Соловьёв, Василий Флегонтович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Соловьёв.
Василий Флегонтович Соловьёв
Соловьёв, Василий Флегонтович.jpg
Шочмо кече 1922 ий 16 шорыкйол(1922-01-16)
Шочмо вер Кӱкшынур, Курыкмарий район, Марий автоном область, РСФСР
Колымо кече 2008 ий 18 теле(2008-12-18) (86 ий)
Колымо вер Чыкма, Марий Эл, Россий
Гражданлык  СССР →  Россий
Паша сомыл партий пашаеҥ
Награде да премий

Василий Флегонтович Соловьёв (16 шорыкйол 1922, Кӱкшынур, Красноволжск ял шотан илем[d] — 18 теле 2008, Чыкма, Марий Эл Республик) — марий совет партий пашаеҥ. Марий АССР Курыкмарий райисполкомын председательже (1968—1978). Марий Эл Чыкма олан чапланыше гражданинже (2000). Кугу Ачамланде сарын салтакше. ВКП(б) йыжъеҥ.

Илыш корныжо

1922 ий 16 январьыште кызытсе Марий Эл Курыкмарий районысо Кӱкшынур ялеш шочын[1].

1930 ий гыч Марий автоном область Курыкмарий районысо Красноволжск школышто тунемын, 1941 ийыште Марий АССР-ысе Чыкма педагогике училищым тунем пытарен.

1942 ий январьыште Пашазе-кресаньык Йошкар Армийыш  (руш.) (мар. налыныт. Кугу Ачамланде сарын салтакше: Ярославльысе интендант училищым тунем пытарен, 28-ше артиллерий дивизийын 1355-ше зенит артиллерий полкышкыжо колтеныт. Вара тӱҥ командований шапашын 1071-ше танк ваштареш кучедалше истребитель полкыш кусареныт: ончыч Брянск, вара — 1-ше Белорус фронтыш. Тушто писын пунчалым лукшо частьын да ситарыме шотышто начальник лийын, интендант службын старший лейтенантше[2]. Моско воктеч Берлин марте сар корным эртен: Моско воктен кредалын, Ефремов, Орёл да Брянск ола-влакым, Белоруссийым утараш полшен. Суворов да Кутузов орденан 2-шо танк корпусын кышкарыштыже Польшым утарен да Берлиным штурмоватлымаште чолган кредалын. 1946 ий сентябрьыште тыныс пашаш пӧртылын[3][4].

Мӧҥгӧ пӧртылмеке, 1947 ий гыч 1955 ий марте Марий АССР Курыкмарий район Микряк кыдалаш школышто сарзылан ыштен. 1955 ий майыште Йоласал КПСС район комитетын ӱжыкъеҥже олмыш кусарыме. 1960 ийыште Озаҥысе партий школым  (руш.) (мар. тунем пытарен. Шочмо районыштыжо партий да совет паша олмылаште тыршен: КПСС Марий обкомын инструкторжо, Курыкмарий район туныктыш пӧлкам вуйлатыше, 1968—1978 ийлаште, сулымо каныш марте — Марий АССР Курыкмарий райисполкомын председательже[2][1]. Сулымо канышыш лекмеке, Курыкмарий калык депутат-влак исполкомын секретарьже, Чыкмасе ветеран-влак каҥашын председательже лийын.

1971—1975 ийлаште Марий АССР Кӱшыл Каҥашын  (руш.) (мар. XVIII созывысе депутатше[2], 1971—1974 ийлаште — кундемысе ревизий комиссийын йыжъеҥже, 1986 ийыште — Марий АССР Кӱшыл Каҥаш Президиум пӧлкан штатдыме туныктен ойлышыжо лийын.

Шуко ий пашам тыршен ыштымыжлан, Пашан Йошкар Тистыже орден, медаль-влак, Совет тыныс фондын, СССР Госпланын, Марий КПСС обкомын да Марий АССР министр-влак Каҥашын Чаптаныкышт дене палемдалтын. 2000 ийыште тудлан «Чыкма олан чапланыше гражданинже» чаплӱмым пуымо[1][5].

2008 ий 18 декабрьыште Марий Элысе Чыкма олаште илыш дене чеверласен, туштак тойымо[2].

Чап лӱм да суаптар-влак

Палемдымаш

  1. ↑ 1 2 3 Информационный ресурс Республики Марий Эл "12rus.ru" :: Горномарийский район. www.12rus.ru. Тергыме кече: 25 пургыж 2026.
  2. ↑ 1 2 3 4 5 6 7 8 Мочаев, 2007, с. 341.
  3. ↑ 1 2 3 4 5 6 7 Соловьев Василий Флегонтович :: Память народа. pamyat-naroda.ru. Тергыме кече: 25 пургыж 2026.
  4. ↑ 1 2 3 4 5 #дорогапамяти Участник ВОВ ✩ Соловьев Василий Флегонтович (руш.). Музейный комплекс "Дорога Памяти". Тергыме кече: 25 пургыж 2026.
  5. ↑ О нашем городе :: Козьмодемьянск. web.archive.org. Тергыме кече: 25 пургыж 2026.

Кылвер-влак

"https://mhr.ruwiki.ru/w/index.php?title=Соловьёв,_Василий_Флегонтович&oldid=1211409" гыч налме