Москвин, Филипп Степанович

РУВИКИ-ште тыгай тукымлӱм дене вес еҥ нерген статьям лудаш лиеш: Москвин.

Филипп Степанович Москвин
Шочмо кече	8 шыжа 1910(1910-10-08)
Шочмо вер	Изи Каракша, Марково ял шотан илем[d], Оршанке район, Марий автоном область
Колымо кече	25 кылме 1976(1976-11-25) (66 ий)
Колымо вер	Изи Каракша, Марково ял шотан илем[d], Оршанке район, Марий Автоном Совет Социализм Республик, РСФСР, СССР
Пурымаш	Россий империй →  СССР
Войскан родшо	пехото
Службо жап	1931—1933, 1941—1944
Званий
Кредалмаш/сар	Кугу Ачамланде сар
Награде да премий

Фили́пп Степáнович Москви́н (8 шыжа 1910, Изи Каракша, Оршанке район — 25 кылме 1976, Изи Каракша, Марий Автоном Совет Социализм Республик) ― совет сарзе пашаеҥ. Кугу Ачамланде сарын участникше: 1-ше Украин фронтышто 3-шо гвардий армийын 273-шо стрелок-влак дивизий 971-ше лӱйкалыше полкын лӱйкалыше взвод командирже, гвардий старшина; гвардий лейтенант (1944). Совет Ушемын Талешкыже чаплӱмым налаш темлалтын. ВКП(б)-ын йыжыҥъеҥже.

Илыш корныжо

1910 ий 8 октябрьыште кызытсе Марий Элын Оршанке кундем Изи Каракша ялысе кресаньык ешеш шочын.

1931―1933 ийлаште Йошкар армийыште служитлен.

1941 ий марте шочмо ялыштыже агроном лийын.

1941 ийыште тудым уэш Йошкар армийыш налыныт. Кугу Ачамланде сарын участникше: 1-ше Украин фронтын 3-шо гвардий армийжын 273-шо лӱйкалыше дивизийжын 971-ше лӱйкалыше полкын лӱйкалыше взвод командирже, гвардий старшина. ВКП(б)-ш пурен. 1944 ий августышто, батальонын эҥерым вончымыж деч ончыч, шке взводшо дене Касвел Буг гоч вончен, тушманын вийжым шымлен налын, илем покшелне икмыняр оралтым ылыжтен, тыге тушманым лӱдыктен; серыште верланен да шке саргурал тулжо дене лӱйкалыше-влакын икымше тӱшкаштлан вончаш полшен. Кок гана сусырген, контузий лийын. 1944 ий декабрьыште гвардий лейтенант чаплӱм дене, черлан кӧра, армий гыч пӧртылын.

1944 ийыште Совет Ушемын Талешкыже чаплӱмлан темлалтын, но Йошкар Тисте орден дене палемдалтын. Тыгак Йошкар Шӱдыр орден да медаль-влак дене палемдалтын.

Сар деч вара шочмо кундемышкыже пӧртылын: Марий АССР Оршанке райисполком председательын алмаштышыже, 1947 ий гыч ― шочмо ялыштыже колхоз председатель. Пашан Йошкар Тисте орденже дене палемдалтын.

1976 ий 25 ноябрьыште шочмо кундемыштыже колен, туштак тойымо.

Сар суаптар-влак

• Паша Йошкар Тисте орден (1948);
• Йошкар Тисте орден (24.08.1944; Совет Ушемын Талешкыже чаплӱмлан темлалтын);
• Йошкар Шӱдыр орден (26.05.1944);
• «1941—1945 ийласе Кугу Ачамланде сарыште Германийым сеҥымылан» медаль (09.05.1945);
• Чапле пашалан. Владимир Ильич Ленинын шочмыжлан 100 ий темме лӱмеш» медаль.

Палемдымаш

Литератур

• Опарина Т. Т. Москвин Филипп Степанович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 290. — 606 с. — 1500 экз. — ISBN 978-5-905314-35-3.