Средин, Дмитрий Васильевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Средин.
Дмитрий Васильевич Средин
Средин, Дмитрий Васильевич.jpg
Шочмо кече 1907 ий 11 пургыж(1907-02-11)
Шочмо вер Сурты, Петриков волость, Чарла уезд, Озаҥ губерний
Колымо кече 1985 ий 19 вӱдшор(1985-04-19) (78 ий)
Колымо вер Йошкар-Ола, Марий АССР
Гражданлык  СССР
Подданстве  Россий империй
Паша сомыл партий пашаеҥ, депутат
Награде да премий

Ленин орден — 1965 Орден Октябрьской Революции — 1971 Орден Трудового Красного Знамени — 1951 Орден Красной Звезды  — 1946 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын» Почётная грамота Президиума Верховного Совета РСФСР — 1960 Почётная грамота Президиума Верховного Совета РСФСР — 1967
Марий АССР Кӱшыл Каҥаш Президиумын Чап грамотшо (1946, 1957 — кок гана, 1970, 1977)

Дмитрий Васильевич Средин (11 пургыж 1907, Сурты, Чарла уезд, Озаҥ губерний, Россий империй — 19 вӱдшор 1985, Йошкар-Ола, Марий Автоном Совет Социализм Республик, РСФСР[d], СССР) — марий совет партий вуйлатыше, мер пашаеҥ. Марий АССР-ысе КПСС Медведево райкомын икымше секретарьже (1951—1962, 1965—1970). 1937 ий гыч ВКП(б)-н йыжъеҥже. КПСС XXIII погынын делегатше. Ленин орденын кавалерже (1965).

Илыш корно

1907 ий 11 феральыште Озаҥ губерний Чарла уездысе Михайловский селаште (кызыт Марий Эл Медведево районысо Сурты ял) кокла кресаньык ешеш шочын[1]. Самырыкше годым Кундыш эҥер дене чодырам волтышо лийын, верысе потребитель ушемыште ужален, вара оласе пашазе кооперативым да кевытым вуйлатен[2].

1929—1931 ийлаште Кронштадтыште Йошкар Армий радамыште служитлен. Демобилизаций деч вара Марий АССР-ысе Йошкар-Олаште пашазе кооперативын инструкторжылан пашам ыштен. 1931—1938 ийлаште Марий автоном областьысе / Марий АССР-ысе Йошкар-Ола да Звенигово Осоавиахим каҥашым вуйлатен. 1938—1939 ийлаште Звенигово районысо мланде пӧлкам вуйлатен[2][3][4].

1937 ийыште ВКП(б)-ш пуртеныт. 1939 ий гыч партий пашаште лийын: Марий АССР ВКП(б) Звенигово райкомын пропаганде да агитаций пӧлкам вуйлатыше, кадр шотышто секретарь, ВКП(б) Килемар райкомын 2-шо секретарьже. 1943—1944 ийлаште ВКП(б) Марий обкомын сарзе пӧлкажым вуйлатен, 1948 ий марте ВКП(б) Роҥго райкомын 1-ше секретарьже лийын[2][3][4].

1950 ийыште Горький областьысе партий школым тунем пытарен. 1951 ий марте — ВКП(б) Марий обкомын ялозанлык пӧлкажым вуйлатыше. 1951—1962 да 1965—1970 ийлаште — КПСС Медведево райкомын 1-ше секретарьже. Тудын лишке тыршымыж дене Медведево районышто кӱкшӧ лектышан шем-ола урлык вольык шочын, вольык комплекслам, соцкультилыш тӧнежлам — йӧнештарыме илыме пӧрт-влакым, йочасад-влакым чоҥаш тӱҥалыныт[2][3][4].

Сулен налме канышыште улмыж годым 1 ий наре КПСС Марий обкомын  (руш.) (мар. аппаратыштыже пашам ыштен[2][4].

Марий кундемын социал-экономике вияҥмашкыже пыштыме надырлан да чолга депутат пашалан Ленин (1965), Октябрь революций (1971), Паша Йошкар Тисте (1951), Йошкар Шӱдыр орден-влак (1946) дене, шуко медаль дене, тыгак РСФСР Кӱшыл Каҥаш Президиумын Чап грамотшо (1960, 1967) да Марий АССР Кӱшыл Каҥаш Президиумын Чап грамотшо-влак дене (1946, 1957 — кок гана, 1970, 1977) суапландарыме[2][3][4].

Нелын черланыме деч вара 1985 ий 19 апрельыште Марий АССР-ысе Йошкар-Олаште колен[2][3][4].

Мер-политике паша

Шарнымаш

2018 ий декабрьыште «Медведево ола поселений» муниципал образований Администрацийын Медведево посёлкысо у уремлан районын ончычсо вуйлатышыже Д. В. Срединын лӱмжым пуымо нерген 289 №-ан пунчалже лектын[2][6][7].

Награде-влак

Палемдымаш

  1. ↑ Сурты (Михайловское) | Родная Вятка. rodnaya-vyatka.ru. Тергыме кече: 13 шорыкйол 2026. Архивлыме 27 теле 2021 ий.
  2. ↑ 1 2 3 4 5 6 7 8 9 10 Средин Дмитрий Васильевич (руш.). Марийская история в лицах. Тергыме кече: 13 шорыкйол 2026. Архивлыме 27 теле 2021 ий.
  3. ↑ 1 2 3 4 5 6 7 8 9 10 11 12 13 Мочаев, 2017, с. 420.
  4. ↑ 1 2 3 4 5 6 7 Средин Дмитрий Васильевич  (1907-1985), 2019-03-21, <https://web.archive.org/web/20211227125123/https://bibmedved.wordpress.com/2019/03/21/%D1%81%D1%80%D0%B5%D0%B4%D0%B8%D0%BD-%D0%B4%D0%BC%D0%B8%D1%82%D1%80%D0%B8%D0%B9-%D0%B2%D0%B0%D1%81%D0%B8%D0%BB%D1%8C%D0%B5%D0%B2%D0%B8%D1%87-1907-1985/>. Тергыме: 20 шорыкйол 2026. 
  5. ↑ Листая страницы истории К 100-летию Республики Марий Эл. news.myseldon.com. Тергыме кече: 13 шорыкйол 2026. Архивлыме 27 теле 2021 ий.
  6. ↑ В пригороде Йошкар-Олы появилась новая улица в честь руководителя района (руш.). pg12.ru. Тергыме кече: 13 шорыкйол 2026. Архивлыме 27 теле 2021 ий.
  7. ↑ Administrator. Адрес. Медведево. Д.Средина, 7 (руш.). project-12.ru. Тергыме кече: 13 шорыкйол 2026. Архивлыме 27 теле 2021 ий.

Литератур

  • Дмитрий Васильевич Средин [Текст]: [некролог] // Марийская правда. — 1985. — 20 апреля.
  • Рождённый в сорок третьем [Текст]: к 55-летию Медведевского района Республики Марий Эл: [сборник] / гл. ред. З. Н. Одинцова. — Йошкар-Ола: Периодика Марий Эл, 1998. — 350 с.
  • Летопись района в делах депутатов [Текст]: сборник документов и материалов / Администрация муниципального образования «Медведевский муниципальный район»; под общ. ред. Д. Г. Шагиахметова. — Медведево, 2006. — 255 с. : ил.
  • Средин Дмитрий Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 345. — 2032 экз. — ISBN 5-87898-357-0.
  • Средин Дмитрий Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 731. — 872 с. — 3505 экз. — ISBN 978-5-94950-049-1.
  • Мочаев В. А., Колесников А. Ю. Средин Дмитрий Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 420. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Средин,_Дмитрий_Васильевич&oldid=1232026" гыч налме