Кожевников, Сергей Константинович

Сергей Константинович Кожевников
Сергей Константинович Кожевников
Шочмо кече	1904
Шочмо вер	Кукшгорем ял, Оршанке волость, Яраҥ уезд, Виче губерний, Россий империй
Колымо кече	16 вӱдшор 1956
Колымо вер	Моско, СССР;
Пурымаш	СССР
Войскан родшо	политпашаеҥ
Службо жап	1923—1950
Званий
Кредалмаш/сар	Кугу Ачамланде сар;

Сергей Константинович Кожевников (1904, Кукшо Корем, Оршанке район — 16 вӱдшор 1956, Моско, СССР) — совет сарпашаеҥ, политрашаеҥ, 1940—1941 ийлаште РККА-се Тӱҥ штаб начальникын политик шотышто алмаштышыже. Генерал-майор (06.12.1942)^[2].

Ӱмыргорныжо

Марий АССР-ысе Оршанке вел Кукшгорем ялыште шочын^[2].

1923 ий гыч М. В. Фрунзе лӱмеш Иваново-Вознесенскысе пехото школын (руш.) (мар. курсантше. Политрук, полкын сар комиссарже, сар училищын политпӧлка начальникше. Бригаде комиссар (13.02.1938)^[2].

1938—1939 ийлаште Сарзе-озанлык академийын (руш.) (мар. военкомиссарже. ВКП(б)-н XVIII погынжын делегатше^[2].

1939 ий гыч РККА-ште политпашаште. Паша олмыжо-влак^[2]:

1939—1940: Киевыште посна сар округысо Сар каҥашын йыжъеҥже, корпус комиссар (19.06.1940);
1940 ий июль — 1941 ий август: РККА-н Тӱҥ штабысе начальникын политик шотышто алмаштышыже;
1941 ий август — октябрь: Юл кундем сар округысо Сар каҥашын йыжъеҥже;
1941 ий 28 ноябрь — 1943 ий 17 ноябрь: 10-шо армийысе Сар каҥашын йыжъеҥже;
1943 ий 17 ноябрь — 1944 ий 1 июнь: 21-ше армийысе Сар каҥашын йыжъеҥже;
1944—1950: Кыл войскасе Тӱҥ управлений начальникын политик йодыш шотышто алмаштышыже.

1950 ий мартыште, черлан кӧра, канаш колтымо. 1956 ий 16 апрельыште колен. Введенскысе шӱгарлаштыже тойымо (11-ше участок)^[2].

Суаптар-влак

Кок Ленин орден (1941, 1950);
Кум Йошкар Тисте орден (1942, 1943, 1945);
Медаль-влак^[2].

Палемдымаш

↑ Кызыт Кукшгорем ял уке (1980 ий 25 декабрьысе МАССР Кӱшыл Каҥашын постановленийже почеш). Тиде ял Российыште Марий Эл Оршанке районыш пурен
↑ ¹ ² ³ ⁴ ⁵ ⁶ ⁷ Марийская биографическая энциклопедия-2, 2017, с. 206.

Литератур

Кожевников Сергей Константинович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 174. — 2032 экз. — ISBN 5-87898-357-0.
Кожевников Сергей Константинович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 432. — 872 с. — 3505 экз. — ISBN 978-5-94950-049-1.

Кылвер-влак

Альманах «Россия. XX век»
Kozhevnikov, Sergei Konstantinovich (англ.)

[1] Кызыт Кукшгорем ял уке (1980 ий 25 декабрьысе МАССР Кӱшыл Каҥашын постановленийже почеш). Тиде ял Российыште Марий Эл Оршанке районыш пурен

[_5232b4ecd444cde6-2] ¹ ² ³ ⁴ ⁵ ⁶ ⁷ Марийская биографическая энциклопедия-2, 2017, с. 206.

[1]

[2]