Казанцев, Степан Фёдорович

Степан Фёдорович Казанцев
Степан Фёдорович Казанцев
Шочмо кече	1916 ий 15 теле
Шочмо вер	Мустай, Уржум уезд, Виче губерний, Россий империй
Колымо кече	2004 ий 22 пургыж (87 ий)
Колымо вер	Мустай, Шернур район, Марий Эл, Россий
Пурымаш	Россий империй → СССР → Россий
Войскан родшо	танк войска
Службо жап	1937–1946
Званий
Кредалмаш/сар	Кугу Ачамланде сар: Сталинград кредалмаш, Курск кредалмаш, Прага операций, Берлин операций

Степан Фёдорович Казанцев (15 декабрь 1916, Мустай ял, Уржум уезд, Виче губерний — 22 февраль 2004, Мустай ял, Шернур район, Марий Эл) — совет сарзе пашаеҥ. Кугу Ачамланде сарын салтакше: Воронеж фронтышто 52-шо гвардий танк бригадын КВ, Т-34 танклаштыже лӱйкалыше-радист, гвардийын старшинаже (1942–1945). Ачамланде сар да Йошкар Шӱдыр орден-влакын кум гана кавалерже. Октябрь Революций орденын кавалерже (1971).

Илышкорныжо

1916 ий 15 декабрьыште Виче губерний Уржум уездысе Мустай ялыште (кызыт — Марий Элын Шернур велже)^[1] кресаньык ешеш шочын^[2].

1937 ий ноябрьыште РККА-ш ӱжмӧ, 1940 ий марте служиен. 1941 ий июньышто уэш фронтыш каен. Кугу Ачамланде сарын салтакше: Уралыште радиоинструктор, 1942 ий гыч — Воронеж фронтышто 52-шо гвардий танк бригадын КВ, Т-34 танклаште лӱйкалыше-радист, гвардийын старшинаже. Сталинград да Курск верч кредалын, Европым утарымаште лийын. Суаптар кагазлаште командир-влак тудын марган, тура (метко) лӱйкалымыжым, рацийын кӱрылтде пашам ыштымыжым, танкын йӱлымыж годым шкем чаманыде тыршымыжым палемденыт. Ик гана сусырген. 1946 ийыште армий гыч демобилизоватлыме. Ачамланде сар да Йошкар Шӱдыр орден да медаль-влак дене кум гана суапландаралтын, ты радамыштак «Лӱддымылыклан» медаль^[2]^[3]^[4].

Демобилизаций деч вара шочмо верыш пӧртылын, тушто апшатзылан, председательын алмаштышыжлан, колхоз председательлан тыршен. Октябрь Революций орден дене суапландарыме^[2].

2004 ий 22 февральыште Марий Элын Шернур вел Мустай ялыште колен, туштак тойымо^[2].

Суаптарже

Октябрь Революций орден (1971)^[2];
I степенян Ачамланде сар орден (16.05.1945)^[3];
II степенян Ачамланде сар орден (06.03.1945, 06.04.1985)^[3]^[5];
Йошкар Шӱдыр орден (09.08.1943, 10.04.1944, 17.08.1944)^[3];
«Лӱддымылыклан» медаль (31.01.1943)^[3];
«1941—1945 ийласе Кугу Ачамланде сарыште Германийым сеҥымылан» медаль (09.05.1945)^[3];
«Прагым утарымылан» медаль (09.06.1945)^[3];
«Берлиным налмылан» медаль (09.06.1945)^[3];
«Сарзе патырлыклан. Владимир Ильич Ленинын шочмыжлан 100 ий темме лӱмеш» медаль.

Палемдымаш

↑ Мустаево (Мустай, Чорпан, Шурашэнер) | Родная Вятка (неопр.). rodnaya-vyatka.ru. Тергыме кече: 29 шорыкйол 2023.
↑ ¹ ² ³ ⁴ ⁵ Мочаев, 2007, с. 159.
↑ ¹ ² ³ ⁴ ⁵ ⁶ ⁷ ⁸ Казанцев Степан Федорович: Память народа (неопр.). pamyat-naroda.ru. Тергыме кече: 29 шорыкйол 2023.
↑ Казанцев Степан Федорович — Память народа (неопр.). poisk.re. Тергыме кече: 29 шорыкйол 2023.
↑ Казанцев Степан Федорович: Память народа (неопр.). pamyat-naroda.ru. Тергыме кече: 29 шорыкйол 2023.

Литератур

Казанцев Степан Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 159. — 2032 экз. — ISBN 5-87898-357-0.
Мочаев В. А. Казанцев Степан Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 190. — 606 с. — 1500 экз. — ISBN 978-5-905314-35-3.

[1] Мустаево (Мустай, Чорпан, Шурашэнер) | Родная Вятка (неопр.). rodnaya-vyatka.ru. Тергыме кече: 29 шорыкйол 2023.

[_5945312b5663a1ce-2] ¹ ² ³ ⁴ ⁵ Мочаев, 2007, с. 159.

[:0-3] ¹ ² ³ ⁴ ⁵ ⁶ ⁷ ⁸ Казанцев Степан Федорович: Память народа (неопр.). pamyat-naroda.ru. Тергыме кече: 29 шорыкйол 2023.

[4] Казанцев Степан Федорович — Память народа (неопр.). poisk.re. Тергыме кече: 29 шорыкйол 2023.

[5] Казанцев Степан Федорович: Память народа (неопр.). pamyat-naroda.ru. Тергыме кече: 29 шорыкйол 2023.

[1]

[2]

[3]

[4]

[5]