Зверев, Сергей Алексеевич

Сергей Алексеевич Зверев
Сергей Алексеевич Зверев
СССР-ын обороно промышленностьын министрже
	1965 2 март — 1978 17 декабрь
Ончычсо пашаеҥ	должностьым угыч ыштыме; тудак СССР-ын обороно технике шотышто Кугыжаныш комитетын председательже семын; Дмитрий Фёдорович Устинов (1953—1957)
Алмаштыше	Павел Васильевич Финогенов
СССР-ын обороно технике шотышто Кугыжаныш комитетын председательже
	1963 13 март — 1965 2 март
Ончычсо пашаеҥ	должностьым почмо; Леонид Васильевич Смирнов СССР СМ-ын обороно технике шотышто Кугыжаныш комитетын председательже семын
Алмаштыше	тудак СССР обороно йӧнозанлыкын министрже семын
Шочын	5 (18) шыжа 1912; Софронко[d], Демян уезд[d], Новгород губерний[d], Россий империй;
Колен	17 теле 1978 (66 ий); Моско, СССР;
Тойымо вер	Новодевичий шӱгарла[d];
Партий	ВКП(б) (1932 гыч)
Шинчымаш	Ленинградысе чынле механике да оптике институт

Сергей Алексеевич Зверев (5 октябрь 1912, Софронко, Новгород губерний^[1] — 17 декабрь 1978, Моско) — совет кугыжаныш деятель, СССР обороно йӧнозанлыкын министрже (1965—1978). Социалист Пашан Талешкыже, Ленин премийын лауреатше.

Илыш корныжо

Паша илышыже 1930 ийыште пашазе семын тӱҥалын. 1936 ийыште Ленинградысе чынле механике да оптике институтым тунем пытарен.

1936 ий гыч конструктор да озанлык вуйлатыме пашаште лийын. 1939 ийыште ГОМЗ-ын тӱҥ технологшылан шогалтыме. 1944 ий гыч 1947 ий марте Красногорскысо механике заводышто пашам ыштен — тӱҥ инженер, завод директорын алмаштышыже.

1947 ий гыч 1958 ий марте СССР-ын обороно промышленностьын, саргурал шотышто министерствылаште (тӱҥ инженер, Тӱҥ управленийын начальникше, министрын алмаштышыже) тыршен.

1958 ий гыч 1963 ий марте — СССР Министр-влак Советын Кугыжаныш комитетысе председательын алмаштышыже, председательын 1-ше алмаштышыже. 1963–1965 ийлаште — СССР-ын обороно технике шотышто Кугыжаныш комитетын председательже — СССР министр. 1965-ше март гыч — СССР-ын обороно йӧнозанлык министрже.

1942 ий гыч ВКП (б) йыжъеҥже. 1966–1978-ше ийлаште — КПСС ЦК йыжъеҥже. СССР Кӱшыл Каҥашын 7-ше да 8-ше созывысе депутатше. СССР Кугыжаныш премийын 1971 ийысе лауреатше. Москошто, Новодевичий шӱгарлаште тойымо.

Шарнымаш

С. А. Зверевын лӱмжым 1979 ийыште «Красногорский завод» йӧндартыш ушемлан да Ленинградысе сарзе-механике техникумлан (кызыт — Санкт-Петербургысо физике-механике инженер колледж) пуымо. 2007 ийыште Красногорскысо у микрорайонышто — Павшинысе лапкаште — ик урем «Зверев лӱмеш урем» лӱмым налын^[2]^[3].

1993 ийыште Д. С. Рождественский лӱмеш оптике ушем, С. А. Зверевым кугу кугыжаныш пашаеҥ семын аклен, медальым тӧнежлен — Россий да Совет Ушемын оптике шанче ден йӧнозанлыкшым негызлен вияҥдымашке кугу надырым пыштыше, СССР обороно йӧнозанлыкын министр.

Суаптар ден чаплӱмжӧ-влак

Зверевын шӱгарже Москон Новодевичье шӱгарлаште.

Социалист Пашан Талешкыже (1972).

Куд Ленин орден, Пашан Йошкар Тисте кок орденже, 1-ше степенян Кугу Ачамланде сар орден, «Чап тамга» орден-влак дене суапландаралтын.

Ленин премийын лауреатше (1976). СССР Кугыжаныш премийын лауреатше (1971).

Палемдымаш

↑ Ныне — Демянский район, Новгородская область, Россия.
↑ Решение № 1399/11 от 22.11.2007 г. Об утверждении схемы наименований улиц Павшинской поймы г. Красногорска Архивировано 27 кылме 2015 года.
↑ Выдающиеся граждане Красногорского района Архивысе копий 29 шыжа 2013 гыч

Литератур

Колесников А. Ю. Зверев Сергей Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 157. — 606 с. — 1500 экз. — ISBN 978-5-905314-35-3.

Кылвер-влак

[1] Ныне — Демянский район, Новгородская область, Россия.

[2] Решение № 1399/11 от 22.11.2007 г. Об утверждении схемы наименований улиц Павшинской поймы г. Красногорска Архивировано 27 кылме 2015 года.

[3] Выдающиеся граждане Красногорского района Архивысе копий 29 шыжа 2013 гыч

[1]

[2]

[3]