Вейцман, Лев Натанович

РУВИКИ — эрыкан энциклопедий гыч материал
Лев Натанович Вейцман
Вейцман, Лев Натанович.jpg
Шочмо кече 1920 ий 9 шорыкйол(1920-01-09)
Шочмо вер Одесса, Херсон губерний, РСФСР
Колымо кече 2008 ий 26 сӱрем(2008-07-26) (88 ий)
Колымо вер Йошкар-Ола, Россий
Эл Flag of the Russian Soviet Federative Socialist Republic (1918–1925).svg РСФСР (1917—1922)
 СССР
 Россий
Шанче алан сурткайык ашнымаш
Паша вер СССР Науко академийын Генетике институтшо, Сибирьысе Ялозанлык НИИ, Марий кугыжаныш университет
Шанче степень биологий шанче доктор
Шанче званий профессор
Награде ден премий-влак
Марий ССР шанчын сулло пашаеҥже (1991)

Лев Натáнович Вéйцман (9 шорыкйол 1920, Одесса, Херсон губерний[d], РСФСР[d] — 26 сӱрем 2008, Йошкар-Ола, Марий Эл Республик, Россий) — совет да Российысе шанчыеҥ-сурткайыкым лукшо, селекционер, биологий науко доктор, профессор. СССР-ыште да Российыште цесаркым лукмо пашам негызлыше. Марий кугыжаныш университетын зоологий кафедржым вуйлатыше (1975—1996). Марий ССР наукын сулло пашаеҥже (1991). Сурткайыкым ончен лукшо-влакын тӱнямбал шанче ассоциацийыштын йыжъеҥже (1966). Кугу Ачамланде сарын участникше.

Илыш корно

1920 ий 9 январьыште Одесса олаште экономист-профессорын ешешыже шочын[1].

1939—1941 ийлаште М. В. Ломоносов лӱмеш МГУ-н биологий факультетыштыже тунемын[1].

Кугу Ачамланде сарын участникше: 1941 ий июньышто Моско ола Йошкар Пресньысе 8-ше калык ополчений дивизий дене пырля шке кумылын фронтыш каен. Икымше кредалмашыште юж атаке годым сусырген, Вязьма олаште эмлалтын, 1942 ийыште комиссоватлыме. II степенян Ачамланде сар орден да медаль-влак дене суапландаралтын[1][2].

Демобилизаций деч вара 1942—1944 ийлаште Кокла Азийыште  (руш.) (мар. (Таджик ССР, Кечывалвел Казахстан) школышто туныктен, вара ялозанлык опытный станций директорын алмаштышыже лийын[3].

1946 ийыште Москосо К. А. Тимирязев лӱмеш ялозанлык академийын зоотехник факультетшым тунем пытарен[1].

Академийым пытарымеке, икмыняр жап ВНИТИП-ыште лаборантлан, а варарак «Мартыново» сурткайык совхозышто пашам ыштен.

1948—1960 ийлаште — СССР Науко академийын  (руш.) (мар. Генетике институтшын изирак шанче пашаеҥже[1].

1960—1975 ийлаште — Омскысо Ялозанлык НИИ-н да Новосибирскысе Вольык куштымаш НИИ да Проект-технологий институтын кугурак шанче пашаеҥже[1].

1975—1996 ийлаште — Марий кугыжаныш университетын зоологий кафедржым вуйлатыше[1]. МарГУ-н почётан профессоржо[3][4].

1996—2008 ийлаште — «Акашевский» ЗАО-н лабораторийжым вуйлатыше[1][3].

Илышыжын пытартыш ийлаште Марий Ялозанлык НИИ-н цесарке селекций шотышто лабораторийым вуйлатен, кугурак шанче пашаеҥже  (руш.) (мар. лийын.

2008 ий 26 июльышто Йошкар-Олаште колен[1].

Шанче паша

Шанче тӱняште цесаркын биологийжым да селекцийжым шымлыме шотышто шанче школым ыштыше, СССР-ыште да Российыште цесаркым ончен куштымо пашам негызлыше семын палыме. Юлысо ошо лӱман у урлык (1988) цесаркын селекционерже[1][3][4].

180 утла шанче пашан авторжо: 3 монографий, шанче савыктышлаште статья-влак да БСЭ-ште цесарке нерген статья (1970)[1]. Тудын 10 утла пашаже йот элласе сурткайыкым ончымо нерген журналлаште савыктыме[3][4][5].

1950 ийыште «Социалистическое животноводство» журнал (11 №) тудын «Цесаркын ава-узо улмыжым палымаш» икымше шанче статьяжым савыктен. 1957 ийыште СССР Науко академийын А. Н. Северцев лӱмеш Вольык морфологий институтыштыжо «Цесаркын морфо-биологий да озанлык ойыртемже» теме дене кандидатлык диссертацийым арален[6].

1969 ийыште СССР АН-ын Сибирьысе отделенийысе Цитологий да генетике институтыштыжо «СССР-ыште цесарке-влак. Цесаркым ончымын биологий негызше» теме дене докторлык диссертацийым арален. Биологий науко доктор (1969)[1][7].

Сибирьыште пашам ыштымыж годым тудын ушнымыж дене икымше гана ош цесаркым — рецессиван мутантым — налме, тудын негызеш вара СССР-ыште цесаркын урлыкаш икымше тӱшкажым — Сибирьысе ошым — лукмо[3][4].

Йошкар-Олаште МарГУ пелен ВНИТИП-ын цесарке селекций шотышто эҥертыше пунктшым почын, тудо варажым «Россельхозакадемийын» МарНИИСХ-жын цесарке селекций шотышто лабораторийже лийын. 10 наре аспирант ден соискательын диссертацийлык пашаштым вуйлатыше лийын[3].

1966 ийыште Сурткайыкым ончен лукмо шотышто тӱнямбал шанче ассоциацийын йыжъеҥже лийын[1]. Марий Элыште «Знаний» ушемын почётан председательже лийын[8].

1991 ийыште тудлан «Марий ССР наукын сулло пашаеҥже» чап лӱмым пуымо. Медаль-влак дене, нунын коклаште II степенян «Ачамланде ончылно суаплан» орденын медальже да Марий АССР Кӱшыл Каҥаш Президиумын Чап грамотшо дене суапландарыме[1]. Цесаркым ончен куштымо шотышто селекций пашаште сеҥымашлан СССР ВДНХ да Россий ВВЦ-н 10 шӧртньӧ да ший медальже дене суапландарыме[2][3].

Тӱҥ шанче паша-влак

Умбакыже Л. Н. Вейцманын тӱҥ шанче пашаже-влак спискыжым пуымо[1][6][7][9]:

  • Вейцман Л. Н. Морфо-биологические и хозяйственные особенности цесарок: Автореферат дис., представл. на соискание учён. степени кандидата биол. наук / Акад. наук СССР. Ин-т морфологии животных им. А. Н. Северцова. — Москва: [б. и.], 1957. — 19 с.; 20 см.
  • Вейцман Л. Н. Цесарки в СССР. Биологические основы цесарководства: автореферат дис. … доктора биологических наук: 103; 097 / Вейцман Л. Н.; [Место защиты: Объединённый учёный совет по биологическим наукам сибирского отделения Академии Наук СССР]. — Новосибирск, 1968. — 46 с.
  • Вейцман Л. Н. Разведение цесарок / Л. Н. Вейцман. — Москва: Россельхозиздат, 1983. — 29, [1] с.: ил.; 21 см. (Библиотечка «Домашнее животноводство»).
  • Библиографический указатель отечественной и зарубежной литературы по цесаркам и цесарководству (1557—1994 гг.) / Марийский государственный университет; Птицефабрика «Акашевская»; редкол.: Л. Н. Вейцман [и др.]. — [Издание 2-е.; переработанное и дополненное]. — Йошкар-Ола: МарГУ, 1995. — 133 с.

Чап лӱм да суаптар

Пашалык

Сӧйлык

Шарнымаш

  • Марий Эл Республикын Кугыжаныш архивштыже Л. Н. Вейцманын шкенжын фондшо аралалтеш.
  • Йошкар-Оласе эртымгорно тоштержын фондыштыжо Л. Н. Вейцманын шкенжын арверже, фотографийже да документше-влак аралалтыт[12].

Палемдымаш

  1. ↑ 1 2 3 4 5 6 7 8 9 10 11 12 13 14 15 16 17 18 19 Мочаев, 2017, с. 78.
  2. ↑ 1 2 3 4 5 Год памяти и славы. Спасибо за Победу - Официальный сайт администрации городского округа "Город Йошкар-Ола". i-ola.ru. Тергыме кече: 1 пургыж 2026.
  3. ↑ 1 2 3 4 5 6 7 8 Вейцман Лев Натанович (руш.). marsu.ru. Тергыме кече: 1 пургыж 2026.
  4. ↑ 1 2 3 4 Влюблённый в царскую птицу, <https://www.marpravda.ru/news/society/vlyblennii-v-carskyy/>. Тергыме: 20 пеледыш 2025. 
  5. ↑ 100 лет Марий Эл. Книги с автографами. Учёные-биологи. | Национальная библиотека имени С.Г. Чавайна Республики Марий Эл. nbmariel.ru. Тергыме кече: 1 пургыж 2026.
  6. ↑ 1 2 Вейцман, Лев Натанович. - Морфо-биологические и хозяйственные особенности цесарок [Текст] : Автореферат дис., представл. на соискание учен. степени кандидата биол. наук / Акад. наук СССР. Ин-т морфологии животных им. А. Н. Северцова. - Москва : [б. и.], 1957. - 19 с.; 20 см. - Search RSL (руш.). search.rsl.ru. Тергыме кече: 1 пургыж 2026.
  7. ↑ 1 2 Л. Н. Вейцман. Цесарки в СССР биологические основы цесарководства: автореферат дис. ... доктора биологических наук: 103; 097. — Новосибирск, 1968.
  8. ↑ Подвижники и просветители в моей памяти (руш.). Общероссийское общественное движение по возрождению традиций народов России «Всероссийское созидательное движение «Русский лад». Тергыме кече: 1 пургыж 2026.
  9. ↑ АРМ Читателя. abis.lib.tomsk.ru. Тергыме кече: 1 пургыж 2026.
  10. ↑ Вейцман Лев Натанович – Награды России, 1997-06-25. ru.nagrady.by. Тергыме кече: 1 пургыж 2026.
  11. ↑ Указ Президента Российской Федерации от 25.06.1997 г. № 637 (руш.). Президент России. Тергыме кече: 1 пургыж 2026.
  12. ↑ Лев Натанович Вейцман | Статьи | Музей истории города Йошкар-Олы. i-ola-museum.ru. Тергыме кече: 1 пургыж 2026.

Литератур

  • Вейцман Лев Натанович: биобиблиографический указатель / [сост.: Т. В. Архипова]. — Йошкар-Ола: Марийский гос. ун-т, 2005 (Юридический факультет ГОУВПО «Марийский гос. ун-т»). — 39 с.; 20 см. — (Материалы к биобиблиографии учёных МарГУ / Федеральное агентство по образованию, ГОУВПО «Марийский гос. ун-т»; Вып. 1).
  • Мочаев В. А. Вейцман Лев Натанович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 70. — 2032 экз. — ISBN 5-87898-357-0.
  • Влюблённый в царскую птицу // Марийская правда. — 2010. — 2 февраля.
  • Забиякин В. А. Жизнь счастливого человека // Птицеводство. — 2010. — № 1. — С. 10—11. — (Памятные даты). — ISSN 0033-3239.
  • Опарина Т. Т., Мочаев В. А. Вейцман Лев Натанович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 78. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Вейцман,_Лев_Натанович&oldid=1233406" гыч налме