Кошкина, Галина Ивановна

РУВИКИ-ште тыгай тукымлӱм дене вес еҥ нерген статьям лудаш лиеш: Кошкин.

Галина Ивановна Кошкина
Шочмо кече	14 сӱрем 1933(1933-07-14)
Шочмо вер	Изаҥа, Кугу Лумарий ял шотан илем[d], У Торъял кундем, Марий автоном область, Горький край, РСФСР, СССР
Колымо кече	20 ӱярня 2011(2011-03-20) (77 ий)
Колымо вер	Савин, Йошкар-Ола оласе йырвел, Марий Эл Республик, Россий
Гражданлык	СССР →  Россий
Паша сомыл	книгагудызо
Награде да премий	Марий АССР-ысе тӱвыран сулло пашаеҥже (1965)

Гали́на Ива́новна Ко́шкина (14 сӱрем 1933, Изаҥа, Горький край — 20 ӱярня 2011, Савин, Марий Эл Республик) — марий совет книгагудо пашаеҥ. Марий АССР-ысе У Торъял кундем Йошкарпамаш, Кугу Лумарий, Кугу Танаксола ялысе книгагудо-влакын вуйлатышыже (1960—1985). РСФСР тӱвыран сулло пашаеҥже (1986), Марий АССР-ысе тӱвыран сулло пашаеҥже (1965). КПСС йыжыҥъеҥ.

Илыш корныжо

1933 ий 14 июльышто Марий Элын кызытсе У Торъял вел Изаҥа ялеш шочын. 1954 ийыште Марий тӱвыра-сотемдарыше училищым (кызыт — И. С. Палантай лӱмеш тӱвыра да сымыктыш колледж) тунем пытарен.

Книгагудызылан пашам ышташ тӱҥалын: 1960 ий гыч — Марий АССР-ысе У Торъял вел Йошкарпамаш, 1969 ий гыч — Кугу Лумарий, 1978—1985 ийлаште — Кугу Танаксола ялысе книгагудо-влакын вуйлатышыже. Книгам чапландарыше чолга еҥ, лудшо-влакым лудаш кумылаҥдыше у йӧн-влакым кычалше семын палыме лийын.

1965 ийыште тудлан «Марий АССР-ысе тӱвыран сулло пашаеҥже», 1986 ийыште «РСФСР-ысе тӱвыран сулло пашаеҥже» чаплӱмым пуымо. 1976 ийыште тудын пашажым «Чап Тамга» орден дене палемдыме.

2011 ий 20 мартыште Савин ялыште (кызыт — Йошкар-Олан кышкарыштыже) илыш дене чеверласен.

Чаплӱм да суаптар-влак

• РСФСР-ысе тӱвыран сулло пашаеҥже (1986);
• Марий АССР-ысе тӱвыран сулло пашаеҥже (1965);
• «Чап Тамга» орден (1976);
• «1941—1945 ийласе Кугу Ачамланде сарыште суапле пашалан» медаль;
• «Владимир Ильич Ленинлан 100 ий темме лӱмеш пашаште ойыртемалтмылан» лӱмгече медаль.

Палемдымаш

Литератур

• Кошкина Галина Ивановна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 188. — 2032 экз. — ISBN 5-87898-357-0.
• Кошкина Галина Ивановна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 452. — 872 с. — 3505 экз. — ISBN 978-5-94950-049-1.
• Сапаева Р. Г., Виногоров Н. И. Кошкина Галина Ивановна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 222. — 606 с. — 1500 экз. — ISBN 978-5-905314-35-3.