Мотовилов, Николай Пантелеевич

РУВИКИ — эрыкан энциклопедий гыч материал
Николай Пантелеевич Мотовилов
Мотовилов, Николай Пантелеевич.jpg
Шочмо кече 19 теле 1923(1923-12-19)
Шочмо вер
Колымо кече 6 ӱярня 2010(2010-03-06) (86 ий)
Колымо вер
Эл
Паша сомыл тоштер пашаеҥ, педагог, мер пашаеҥ
Награде да премий

Honored School Teacher of the RSFSR.png Отличник народного просвещения РСФСР
Орден Отечественной войны I степени— 1985 Медаль «За отвагу» (СССР) — 1945 Медаль «За победу над Германией в Великой Отечественной войне 1941—1945 гг.» SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg SU Medal Forty Years of Victory in the Great Patriotic War 1941-1945 ribbon.svg RUS Medal 50 Years of Victory in the Great Patriotic War 1941-1945 ribbon.svg RUS Medal 60 Years of Victory in the Great Patriotic War 1941-1945 ribbon.svg Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» «Пашан ветеранже» медаль
Марий Элыште ола сынан Оршанке посёлкын икымше Чапланыше гражданинже (1994)
Марий АССР-ысе Кӱшыл Каҥаш Президиумын Чапкагазше (1965, 1989)

Николáй Пантеле́евич Мотови́лов (19 теле 1923, Марий автоном область — 6 ӱярня 2010, Оршанке, Марий Эл Республик) — совет да российысе тоштер пашам виктарыше, педагог, мер пашаеҥ. Оршанкысе кресаньык паша да илышйӧн тоштерым (1983), Марий Элысе Оршанке Сар Чап тоштерым (2005) негызлыше. РСФСР школын сулло туныктышыжо (1965), РСФСР калык просвещенийын отличникше. Марий Элыште ола сынан Оршанке посёлкын икымше Чапланыше гражданинже (1994). Кугу Ачамланде сарын участникше.

Илыш корно

1923 ий 19 декабрьыште кызытсе Марий Элын Оршанке кундемысе Соза ялеш шочын[1]. 1930—1934 ийлаште Норко тӱҥалтыш школышто, 1934—1937 ийлаште кызытсе Марий Элын Оршанке вел Кучко школышто тунемын[2].

1937 ийыште Пурсанур педагогике училищын школ деч ончыч туныктымо пӧлкашкыже тунемаш пурен. 1938 ийыште училищым Йошкар-Олаш кусареныт, тушто тудо школ пӧлкаште тунеммым шуен. 1940 ийыште училищым тунем пытарымеке, Оршанке кундемысе Норко тӱҥалтыш школышто 2-шо классын туныктышыжлан пашам ышташ тӱҥалын[2][3].

1941 ий 9 декабрьыште Йошкар армийыш  (руш.) (мар. налыныт. Касвел фронтышто 42-шо лӱйкалыше дивизийын 459-ше лӱйкалыше полкыштыжо кредалын, рядовой. 1943 ий мартыште нелын сусырген да Калуга оласе госпитальыш логалын[2]. Сеҥымашым Москошто вашлийын.

1945 ийыште армий гыч демобилизоватлалтын да шочмо кундемышкыже пӧртылын. Верысе тӱвыра пӧлкам вуйлаташ тӱҥалын[3]. Вара Кучко школыш туныктышылан пашаш пурен, а 1947 ий 15 августышто Оршанке кыдалаш школыш куснен. Тушто тудо 30 ий жапыште тӱҥалтыш класс туныктышылан, историй, географий да обществоведений дене туныктышылан пашам ыштен[3].

2010 ий 6 мартыште колен. Марий Элысе Оршанке вел Клюкино ялын шӱгарлаштыже тойымо[4].

2011 ийыште тудын «Моя деревня. Война. Жизнь продолжается» шарнымаш книгаже лектын[5].

Тоштер паша

1960 ийыште Марий АССР Оршанке кыдалаш школын администрацийже тоштерым почаш пунчалын, тудын вуйлатышыжлан Н. П. Мотовиловым шогалтыме. Шке тунемшыже-влак дене пырля тудо Марий АССР-ысе, Татар АССР-ысе да Киров кундемысе ял илемлашке шымлыме паша дене лектын коштын да ончыкылык школ тоштерлан арвер-влакым поген[3].

Вара нине шымлымаш негызеш 1983 ий 23 мартыште Оршанке посёлкышто краеведений тоштер почылтын. 1985 ийыште тоштер «калык» лӱмым налын, а вара Оршанкысе кресаньык паша да илышйӧн тоштерыш савырнен[6].

2005 ий 6 декабрьыште тудын темлымыж почеш Марий Элын Оршанке посёлкышто Марий Элыште икымше Сарзе Чап тоштер почылтын.

Шарнымаш

  • Н. П. Мотовилов Оршанке кресаньык паша да илышйӧн тоштерым негызлен[6][5].
  • Н. П. Мотовиловын лӱмжым тудын ыштыме Марий Элысе ола сынан Оршанке посёлкысо Сарзе Чап тоштер нумалеш (2005)[3][5].

Чаплӱм да суаптар-влак

Палемдымаш

  1. ↑ Информационный ресурс Республики Марий Эл "12rus.ru" :: Оршанский район. www.12rus.ru. Тергыме кече: 10 идым 2025. Архивлыме 14 сорла 2018 ий.
  2. ↑ 1 2 3 Biblioorshanka. Orshanka.ru: Мотовилов Николай Пантелеевич. Orshanka.ru (31 сӱрем 2013). Тергыме кече: 10 идым 2025. Архивлыме 26 пургыж 2020 ий.
  3. ↑ 1 2 3 4 5 6 7 8 Мотовилов Николай Пантелеевич (руш.). Историко-краеведческий музейный комплекс Оршанского района. Тергыме кече: 10 идым 2025.
  4. ↑ Клюкино (Новая Пижанка) | Родная Вятка. rodnaya-vyatka.ru. Тергыме кече: 10 идым 2025. Архивлыме 12 шорыкйол 2021 ий.
  5. ↑ 1 2 3 4 5 Мочаев, 2017, с. 292.
  6. ↑ 1 2 Музей крестьянского труда и быта (руш.). Историко-краеведческий музейный комплекс Оршанского района. Тергыме кече: 10 идым 2025. Архивлыме 25 шорыкйол 2021 ий.
  7. ↑ Мотовилов Николай Пантелеевич — Память народа. pamyat-naroda.su. Тергыме кече: 10 идым 2025.
  8. ↑ Мотовилов Николай Пантелеевич :: Память народа. pamyat-naroda.ru. Тергыме кече: 10 идым 2025.
  9. ↑ Мотовилов Николай Пантелеевич :: Память народа. pamyat-naroda.ru. Тергыме кече: 10 идым 2025.

Литератур

  • Муравьёв А. В. Учителями жива Россия: Учителя Республики Марий Эл — заслуженные учителя Российской Федерации. — Йошкар-Ола, 2004. — С. 62—64.
  • Мотовилов Николай Пантелеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 245. — 2032 экз. — ISBN 5-87898-357-0.
  • Мотовилов Николай Пантелеевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 556. — 872 с. — 3505 экз. — ISBN 978-5-94950-049-1.
  • Муравьев А. В., Опарина Т. Т., Мочаев В. А., Виногоров Н. И. Мотовилов Николай Пантелеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 292. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Мотовилов,_Николай_Пантелеевич&oldid=1208729" гыч налме