин орден (17.09.1966)[3]
  • «Чап тамга» орден (29.06.1961)[1][2][3]
  • «Пашаче патырлыклан» медаль (26.04.1963)[1][2][3]
  • «Чапле пашалан» лӱмгече медаль. В. И. Ленинын шочмыжлан 100 ий темме лӱмеш (1970)[5]
  • «Пашан ветеранже» медаль (1978)[5]
  • РСФСР Кӱшыл Каҥаш Президиумын Чапкагазше (1960)[1][2][5]
  • Марий АССР Кӱшыл Канаш Президиумын Чапкагазше (1965)[1][2][5]

Шарнымаш

  • Шукерте огыл Волжск оласе «Машиностроитель» микрорайонын ик уремже Социалист Паша Талешкыже И. Р. Ямуловын лӱмжым нумалаш тӱҥалын[6][7].
  • 2023 ий 14 февральыште Марий Эл Республикысе Волжск олан Чапаев уремыште Социалист Пашан Талешкыже И. Р. Ямуловын илыме 9-ше №-ан пӧрт ончылно мемориал оҥам вераҥдыме[6][8].
  • Социалист Пашан Талешкыже И. Р. Ямуловын архивше гыч фото кагаз-влак кызыт Юлвел кундемысе краевед тоштерыште аралалтыт.

Палемдымаш

  1. ↑ 1 2 3 4 5 6 7 8 9 Мочаев, 2017, с. 524.
  2. ↑ 1 2 3 4 5 6 7 8 9 Энциклопедия Республики Марий Эл, 2009, с. 845.
  3. ↑ 1 2 3 4 5 6 7 8 9 10 11 Ямулов Игнатий Романович. warheroes.ru. Тергыме кече: 13 вӱдшор 2024. Архивлыме 20 ага 2023 ий.
  4. ↑ Деревня Мари-Отары. www.12rus.ru. Тергыме кече: 13 вӱдшор 2024. Архивлыме 18 пургыж 2023 ий.
  5. ↑ 1 2 3 4 5 6 Ямулов Игнатий Романович (неопр.). Марийская история в лицах. Тергыме кече: 13 вӱдшор 2024. Архивлыме 22 пургыж 2024 ий.
  6. ↑ 1 2 Памятная доска Герою социалистического труда появилась в Волжске. www.marpravda.ru. Тергыме кече: 13 вӱдшор 2024.
  7. ↑ ФИАС: Республика Марий Эл, Город Волжск, Улица Ямулова | Онлайн-справочник ФИАС Альта-Софт (англ.). Альта-Софт. Тергыме кече: 13 вӱдшор 2024. Архивлыме 15 вӱдшор 2024 ий.
  8. ↑ Подсмотрено (руш.). smartik.ru. Тергыме кече: 13 вӱдшор 2024. Архивлыме 30 кылме 2024 ий.

Литератур

  • Они защищали Родину: вспомним их поимённо: Горномарийский район, г. Козьмодемьянск / Республика Марий Эл, Администрация Горномарийского района, Администрация г. Козьмодемьянска; [редкол.: Поздеева Н. А. (рук.) и др.]. ― Чебоксары: ИПК «Чувашия», 2005. ― 607 с., [32] л. ил., портр..; ISBN 5-86765-297-1.
  • Краснов П. В. Ямулов Игнатий Романович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 422. — 2032 экз. — ISBN 5-87898-357-0.
  • Ямулов Игнатий Романович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 845. — 872 с. — 3505 экз. — ISBN 978-5-94950-049-1.
  • Краснов П. В., Кутюков В. Г., Виногоров Н. И. Ямулов Игнатий Романович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 524. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Ямулов,_Игнатий_Романович&oldid=1175059" гыч налме