Тарелкин, Борис Исидорович

РУВИКИ — эрыкан энциклопедий гыч материал
Борис Исидорович Тарелкин
Тарелкин, Борис Исидорович.jpg
Шочмо кече 6 шорыкйол 1939(1939-01-06) (87 ий)
Шочмо вер
Эл
Жанр сарзе жанр, портрет, пейзаж, натюрморт, графике
Тунеммаш Краснодарысе сылнысымыктыш училище
Чаплӱм Россий Федерацийын сулло сӱретчыже — 2008

Борис Исидорович Тарелкин (шоч. 6 шорыкйол 1939, Батурин[d], Краснодар край) ― совет да россий живописец, график, 1985 ий гыч Российысе сӱретче-влак ушемын йыжъеҥже. Россий Федерацийын сулло сӱретчыже (2008).

Илыш корныжо

1930 ий 6 шорыкйолышто РСФСР-ын Краснодар край Брюховец вел Батурин станицыште казак ешеш шочын[1].

1971 ийыште Краснодарысе сылнысымыктыш училищым тунем пытарен[2][3][1].

Училищым тунем пытарымеке, колтымо почеш Марий АССР-ысе Медведево вел Куяр посёлкыш логалын. 1975 ийыште Академий дачыште пашам ыштен, Новгород ден Псковыш миен коштын, А. Грицай, Ю. Кугач, Ткачёв иза-шольо-влак дене кылым кучен. 1991 ий марте — РСФСР сылнысӱрет фондысо  (руш.) (мар. Марий мастаргудын пашаеҥже. 1991 ий гыч ― шкевуя усталык пашаште[2][3][1].

Кызыт Краснодар крайысе Ейск олаште ила да пашам ышта[4][5].

Сымыктыш пашаже

1985 ий гыч Российысе сӱретче-влак ушемын  (руш.) (мар. йыжъеҥже[1][6].

Шуко жанрыште пашам ыштыше тӱрлӧ шӧрынан сӱретче[7]. Сарзе-патриотик паша-влакын авторжо: «Йолташ-влак» (1983), «Бронебойщик» (1984), «Сталинград воктене. 1943-шо ий» (1985), «Тулык пасу» (1987)[2][3]. Марий поэт В. Колумбын (1976), марий писатель да краевед К. Васинын (1985)[8], РСФСР-ын сулло архитекторжо  (руш.) (мар. А. Галицкийын (1997), Российын сулло сӱретчыже А. Ширнинын (2004), марий сӱрет сымыктышым негызлыше-сӱретче-влак (А. С. Бакулевскийын, З. Ф. Лаврентьевын, А. И. Бутовын), врач да писатель Г. Р. Левенштейнын, тыгак Кугу Ачамланде сарын ветеранже-влак портретын авторжо семын палыме. Тудын усталык пашаштыже пейзаж ден натюрморт-влак посна верым налыт[2][3][1][9].

Пӱтынь ушемысе, кундемысе, да республикысе икмыняр ончерын, тыгак шке ончержын сӱретчыже улеш[2][3][1][6][10].

Б. И. Тарелкинын пашаже-влак Москон, Чебоксарын, Йошкар-Олан тоштерлаштыже ― Марий Эл Республикын Т. Евсеев лӱмеш калыкле тоштерыштыже да Республикысе сӱретсымыктыш тоштерыште, еҥ-влакын погыштышт[2][3], тыгак йот эллаште — Украиныште, Грецийыште, Францийыште, Германийыште, Испанийыште — аралалтыт[1].

Пагалымаш

Палемдымаш

  1. ↑ 1 2 3 4 5 6 7 8 9 Тарелкин Б.И. (руш.). Интернет-магазин «Sovart Gallery». Тергыме кече: 14 кылме 2025.
  2. ↑ 1 2 3 4 5 6 7 8 Мочаев, 2017, с. 434.
  3. ↑ 1 2 3 4 5 6 7 8 Энциклопедия Республики Марий Эл, 2009, с. 745.
  4. ↑ Вторая любовь Бориса Тарелкина. marpravda.ru. Тергыме кече: 14 кылме 2025.
  5. ↑ Логотип RuTube Интервью с живописцем Борисом Исидоровичем Тарелкиным. – смотреть видео онлайн от «Ейский историко-краеведческий музей» в хорошем качестве и бесплатно, опубликованное 15 февраля 2021 г. 12:00
  6. ↑ 1 2 3 4 Художник Борис Тарелкин - картины и биография (руш.). monmilan.ru. Тергыме кече: 14 кылме 2025.
  7. ↑ Тарелкин Борис Исидорович. artlot24.ru. Тергыме кече: 14 кылме 2025.
  8. ↑ Тарелкин Борис Исидорович. rusmuseumvrm.ru. Тергыме кече: 14 кылме 2025.
  9. ↑ "Хлебороб" картина купить, Борис Тарелкин картины купить, картины соцреализма бытовой жанр купить (руш.). kentavr-art.com. Тергыме кече: 26 кылме 2025.
  10. ↑ В художественном музее города Ейска открыта новая выставка «Вдохновение» (руш.). krasnodar.ru (15 пургыж 2021). Тергыме кече: 26 кылме 2025.

Литератур

  • Прокушев Г. И. Тарелкин Борис Исидорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 356. — 2032 экз. — ISBN 5-87898-357-0.
  • Тарелкин Борис Исидорович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 745. — 872 с. — 3505 экз. — ISBN 978-5-94950-049-1.
  • Прокушев Г. И. Тарелкин Борис Исидорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 434. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Тарелкин,_Борис_Исидорович&oldid=1232743" гыч налме