Дубровин, Сергей Филиппович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Дубровин.
Сергей Филиппович Дубровин
Дубровин, Сергей Филиппович.jpg
Шочмо кече 1907 ий 1 идым(1907-09-01)
Шочмо вер Корсунь-Шевченковский, Черкасск уезд, Киев губерний, Россий империй
Колымо кече 1999 ий 30 сорла(1999-08-30) (91 ий)
Колымо вер Йошкар-Ола, Марий Эл, Россий
Пурымаш  Россий империй →  СССР →  Россий
Войскан родшо танк войска
Службо жап 1932—1955
Званий
Полковник
Командоватлен Касвел, 2-шо Украин, 3-шо Украин да Мӱндыр Эрвел фронтлаште 7-ше механизироватлыме корпусысо танк батальон
Кредалмаш/сар Кугу Ачамланде сар: Будапешт операций, Прага операций; совет-япон сар
Награде да премий

Сергей Филиппович Дубровин (1907 ий 1 сентябрь, Корсунь-Шевченко ола, Черкасск уезд, Киев губерний, Россий империй ― 1999 ий 30 август, Йошкар-Ола, Марий Эл, Россий) ― совет сарзе да озанлык пашаеҥ. Кугу Ачамланде сар годым Касвел, 2-шо Украин, 3-шо Украин да Мӱндыр Эрвел фронтлаште 7-ше механизироватлыме корпусысо танк батальонын командирже. Совет-япон сарын салтакше. Полковник (1955). Марий автомобиль трестым виктарыше (1957―1962). ВКП(б) йыжъеҥ 1932 ий гыч.

Илыш корныжо

1907 ий 1 сентябрьыште кызытсе Украина Черкас кундем Корсунь-Шевченко олаште кӱртньыгорным вуйлатышын ешыштыже шочын[1].

1920 ийыште слесарьын тунемшыже лийын, 1929 ий гыч Ленинградыште слесарьлан пашам ыштен, 1932 ийыште кастен тунемме корно кыл техникумым тунем пытарен. 1932 ийыште ВКП(б)-ш пурен[1].

1932 ий майыште Ленинград область Володар посёлко гыч РККА-ш налыныт, 1933 ийыште Орловскысе бронетанк училищым тунем пытарен. Кугу Ачамланде сарын салтакше: Касвел, 2-шо Украинский, 3-шо Украинский да Тора Эрвел фронтлаште 7-ше механизироватлыме корпусысо танк батальонын командирже. Прагым утарымаште, Будапештым налмаште, тыгак Японий дене кредалмаште лийын. Йошкар Тисте, I да II степенян Ачамланде сар, Йошкар Шӱдыр орден да медаль-влак дене суапландарыме, ты шотыштак «Сарзылык суаплан» медаль дене[1][2][3][4].

Сар пытымеке, сарзе службым умбакыже шуен, 1952 ийыште М. В. Фрунзе лӱмеш Сар академийым тунем пытарен. 1955 ийыште полковник лӱмпале дене армий гыч каен. Йошкар Тисте да Йошкар Шӱдыр орден-влак дене суапландарыме[1].

Сар службым пытарыме деч вара Марий АССР-ыш толын, 1957―1962 ийлаште Марий автомобиль трестым вуйлатен. Тудын вуйлатымыж дене трест планым шукташ тӱҥалын, корныеҥ транспортын пашаже саемын, автопарк 2,5 пачаш кугемын, илыме да ыштыкверым чоҥымаш кугемын[1].

1999 ий 30 августышто Йошкар-Олаште колен[1].

Суаптар-влак

  • Йошкар Тисте орден (29.05.1945, 21.08.1953)[2][4]
  • I степенян Ачамланде сар орден (21.11.1944)[2][4]
  • II степенян Ачамланде сар орден (04.02.1944, 06.04.1985)[2][4]
  • Йошкар Шӱдыр орден (31.05.1944, 06.11.1947)[2][4]
  • «Сарзылык суаплан» медаль (03.11.1944)[2][4]
  • «Будапештым налмылан» медаль[2][4]
  • «Прагым утарымылан» медаль[2][4]
  • «1941—1945 ийласе Кугу Ачамланде сарыште Германийым сеҥымылан» медаль[2][4]
  • «Японийым сеҥымылан» медаль[2][4]
  • «Сарысе чаплан. Владимир Ильич Ленинын шочмыжлан 100 ий темме лӱмгече лӱмеш» медаль.

Палемдымаш

  1. ↑ 1 2 3 4 5 6 Мочаев, 2017, с. 130.
  2. ↑ 1 2 3 4 5 6 7 8 9 10 Дубровин Сергей Филиппович :: Память народа. pamyat-naroda.ru. Тергыме кече: 9 шыжа 2022.
  3. ↑ Герой Дубровин Сергей Филиппович (неопр.). Дорога памяти. Тергыме кече: 9 шыжа 2022.
  4. ↑ 1 2 3 4 5 6 7 8 9 10 #дорогапамяти Участник ВОВ ✩ Дубровин Сергей Филиппович (руш.). Музейный комплекс "Дорога Памяти". Тергыме кече: 9 шыжа 2022.

Литератур

  • Дубровин Сергей Филиппович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 113. — 2032 экз. — ISBN 5-87898-357-0.
  • Колесников А. Ю. Дубровин Сергей Филиппович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 130. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Дубровин,_Сергей_Филиппович&oldid=1198384" гыч налме