Марий книга издательстве
| Марий книга издательстве | |
|---|---|
| Негызым пыштыме | 1925 |
| Эл | |
| Адрес | Йошкар-Ола, ул. Панфилова, 39, офис 301, этаж 3 да Йошкар-Ола, Панфилов урем, 39, 301 офис, 3 пачаш |
| СССР Госкомиздатын кодшо | 129 |
| Веб-сайт | maribook12.ru |
 |
|
 Информация в РУВИКИ.Данных ? | |
«Марий книга издательстве» савыктыш пӧрт (руш. Издательский дом «Марийское книжное издательство») — тунемме-педагогике, йоча, сылнымут, шанче-популяр литературым да сӱретан сатум лукшо республикысе кугыжаныш унитар кажна ыштыквер.
Эртымгорно
Марий кундемыште савыктыш пашам вияҥдымаште 1921 ий августышто Чарлаште типографийым да 1925 ий октябрьыште Марий книга издательствым почмаш кугу ошкыл семын шотлалтеш. Издательствыште лекше икымше книгалан Марий кундемысе руш поэт А. Жадаевын «Ола ден ял коклаште» почеламут сборникше шотлалтеш[1]. 1926 ийыште 19,5 тӱжем тираж дене 8 книга савыкталтын, тышкак марий писатель-влакын 5 книгашт пура. Калыкын эн сай уста вийже савыктыме пашашке чолган ушнен. С. Чавайнын, Н. Мухинын, В. Мухинын (Сави), М. Шкетанын, Шабдар Осыпын, Н. Игнатьевын, Олык Ипайын, Я. Элексейнын сылнымутышт калыкын кугешнымашыже лийыныт. А. Пушкинын, М. Лермонтовын, И. Тургеневын, Н. Некрасовын, М. Горькийын, В. Маяковскийын, Т. Шевченкон сборникышт марла кусаралт лектыныт.
Но 1930-шо ийлан кокымшо пелыштыже марий тӱвыра кугу орлыкым чытен — калыкын интеллигенцийже репрессийыш логалын. Шочмо йылме дене книгам лукмаш йӧршеш гаяк уке лийын.
Кугу Ачамланде сарын неле ийлаштыже издательстве шке пашажым калыкым сеҥымашке ӱжшӧ, фашист-влак ваштареш тале кучедалмашке ушнаш полшышо книга, брошюр, плакат да листовко-влакым лукмашке виктаралтын. Ту ийлаште поэт-фронтовик-влак М. Казаковын, Макс Майнын, С. Вишневскийын, Н. Ильяковын, В. Чалайын сылнымутышт савыкталтыныт.
Сар деч варасе ийлаште издательствын да тудын Курыкмарий филиалжын пашаже тематикым кумдаҥдымашке, литературым лукмо темпым нӧлтымашке виктаралтын.1925—1945 ийлаште издательство 5629 тӱж. экз. тираж дене 1790 книгам ямдылен да савыктен гын, 10 ий жапыште (1946—1955 ийла) — 9222 тӱж. экз. тираж дене 2499 книгам лукмо.
Вуйлатыше-влак
- Мухин Владимир Алексеевич (1925—1927)
- Губаев Эвай Пектыганович (1927—1928, 1934)
- Макеев Никита Николаевич (1929)
- Эшкинин Андрей Карпович (1930—1933, 1935—1937)
- Романов (Одар) Иван Ефимович (1933—1934)
- Егоров Пётр Егорович (1937—1938)
- Столяров Михаил Филиппович (1938—1943)[2]
- Асылбаев (Асаев) Ахмет Асылбаевич (1943—1946)
- Столяров Василий Степанович (1946—1954)
- Виногоров Иван Александрович (1954—1957)[3]
- Казанцев Иван Иванович (Ялмарий Йыван) (1958—1963)
- Николаев Аркадий Николаевич (1964—1968)
- Саканов Евстафий Фёдорович (1968—1971)
- Исиметов, Михаил Исиметович (1971—1980)[4]
- Краснов Пётр Васильевич (1980—1983)
- Иванов Александр Николаевич (1983—1992, 1993—1994)
- Алексеев Геннадий Валерианович (1992—1993)
- Пирогов Георгий Прохорович (1994—1995)
- Исаков Василий Александрович (1995)
- Аптуллина (Иванова) Альбертина Петровна (1995—1996 - директорын с. ш., 1996—2002 — директор)
- Семёнов Юрий Степанович (2003—2008)
- Ильина Лидия Дмитриевна (2009—2015)
- Соловьёв Юрий Ильич (2015—2022)
- Попов Игорь Геннадьевич (2022—2024 директорын с. ш.)
- Иманаев Эдуард Аркадьевич (2024 — кызытсе жап марте)
Палемдымаш
- ↑ Жадаев Алексей Степанович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 146. — 606 с. — 1500 экз. — ISBN 978-5-905314-35-3.
- ↑ Мочаев, 2017, с. 424.
- ↑ Мочаев, 2017, с. 82.
- ↑ Мочаев, 2017, с. 180.
Литератур
- Книгоиздательское дело // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 197—198. — 872 с. — 3505 экз. — ISBN 978-5-94950-049-1.