Исиметов, Михаил Исиметович

РУВИКИ — эрыкан энциклопедий гыч материал
Михаил Исиметович Исиметов
Исиметов, Михаил Исиметович.jpg
Шочмо кече 1930 ий 7 пеледыш(1930-06-07)
Шочмо вер У Шадын, Янаул район, Башкир АССР, РСФСР, СССР
Колымо кече 1994 ий 26 пеледыш(1994-06-26) (64 ий)
Колымо вер Йошкар-Ола, Марий Эл, Россий
Гражданлык  СССР →  Россий
Паша сомыл журналист, редактор, краевед
Награде да премий

Марий АССР тӱвыран сулло пашаеҥже (1990)
Марий АССР Кӱшыл Каҥаш Президиумын Чаптаныкше (1975)

Михаил Исиметович Исиметов (7 июнь 1930, У Шадын (Почиҥга), Янаул вел Пошкырт кундем, — 26 июнь 1994, Йошкар-Ола) — марий совет журналист, редактор, краевед. Марий кундемын ХХ курымысо икымше пелыжым шымлыше. Марий книга савыктышын директоржо (1971—1980). Марий АССР-ын тӱвыран сулло пашаеҥже (1990)[1]. КПСС йыжъеҥ.

Илыш корныжо

1930 ий 7 июньышто Пошкырт кундемысе Янаул вел У Шадын (Почиҥга) ялысе кресаньык ешеш шочын[2][3]. Краснокамск педагогике училищым тунем пытарымек, 1948 ийыште Н. К. Крупская лӱмеш Марий педагогике институтыш пурен, тудым 1952 ийыште тунем пытарен[2][3].

Институт деч вара Марий АССР Юлсер вел Сотнур кыдалаш школышто шочмо йылмым да сылнымутым туныктен, Волжск ронон инструкторжо, «Волжская правда» газет редакторын алмаштышыже, Юлсер КПСС райкомын пропаганде да агитаций пӧлкажым вуйлатыше лийын. Вара Провой вел «Передовик» газетын редакторжылан пашам ыштен[2][3].

1967 ийыште КПСС ЦК пелен Кӱшыл партий школым тунем лектын[2].

Вара «Марийская правда» да «Марий коммуна» республикысе газет редакций-влакым ушымо пӧлкаштым вуйлатен[2][3].

1971—1980 ийлаште — Марий книга савыктышын директоржо[2][3].

1990 ий марте, сулен налме канышыш лекмешкыже, Марий туныктыш институтын туныктыш-методике литератур кабинетшым вуйлатен[2].

1990 ийыште «Марий АССР тӱвыран сулло пашаеҥже» чап лӱмым пуымо. Марий АССР Кӱшыл Каҥаш Президиумын медальже да Чаптаныкше дене суапландаралтын[2][3].

1994 ий 26 июньышто Йошкар-Олаште колен.

Пашаже

Марий педагогике институтын аспирантурыштыжо тунеммыж годым Ӱпӧ губернийысе марий волость-влакын историйыштым йӧратен шымлен[3].

Марий савыктышыш да краеведенийын историйышкыже Марий АССР-ын савыктыме историйжым шымлыше[4], краеведений дене икмыняр книга-влакын авторжо семын палыме[3].

10 утла книгам савыктен, нунын коклаште марий актёр да поэт Йыван Кырлам да моло шанче, тӱвыра, мер-политик пашаеҥ-влакым: Н. А. Алексеевым, И. П. Петровым, Э. Н. Эльмикейым, Т. М. Ямбосым, М. Н. ден А. Г. Николаевмытым репрессийлыме нерген очерк книга посна верым налын шога. Тудын уста улмыжо «Йыван Кырля: очерк жизни и творчества» (1979, 2 издание — 2003)[5][6] да «Туткар пагыт» («Время трагедий») (1993)[2][3] книгалаште утларак раш почылтын.

Тӱҥ савыктыш-влак

  • М. И. Исиметовын тӱҥ савыктышыже-влак[3][7][8]:
  • Исиметов М. И. Страницы роста: Очерки о развитии книгоиздательского дела в Марийской АССР / М. И. Исиметов, М. Т. Сергеев. — Йошкар-Ола: Марийское книжное издательство, 1975. — 107 с.: ил.
  • Исиметов М. И. Тулан 1918 ий Очерк-влак. — Йошкар-Ола: Марийское книжное издательство, 1979. — 296 с.,[8] л.: ил.
  • Народ их помнит: документальные очерки / сост.: М. И. Исиметов, М. Т. Сергеев; ред. Г. Н. Новосёлова; худож. Р. Е. Янгильдина. — Йошкар-Ола: Марийское книжное издательство, 1982. — 183 с.: фот.
  • Исиметов М. И. Йыван Кырля: очерк жизни и творчества / М. И. Исиметов; ред. А. Я. Спиридонов. — Йошкар-Ола: Марийское книжное издательство, 1984. — 117 с.: ил.
  • Исиметов М. И. За счастливую жизнь: Очерки. — Йошкар-Ола: Марийское книжное издательство, 1988. — 146 с.: ил.
  • Исиметов М. И. Йыван Кырля: очерк жизни и творчества. — 2-е изд., доп. — Йошкар-Ола: Марийское книжное издательство, 2003. — 140 c.: ил. — ISBN 5-7590-0604-6.

Чаплӱм да суаптарже-влак

  • Марий АССР тӱвыран сулло пашаеҥже (1990)[2]
  • Марий АССР Кӱшыл Каҥаш Президиумын Чаптаныкше (1975)[2]

Палемдымаш

  1. ↑ 100 лет Марий Эл. Талантливый журналист и знаток истории родного края | Национальная библиотека имени С.Г. Чавайна Республики Марий Эл (руш.). nbmariel.ru. Тергыме кече: 17 сӱрем 2024.
  2. ↑ 1 2 3 4 5 6 7 8 9 10 11 Мочаев, 2017, с. 180.
  3. ↑ 1 2 3 4 5 6 7 8 9 10 Исиметов Михаил Исиметович (неопр.). Марийская история в лицах. Тергыме кече: 16 сӱрем 2024.
  4. ↑ Михаил Исеметович Исиметов, Михаил Тихонович Сергеев. Страницы роста: Очерки о развитии книгоиздательского дела в Марийской АССР. — Йошкар-Ола: Марийское кн. изд-во, 1975. — 107 с.
  5. ↑ М. Исиметов. Йыван Кырля » Марийское Книжное Издательство, Йошкар-Ола, Марий Эл. maribook.ru. Тергыме кече: 16 сӱрем 2024.
  6. ↑ Йыван Кырля: Очерк жизни и творчества — Библиотека НИПЦ «Мемориал». lib.memo.ru. Тергыме кече: 16 сӱрем 2024.
  7. ↑ Михаил Исиметович Исиметов. За счастливую жизнь: Очерки М. И. Исиметов. — Йошкар-Ола: Марийское кн. изд-во, 1988. — 146 с.
  8. ↑ Тулан 1918 ий Очерк-влак - Исиметов Михаил Исиметович. — 1979.

Литератур

  • Айплатов Г. Н. Исиметов Михаил Исиметович / Г. Н. Айплатов, А. Г. Иванов // Марийский археографический вестник. — 2000. — № 10. — С. 267—269.
  • Калинкин Г. Вспоминая былые годы… / Г. Калинкин // Волжская правда. — 2005. — 17 ноября.
  • Айплатов Г. Н., Зайниев Г. З., Иванов А. Г. Исиметов Михаил Исиметович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 154. — 2032 экз. — ISBN 5-87898-357-0.
  • Айплатов Г. Н., Зайниев Г. З., Иванов А. Г. Исиметов Михаил Исиметович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 180. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Исиметов,_Михаил_Исиметович&oldid=1191139" гыч налме