Гоффе, Владимир Иванович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Гоффе.
Владимир Иванович Гоффе
Гоффе, Владимир Иванович.jpg
Шочмо кече 1907 ий 6 пургыж(1907-02-06)
Шочмо вер Вятка, Россий империй
Колымо кече 1961 ий 17 ага(1961-05-17) (54 ий)
Колымо вер Одесса, Украин ССР, СССР
Пурымаш  СССР
Войскан родшо артиллерий, сухопут войска
Службо жап 1924—1961
Званий
Генерал-лейтенант
Командоватлен Мӱндыр Эрвелысе фронтын артиллерийжын штабше
СССР-ысе 15-ше армийын артиллерийже
Карпат пеленсе сар округын артиллерийже
Кредалмаш/сар Испанийысе граждан сар
Совет-япон сар
Венгрийыште саргуралан пудыранчык (1956)
Награде да премий

Владимир Иванович Гоффе (1907 ий 6 февраль, Виче, Россий империй ― 1961 ий 17 май, Одесса, Украин ССР, СССР) ― совет сар начальник. Испанийысе граждан сарын салтакше (1937―1938), совет-япон сарыште (1945) да Венгрийыште саргуралан пудыранчыкым чарен шогалтымаште лийын (1956). Карпат пеленсе сар округын артиллерий дене командующийже (1958―1960), артиллерийын генерал-лейтенантше (1958). 1939 ий гыч ВКП(б)-ын членже.

Илыш корныжо

1907 ий 6 февральыште Вичыште (кызыт ― Киров) Витебск кундемысе Бежицы ола гыч лекше чодырам эскерышын (инспекторын) ешыштыже шочын[1][2][3][4][5].

Вара еш Чыкма олаш куснен ― кызыт Марий Элысе Курыкмарий велын рӱдыверже. 1924 ийыште Марий автоном областьын Чыкмасе 1 №-ан кыдалаш школым тунем пытарен[5].

1924 ийыште РККА-шке ӱжмӧ, Ленинград артиллерий школым тунем лектын. Кугыжан Селаште (Пушкин ола) служитлаш тӱҥалын, вара Киевысе, Ленинградысе да Юл кундемласе сар округлаште служиен, тушто взвод, рото, батальон дене командоватлен, капитан[3][4].

1937―1938 ийлаште Испанийыште граждан сарыште кредалын: Республикысе армийын артиллерийже нерген ойпуышо, кугурак ойпуышо, артиллерийлан туныктымо рӱдерым вуйлатен, 1938 ий гыч ― полковник[3][4].

1939 ийыште ВКП(б)-ш пурен[6].

1939 ий гыч Мӱндыр Эрвелысе Посна Йошкар Тистан армийын артиллерий виктарыше пӧлкан писын вашештыше начальникше, 1941 ий 31 июль гыч 1943 ий 28 июль марте Тора Эрвел фронтын артиллерий штабын начальникше лийын. 1943 ийыште артиллерийын генерал-майоржо лӱмпалым пуымо. 1945 ийыште Японий дене сарыште кредалын. 2-шо Мӱндыр Эрвел фронтышто кредалын, 15-ше армийын артиллерийже дене командующийын алмаштышыже да командующийже лийын[3][4][7][8].

Сар деч вара СССР Саргуралан Вийыште служиен: Карпатысе сар округын артиллерий дене командующийже лийын, СССР-ым аралыше министерствыште тыршен. 1947 ийыште К. Е. Ворошилов лӱмеш Тӱҥ штабын Сарзе академийжым шӧртньӧ медаль дене тунем лектын. 1949 ий гыч 1952 ий марте посна артиллерий корпусышто командоватлен, вара Карпатысе сар округын артиллерий дене командоватлышын алмаштышыже лийын. 1956 ийыште Венгрийыште саргуралан пудыранчыкым лыпландарымаште лийын[3][4].

1958 ийыште артиллерийын генерал-лейтенантше лӱмпалым пуымо[9]. Карпатысе сар округын артиллерий дене командоватлыше лийын, 1960 ий гыч — СССР мландысе (сухопут) войскан сар да тактике велым ямдылыме шотышто артиллерий дене командоватлышын икымше алмаштышыже[3][4].

«Военная мысль» журналыште икмыняр публикацийын авторжылан шотлалтеш[3][4].

Сар годым да сар деч вара Ленин орден (кок гана), Йошкар Тисте орден (кум гана), II степенян Кутузов орден (кок гана), Йошкар Шӱдыр орден, «Почёт тамга» орден да медаль-влак дене суапландаралтын[3][4][7][8].

1961 ий 17 майыште Одесса воктене войскам туныктымо жапыште авиаций катастрофышто трагически колен, Москошто Новодевичий шӱгарлаште тойымо. 1985 ийыште тыштак тудын ватыжым И. Н. Гоффе (Зедлер), Испанийыште совет кусарышым тойымо[3][4][6][10][11].

Суаптар

Палемдымаш

  1. ↑ Мочаев, 2007, с. 96.
  2. ↑ Энциклопедия Республики Марий Эл, 2009, с. 317.
  3. ↑ 1 2 3 4 5 6 7 8 9 10 11 12 13 14 15 ГОФФЕ Владимир Иванович (неопр.). Марийская история в лицах. Тергыме кече: 9 вӱдшор 2023.
  4. ↑ 1 2 3 4 5 6 7 8 9 10 11 12 13 14 15 16 17 Гоффе Владимир Иванович | Уроки Победы. xn--90agckjxchf3a1h.xn--p1ai. Тергыме кече: 9 вӱдшор 2023.
  5. ↑ 1 2 Гоффе Владимир Иванович. www.kmkmuzey.ru. Тергыме кече: 9 вӱдшор 2023.
  6. ↑ 1 2 Гоффе Владимир Иванович (1907-1961). novodevichiynecropol.narod.ru. Тергыме кече: 9 вӱдшор 2023.
  7. ↑ 1 2 3 4 5 6 7 8 Гоффе Владимир Иванович :: Память народа. pamyat-naroda.ru. Тергыме кече: 9 вӱдшор 2023.
  8. ↑ 1 2 3 4 Гоффе Владимир Иванович :: Память народа. pamyat-naroda.ru. Тергыме кече: 9 вӱдшор 2023.
  9. ↑ 1 2 Гоффе Владимир Иванович | Элита Вооруженных сил! (неопр.). Тергыме кече: 9 вӱдшор 2023.
  10. ↑ ГОФФЕ Владимир Иванович(1907-1961) (неопр.). Сайт №2 (6 ага 2017). Тергыме кече: 9 вӱдшор 2023.
  11. ↑ Гостевая книга сайта "Могилы знаменитостей" / Сообщение #285692. g66.ru. Тергыме кече: 9 вӱдшор 2023.

Литератур

  • Гоффе Владимир Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 96. — 2032 экз. — ISBN 5-87898-357-0.
  • Гоффе Владимир Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 317. — 872 с. — 3505 экз. — ISBN 978-5-94950-049-1.
  • Муравьёв Арн. В. Гоффе Владимир Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 109. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Гоффе,_Владимир_Иванович&oldid=1195449" гыч налме