Петров, Макар Степанович

РУВИКИ — эрыкан энциклопедий гыч материал
В Рувики есть статьи о других людях с такой фамилией, см. Петров.
Макар Степанович Петров
Петров, Макар Степанович.jpg
Шочмо кече 1916 ий 29 шорыкйол(1916-01-29)
Шочмо вер Изи Позэҥер, Вӱрзым уезд, Виче губерний, Россий империй
Колымо кече 1995 ий 28 кылме(1995-11-28) (79 ий)
Колымо вер Мочалище, Звенигово район, Марий Эл, Россий
Гражданлык  СССР →  Россий
Паша сомыл педагог
Награде да премий

Орден Трудового Красного Знамени — 1971 Орден Отечественной войны I степени— 1985 Орден Отечественной войны II степени  — 1945 Орден Красной Звезды  — 1945 SU Medal For the Capture of Koenigsberg ribbon.svg Медаль «За взятие Берлина» Медаль «За победу над Германией в Великой Отечественной войне 1941—1945 гг.» «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»
Honored School Teacher of the RSFSR.png

Макáр Степáнович Петрóв (29 шорыкйол 1916, Изи Позэҥер[d] — 28 кылме 1995, Мочалище, Марий Эл Республик) — совет педагог. Медведево вел Пурсанур кыдалаш школын директоржо (1949―1954), Марий АССР-ысе Провой вел Мочалище кыдалаш школын директоржо (1954—1976). РСФСР школын сулло туныктышыжо (1960). Кугу Ачамланде сарын салтакше. 1940 ий гыч ВКП(б)-н йыжъеҥже.

Илыш корныжо

1916 ий шорыкйол тылзын 29-ше кечынже кызытсе Киров кундем Лебяжье вел Изи Позэҥер ялысе йорло кресаньык ешеш шочын[1][2][3].

1935 ийыште Яранск педагогике техникумым, 1938 ийыште — пашам ыштышылак, Киров туныктышо институтым тунем пытарен[1][2][3].

1939 ий идым тылзын Киров кундем Яраҥ вел Солабеляк ял гыч РККА-ш налме. 1940 ийыште ВКП(б)-ш пурен. Кугу Ачамланде сарын салтакше: лӱйкалыше ротын политрукшо, батарейын комиссарже, 3-шо Белорус фронтысо  (руш.) (мар. гвардий артиллерий полкын 76-мм пушко батарейын тул взводын командирже, гвардийын кугурак лейтенантше. Нелын сусырген. 1945 ий теле тылзын армий гыч колтымо. II да I степенян Ачамланде сар, Йошкар Шӱдыр орден да медаль-влак дене суапландарыме[4].

1949 ийыште Н. К. Крупская лӱмеш Марий педагогике институтым заочно тунем пытарен. Тиде ий гыч — Марий АССР Медведево вел Пурсанур кыдалаш школын директоржо. 1954—1976 ийлаште — МАССР-ысе Провой вел Мочалище кыдалаш школын директоржо. Тудын вуйлатымыж почеш тунемше-влак кӱкшӧ шинчымашышт дене ойыртемалтыныт, тиде школым устан вуйлатымашын лектышыже, школ чодыразе да турист-влак команде-влак эре ончыл верыште лийыныт[1][3].

Калык шинчымаш аланысе суаплан 1960 ийыште «РСФСР школын сулло туныктышыжо» чаплӱмым пуымо. Тыгак Пашан Йошкар Тистыже орден дене палемдыме[1][3].

1995 ий кылме тылзын 28-ше кечынже Марий Эл Провой вел Мочалище посёлкышто колен[1][3].

Чаплӱм да суаптар-влак

Палемдымаш

  1. ↑ 1 2 3 4 5 6 7 8 Мочаев, 2017, с. 336.
  2. ↑ 1 2 Петров Макар Степанович | Музей. museum.marsu.ru. Тергыме кече: 21 шорыкйол 2026.
  3. ↑ 1 2 3 4 5 6 7 8 Энциклопедия Республики Марий Эл, 2009, с. 620.
  4. ↑ Петров Макар Степанович :: Память народа. pamyat-naroda.ru. Тергыме кече: 21 шорыкйол 2026.

Литература

  • Петров Макар Степанович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 278. — 2032 экз. — ISBN 5-87898-357-0.
  • Петров Макар Степанович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 620. — 872 с. — 3505 экз. — ISBN 978-5-94950-049-1.
  • Краснов П. В. Петров Макар Степанович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 336. — 606 с. — 1500 экз. — ISBN 978-5-905314-35-3.
  • Муравьёв А. В. Учителями жива Россия. — 2-е изд., доп. — Йошкар-Ола: Издательский дом «Марийское книжное издательство», 2022. — 255 с.
"https://mhr.ruwiki.ru/w/index.php?title=Петров,_Макар_Степанович&oldid=1232482" гыч налме