Самусев, Михаил Данилович

Михаил Данилович Самусев
Михаил Данилович Самусев
Шочмо кече	5 вӱдшор 1928
Шочмо вер	Поляна[d], Серышевский район[d], Амур область, СССР;
Колымо кече	14 ага 2019 (91 ий)
Колымо вер	Йошкар-Ола, Россий;
Гражданлык	СССР → Россий
Паша сомыл	йӧнозанлык пашаеҥ, мер-политике пашаеҥ
Награде да премий	; Марий АССР шанчын да техникын сулло пашаеҥже (1982); Марий АССР Кӱшыл Каҥаш Президиумын Чапкагазше (1978, 1988)

Михаи́л Дани́лович Са́мусев (5 вӱдшор 1928, Поляна^[d], Амур область — 14 ага 2019, Йошкар-Ола) — совет да российысе йӧнозанлык да мер-политике пашаеҥ. Йошкар-Оласе «Контакт» заводын икымше директоржо (1962—1990), «Биомашприбор» АО-н генеральный директоржо (1994—1997). Йошкар-Оласе калык депутат-влак Каҥашын XXI созывшын председательже (1990—1993). Марий АССР шанчын да техникын сулло пашаеҥже (1982). Ленин орденын кавалерже (1971).

Илыш корныжо

Белорус тукым ешеш шочын^[1]. 1920 ийла тӱҥалтыште тудын ача-аваже Белоруссий гыч (Могилёв районысо Потеряевки ял) Мӱндыр Эрвелыш кусненыт^[2]. 1946 ийыште Новосибирскысе точный механике да оптике техникумым тунем пытарен^[1].

Йошкар-Олаш 1947 ийыште толын. Ленинград оптике да механике институтыш тунемаш пурен, но тушто ик семестрым гына тунемын. 1962 ийыште ПЛТИ-н чодыра инженер факультетшым (кызыт — Юл кундемысе кугыжаныш технологий университет) тунем пытарен. Марий машина чоҥышо заводышто конструктор бюрошто технолог, инженер-технолог, конструктор, оснасткым проектироватлыме шотышто инженер-конструктор лийын^[2].

1962 ийыште у «Контакт» заводын директоржылан шогалтеныт. Тудым 1990 ий марте вуйлатен^[1]^[3]. Шке жапыштыже СССР радиоэлектрон йӧнозанлык главкым вуйлаташ темленыт, но келшен огыл^[2]. Вара «Биомашприбор» АО-н генеральный директоржо лийын (1994—1997). Марий Эл Республикыште йӧнозанлык аланыште эн авторитетан вуйлатыше-влак кокла гыч иктыже^[1]. Паша карьержым «Контакт» завод директорын ойпуышыжо должностьышто 75 ияш улмыж годым мучашлен^[2].

2019 ий 14 майыште Йошкар-Олаште колен, Туруново шӱгарлаште (руш.) (мар. тойымо^[4].

Мер-политике паша

1990—1993 ийлаште Йошкар-Оласе калык депутат-влак Каҥашын XXI созывысе председатель лийын^[1].
Йошкар-Оласе пашазе депутат-влакын ола Каҥашын XII—XVII созыв (1969—1993, 10 созыв) да Йошкар-Оласе калык депутат-влак ола Каҥашын XVIII—XXI созыв депутатшылан сайлалтын^[1]^[4].

Чаплӱм ден суаптар-влак

Марий АССР шанчын да техникын сулло пашаеҥже (1982)^[1];
Ленин орден (1971)^[1];
Октябрь Революций орден (1974)^[1];
Паша Йошкар Тисте орден (1981)^[1];
Калык-влак Келшымаш орден (1986)^[1];
Марий АССР Кӱшыл Каҥаш Президиумын Чапкагазше (1978, 1988)^[1].

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² Мочаев, 2017, с. 382.
↑ ¹ ² ³ ⁴ Этапы большого пути — «Йошкар-Ола» | Городская газета (руш.). www.gg12.ru. Тергыме кече: 22 шорыкйол 2026.
↑ Ветераны принимают поздравления и подарки - Официальный сайт администрации городского округа "Город Йошкар-Ола" (руш.). i-ola.ru. Тергыме кече: 22 шорыкйол 2026.
↑ ¹ ² Михаил Данилович Самусев (руш.). web.archive.org. Тергыме кече: 22 шорыкйол 2026.

Литератур

Самусев Михаил Данилович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 316. — 2032 экз. — ISBN 5-87898-357-0.
Краснов П. В. Самусев Михаил Данилович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 382. — 606 с. — 1500 экз. — ISBN 978-5-905314-35-3.

Кылвер-влак

[_d8b2cd506f1589c5-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² Мочаев, 2017, с. 382.

[:1-2] ¹ ² ³ ⁴ Этапы большого пути — «Йошкар-Ола» | Городская газета (руш.). www.gg12.ru. Тергыме кече: 22 шорыкйол 2026.

[3] Ветераны принимают поздравления и подарки - Официальный сайт администрации городского округа "Город Йошкар-Ола" (руш.). i-ola.ru. Тергыме кече: 22 шорыкйол 2026.

[:0-4] ¹ ² Михаил Данилович Самусев (руш.). web.archive.org. Тергыме кече: 22 шорыкйол 2026.

[1]

[2]

[3]

[4]