Саканов, Евстафий Фёдорович

РУВИКИ — эрыкан энциклопедий гыч материал
Евстафий Фёдорович Саканов
Саканов, Евстафий Фёдорович.jpg
Курыкмарий райисполкомын председательже
1962 — 1968
Шочын 1920 ий 1 теле(1920-12-01)
Тышнал, Курыкмарий район, Марий автоном область, РСФСР
Колен 2004 ий 6 шыжа(2004-10-06) (83 ий)
Йошкар-Ола, Марий Эл, Россий
Партий ВКП(б)/КПСС
Шинчымаш Озаҥысе кӱшыл партий школ
Награде

Евстафий Фёдорович Саканов (1 теле 1920, Тушнаял, Марий автоном область, РСФСР[d], СССР — 6 шыжа 2004, Йошкар-Ола, Марий Эл Республик, Россий) — курыкмарий совет кугыжаныш, партий да администраций пашаеҥ. Курыкмарий КПСС райкомын кокымшо, икымше секретарьже (1956—1962), Марий АССР Курыкмарий райисполкомын председательже (1962—1968). Марий АССР Кӱшыл Каҥаш Президиумын пӧлкажым вуйлатыше (1970—1987). КПСС-ын XXIII погынышто делегат (1966). Кугу Ачамланде сарын салтакше. 1943 ий гыч ВКП(б) йыжъеҥ.

Илыш корно

1920 ий 1 декабрьыште кызытсе Марий Эл Курыкмарий районысо Тышнал ялеш шочын[1][2].

1940 ий ноябрьыште Пашазе-кресаньык Йошкар Армийыш  (руш.) (мар. налыныт. Кугу Ачамланде сарын салтакше: 1941—1942 ийла — авиа моторист, 1942 ий — лӱйкалыше взвод командир, 1943 ий — 4-ше Украин фронтысо 2-ше гвардий армийын 295-ше лӱйкалыше дивизийын 1040-ше лӱйкалыше полкын лӱйкалыше батальонышто икымше адъютант, 1944—1945 ийлаште — Кечывалвел фронтышто 15-ше авиа армийысе «Смершын»  (руш.) (мар. оперативникше, капитан[3]. Икымше адъютант семын атаке планым ямдылен, тыгак, адъютант семын, тушман ваштареш лекмаште икымше радамыште эртен. Ик контратаке годым ручной пулемётым руалтен да 15 наре тушманым пытарен. Сусырген. 1943 ийыште ВКП(б) — ыш пурен. Армий гыч 1947 ий октябрьыште майор званий дене демобилизоватлалтын[1][4].

Шочмо верыш пӧртылмеке: 1947—1955 ийлаште — Курыкмарий район исполкомын секретарьже, председательын алмаштышыже; 1955—1956 ийлаште — «Ленин корно» газетын редакторжо. 1956—1962 ийлаште — Курыкмарий КПСС райкомын кокымшо, икымше секретарьже; 1962—1968 ийлаште — Марий АССР Курыкмарий райисполкомын председательже[1].

1960 ийыште Озаҥысе кӱшыл партий школым тунем пытарен[1].

1970—1987 ийлаште — Марий АССР Кӱшыл Каҥаш  (руш.) (мар. Президиумын паша пӧлкажым вуйлатыше[1].

1963—1967 ийлаште Марий АССР Кӱшыл Каҥашын 6-ше созывысе депутатшылан сайлалтын[5]. 1966 ийыште КПСС-ын XXIII погынышкыжо делегатлан сайлалтын[1][6].

2004 ий 6 октябрьыште Йошкар-Олаште илыш дене чеверласен[1].

Суаптар-влак

Пашалан

  • «Пашаште чолгалыклан» медаль (1965)[1]
  • «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970)
  • ВДНХ-н ший медальже (1966)[1]
  • Марий АССР Кӱшыл Каҥаш Президиумын Чаптаныкше (1970, 1980)[1]

Сарысе суаптар

Палемдымаш

  1. ↑ 1 2 3 4 5 6 7 8 9 10 Мочаев, 2017, с. 379.
  2. ↑ Информационный ресурс Республики Марий Эл "12rus.ru" :: Горномарийский район. www.12rus.ru. Тергыме кече: 23 пургыж 2026.
  3. ↑ 1 2 Документ:Приказ войскам 15 воздушной армии № 19/н от 23.02.1945 — Кадровый состав НКВД 1935-1939. nkvd.memo.ru. Тергыме кече: 23 пургыж 2026.
  4. ↑ 1 2 3 4 5 Саканов Евстафий Федорович :: Память народа. pamyat-naroda.ru. Тергыме кече: 23 пургыж 2026.
  5. ↑ Официальный сайт Госсобрания Республики Марий Эл. old.gsmari.ru. Тергыме кече: 23 пургыж 2026.
  6. ↑ Делегаты XXIII съезда КПСС - События и люди города, фото Йошкар-Олы и история города. olacity.ru. Тергыме кече: 23 пургыж 2026.
  7. ↑ 1 2 3 4 Подвиг народа. podvignaroda.ru. Тергыме кече: 23 пургыж 2026.

Литератур

  • Они защищали Родину: вспомним их поимённо: Горномарийский район, г. Козьмодемьянск / Республика Марий Эл, Администрация Горномарийского района, Администрация г. Козьмодемьянска; [редкол.: Поздеева Н. А. (рук.) и др.]. ― Чебоксары: ИПК «Чувашия», 2005. ― 607 с., [32] л. ил., портр..; ISBN 5-86765-297-1.
  • Мочаев В. А. Саканов Евстафий Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 314. — 2032 экз. — ISBN 5-87898-357-0.
  • Мочаев В. А., Зайниев Г. З., Колесников А. Ю. Саканов Евстафий Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 379. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Саканов,_Евстафий_Фёдорович&oldid=1210464" гыч налме