Богатырёв, Пётр Павлович

Пётр Павлович Богатырёв
Пётр Павлович Богатырёв
Марий АССР калыкын илыш-касышым асулымаш шотышто министр
	1964 — 1979
Шочын	1923 ий 13 шорыкйол; Янгельде Сурт, Кужэҥер район, Марий автоном область, РСФСР, СССР
Колен	1997 ий 6 шыжа (74 ий); Йошкар-Ола, Россий
Партий	КПСС
Шинчымаш	КПСС РК пеленсе Кӱшыл партий школ
Профессий	партий пашазе

Пётр Павлович Богатырёв (13 шорыкйол 1923, Богатыри^[d], Марий автоном область, Горький край, РСФСР^[d], СССР — 6 шыжа 1997, Йошкар-Ола, Марий Эл Республик, Россий) — марий совет кугыжаныш, партий да озанлык пашаеҥ. Марий АССР калыкын илыш-касышым асулымаш шотышто министр (1964—1979). Кугу Ачамланде сарын участникше. ВКП(б) йыжъеҥ.

Илыш корно

1923 ий 13 январьыште кызытсе Марий Эл Кужэҥер район Янгельде Сурт ялысе (кызыт уке) икмарда кресаньык ешеш шочын^[1]^[2].

1941 ийыште Йошкар-Оласе педагогике училищым тунем пытарен^[1].

1942 ий январьыште Пашазе-кресаньык Йошкар Армийыш (руш.) (мар. налыныт. Кугу Ачамланде сарын салтакше: Йӱдвел-Касвел фронтышто 31-ше армийын 88-ше лӱйкалыше дивизийын 756-шо лӱйкалыше полкшын пӧлка командирже, Моско сарзе йырвелне 25-ше лӱйкалаш туныктышо дивизийын 19-ше туныктышо лӱйкалыше полкысо взвод командирын полышкалышыже, кугурак сержант. Вачыже ден кидше сусырген, эвакогоспитальыште эмлалтын. 1946 ий январьыште демобилизоватлалтын. I степенян Ачамланде сар орден да медаль-влак дене, тыгак «Лӱддымылыклан» медаль дене саупландаралтын^[1].

1949 ий гыч — Марий АССР партий пашаште: КПСС Марий обкомын инструкторжо, 1952—1958 ийлаште — Йоласал райкомын, 1958—1962 ийлаште — КПСС Юрино райкомын икымше секретарьже^[1].

1959 ийыште, пашам кодыде, КПСС РК пеленсе Кӱшыл партий школым (руш.) (мар. тунем пытарен^[1].

1964—1979 ийлаште — калыкын илыш-касышым асулымаш шотышто министр^[1].

1955—1963 да 1967—1971 ийлаште Марий АССР Кӱшыл Каҥашын 4-ше, 5-ше да 7-ше созывласе депутатшылан сайлалтын.

Кок «Почёт пале» орден, медаль-влак да Кӱшыл Каҥаш Президиумын вич Чаптаныкше дене палемдалтын^[1]^[3]^[4].

1997 ий 6 октябрьыште Йошкар-Олаште илыш дене чеверласен^[1].

Суаптар-влак

I степенян Ачамланде сар орден (06.04.1985)^[1]
«Почёт пале» орден (1966, 1971)^[1]
«Лӱддымылыклан» медаль (СССР) (06.11.1947)^[1]
«1941-1945 ийласе Кугу Ачамланде сарыште Германийым сеҥымылан» медаль (09.05.1945)
«Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970)^[1]
Марий АССР-ысе Кӱшыл Каҥаш Президиумын Чаптаныкше (1951, 1957 — кок гана, 1960, 1973)^[1]

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ Мочаев, 2017, с. 58.
↑ Богатырев Петр Павлович | Родная Вятка (неопр.). rodnaya-vyatka.ru. Тергыме кече: 6 пургыж 2026.
↑ Официальный сайт Госсобрания Республики Марий Эл (неопр.). old.gsmari.ru. Тергыме кече: 6 пургыж 2026.
↑ Официальный сайт Госсобрания Республики Марий Эл (неопр.). old.gsmari.ru. Тергыме кече: 6 пургыж 2026.

Литератур

Мочаев В. А. Богатырёв Пётр Павлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 51. — 2032 экз. — ISBN 5-87898-357-0.
Они ковали Победу. Куженерский район: поимённые списки тружеников тыла Великой Отечественной войны. — Йошкар-Ола: Издательство ООО «СТРИНГ», 2011. — 284 с., вкл. 48 с. — ISBN 978-5-91716-095-5
Мочаев В. А. Богатырёв Пётр Павлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 58. — 606 с. — 1500 экз. — ISBN 978-5-905314-35-3.

[_8acbfb405500025b-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ Мочаев, 2017, с. 58.

[2] Богатырев Петр Павлович | Родная Вятка (неопр.). rodnaya-vyatka.ru. Тергыме кече: 6 пургыж 2026.

[3] Официальный сайт Госсобрания Республики Марий Эл (неопр.). old.gsmari.ru. Тергыме кече: 6 пургыж 2026.

[4] Официальный сайт Госсобрания Республики Марий Эл (неопр.). old.gsmari.ru. Тергыме кече: 6 пургыж 2026.

[1]

[2]

[3]

[4]