Софронов, Ефим Гаврилович

РУВИКИ — эрыкан энциклопедий гыч материал
В Рувики есть статьи о других людях с такой фамилией, см. Софронов.
Ефим Гаврилович Софронов
Софронов, Ефим Гаврилович.jpg
Флаг
Марий АССР юстиций нарком / министр
Флаг
1942 — 1957
Ончычсо пашаеҥ Товашов Василий Ильич
Шочын 1902 ий 12 шыжа(1902-10-12)
Поленга, Чыкма уезд, Озаҥ губерний, Россий империй
Колен 1982 ий 16 сорла(1982-08-16) (79 ий)
Йошкар-Ола, Марий ССР, РСФСР, СССР
Партий КПСС
Шинчымаш Всесоюзный заочный юридический институтын Озаҥ филиалже, Юрист-влакым уэмдыме кӱшыл курс
Профессий прокурор, судья
Награде
Почётная грамота Президиума Верховного Совета РСФСР — 1960

Ефим Гаврилович Софронов (12 шыжа 1902, Поленга[d], Чыкма уезд, Озаҥ губерний, Россий империй — 16 сорла 1982, Йошкар-Ола, Марий Автоном Совет Социализм Республик, РСФСР[d], СССР) ― совет юрист, кугыжаныш вуйлатыше. Марий АССР юстицийын икымше наркомжо / министрже (1942―1957), МАССР Кӱшыл судын председательже (1939―1942, 1957―1964). Марий АССР Кӱшыл Каҥашын 3―6-шо созывшын депутатше (1951―1967). 1938 ий гыч ВКП(б)-н йыжъеҥже. Совет-влакын пӱтынь Российысе погынжын делегатше (1928).

Илыш корно

1902 ий 12 октябрьыште кызытсе Марий Эл Курыкмарий район Поленга ялыште кокла кресаньыкын шуко йочан ешешыже шочын[1][2][3].

1916 ийыште Марий АССР Курыкмарий район Виловат ялысе школым тунем пытарен. 1920 ий октябрьыште Виловат волостьысо исполкомышто тунемше лийын, вара волисполком пеленысе ЗАГС ӱстелын делопроизводительжылан налыныт. Тиде пашаште 1923 ий май марте пашам ыштен, вара волость-влакым райисполкомлашке вашталтыме дене паша гыч кораҥдыме. 1923 ий май гыч Йошкар Армийыш налме марте ача-аважын озанлыкыштышт пашам ыштен.

1924 ий ага тылзын Йошкар Армийыш налыныт, тушто 1925 ий октябрь марте Узбек ССР  (руш.) (мар. Ташкент оласе 4-ше Туркестан полкышто служитлен.

1925 ий декабрь гыч ― калык судын делопроизводительже, 1929 ий октябрь марте ― калык судын секретарьже, 1939 ий май марте ― Марий АССР Курыкмарий районысо калык судья  (руш.) (мар.[1].

1930 ийыште тудын чолган ушнымыж дене «Восход» колхозым ыштыме.

1935 ийыште Горькийысе правовой школышто уэш ямдылыме 6 тылзаш курсым, а 1938 ийыште паша деч кораҥдалтде Всесоюзный заочный юридический институтын Озаҥ филиалжым тунем пытарен[1].

1938 ийыште ВКП(б)-ш пурен.

1939 ий май гыч ― МАССР Кӱшыл суд председательын алмаштышыже, 1939 ий август ― 1942 ий январь ― председательже[1][4].

1942―1957 ийлаште ― Марий АССР юстиций нарком / министр[1][5].

1951 ийыште юрист-влакым уэмдыме Кӱшыл курсым тунем пытарен[1].

1957―1964 ийлаште ― МАССР Кӱшыл судын председательже[1].

Мер паша денат тыршен: 1951―1967 ийлаште Марий АССР Кӱшыл Канашын 3―6-шо созывшын депутатшылан сайлалтын[1][6][7]. 1926 ий гыч суд да прокуратур пашаеҥ-влак профсоюзын йыжъеҥже лийын, 1928 ийыште Советыш сайлымашыште участвоватлен, Совет-влакын пӱтынь Российысе погыныштын  (руш.) (мар. делегатше лийын, а 1937 ийыште Курыкмарий район Каҥаш погынын делегатше лийын.

Пашам шуко ий сайын ыштымылан «Чап Пале» орден дене (кок гана), Йошкар Шӱдыр орден дене, медаль-влак, РСФСР да Марий АССР Кӱшыл Каҥаш Президиумын Чап грамотышт дене (кум гана) наградитлыме[1].

Пелашан лийын, ешыште ― 2 йоча.

1982 ий 16 августышто Йошкар-Олаште колен[1].

Награде-влак

Шарнымаш

  • Юрист Е. Г. Софроновын шочмыжлан 115 ий темме лӱмеш 2017 ийыште Марий Эл Республикын Юстиций Министерствыже информациян стендым ямдылен.
  • Юрист Е. Г. Софроновын шкенжын архивше гыч икмыняр документ кызыт Марий Эл Республикын Кугыжаныш архивыштыже  (руш.) (мар. аралалтеш[8].

Палемдымаш

  1. ↑ 1 2 3 4 5 6 7 8 9 10 11 12 13 14 Мочаев, 2017, с. 418.
  2. ↑ Полянок (Поленга, Другая Яктерля) | Родная Вятка. rodnaya-vyatka.ru. Тергыме кече: 11 шорыкйол 2026.
  3. ↑ Деревня Полянок (Поленга) | Государственное бюджетное учреждение "Государственный архив Республики Марий Эл". gosarhivrme.ru. Тергыме кече: 11 шорыкйол 2026.
  4. ↑ Право.ru: законодательство, судебная система, новости и аналитика. Все о юридическом рынке. (руш.). ПРАВО.Ru. Тергыме кече: 11 шорыкйол 2026.
  5. ↑ Романов В.и. Годы и люди воспоминания ветерана юстиции // Марийский юридический вестник. — 2002. — Т. 1, вып. 2. — С. 11–16. — ISSN 2221-6286.
  6. ↑ Официальный сайт Госсобрания Республики Марий Эл. old.gsmari.ru. Тергыме кече: 11 шорыкйол 2026.
  7. ↑ Экскурс в историю (2) - Доклад - стр. 12. uchebana5.ru. Тергыме кече: 11 шорыкйол 2026.
  8. ↑ Единица № 276 — Архивный путеводитель. alertino.com. Тергыме кече: 11 шорыкйол 2026.

Литератур

  • Романов В. И. Годы и люди. Воспоминания ветерана юстиции // Марийский юридический вестник. ― 2002. ― С. 11―15.
  • Иваков А. В., Мочаев В. А. Софронов Ефим Гаврилович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 343. — 2032 экз. — ISBN 5-87898-357-0.
  • Бабичева А. Ю. Историко-правовой аспект становления и развития государственности марийского народа с октября 1917 по 1980-е гг. XX в. Автореф. дисс. на соиск. учён. степ. канд. юрид. наук. ― Нижний Новгород, 2007. ― 28 с.
  • Иваков А. В., Мочаев В. А. Софронов Ефим Гаврилович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 418. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Софронов,_Ефим_Гаврилович&oldid=1232356" гыч налме