Аношкин, Максим Григорьевич

Максим Григорьевич Аношкин
Шочмо кече	14 сорла 1914(1914-08-14)
Шочмо вер	Луньга[d], Ардатов уезд[d], Симбирск губерний[d], Россий империй
Колымо кече	28 сорла 2002(2002-08-28) (88 ий)
Колымо вер	Волжск, Марий Эл Республик, Россий
Эл	Россий империй  СССР  Россий
Паша сомыл	машинист
Награде да премий	заслуженный рационализатор РСФСР[d]

Максим Григорьевич Аношкин (14 сорла 1914, Луньга^[d], Симбирск губерний^[d] — 28 сорла 2002, Волжск, Марий Эл Республик) — Марий кагаз комбинатын сеточникше, кугурак машинистше, мастарже (1937―1942, 1945―1974). РСФСР-ын сулло рационализаторжо (1969). Кугу Ачамланде сарын участникше. КПСС йыжъеҥ.

Илыш корно

1914 ий 14 августышто кызытсе Мордовийын Ардатов районысо Луньга селаште шочын.

1937 ий гыч — Марий АССР-ысе Лопатино посёлкышто (кызыт — Волжск ола) Марий кагаз комбинатым чоҥымаште: слесарь, икымше машинам колтымо дене — сеточник, машинист, мастар.

1942 ий январыште Йошкар Армийыш (РККА-ш) налме. Кугу Ачамланде сарын участникше: 8-ше гвардейский механизированный колоннын 265-ше гвардейский миномёт полкшын артиллерий паркын старшинаже. Полкын сарзе подразделенийже-влакым боеприпас дене ситарен.

Фашист-влак ваштареш Воронеж, Новороссийск кундемлаште кредалын, Будапештым, Веным утарымаш верч кредалмаш-влакыште участвоватлен.

1945 ийыште — Японий дене сарын участникше. Кок гана сусырген. Армий гыч 1945 ийыште демобилизоватлалтын. III степенян Чап, Йошкар Шӱдыр орден-влак да медаль-влак, ту шотыштак «Сарзылык суаплан» медаль дене суапландаралтын.

Демобилизаций деч вара Марий кагаз комбинатыш пӧртылын: 1945―1974 ийлаште — сеточник, кугурак машинист, мастар. Тудын 136 рационализатор темлымашыже гыч 111-жым производствыш пуртымо!

1969 ийыште тудлан «РСФСР-ын сулло рационализаторжо» почёт лӱмым пуымо. Паша Йошкар Тисте орден, медаль-влак да кок гана — Марий АССР Кӱшыл Каҥаш Президиумжын Чаптаныкше дене суапландаралтын.

2002 ий 28 августышто Волжск олаште колен.

Чап лӱм да суаптар-влак

Паша суаптар-влак

• Марий АССР Кӱшыл Каҥаш Президиумжын Чаптаныкше (1951, 1958);
• Паша Йошкар Тисте орден (1966);
• РСФСР-ын сулло рационализаторжо (1969);
• «Чолга пашалан. Владимир Ильич Ленинын шочмыжлан 100 ий темме лӱмеш» медаль (1970).

Сарзе суаптар-влак

• «Сарзылык суаплан» медаль (1944.02.20);
• Йошкар Шӱдыр орден (1944.09.03);
• III степенян Чап орден (1945.02.21);
• «1941-1945 ийласе Кугу Ачамланде сарыште Германийым сеҥымылан» медаль (1945.05.09);
• «Японийым сеҥымылан» медаль.

Палемдымаш

Литератур

• Андреев В. П. Страницы истории развития промышленности Марийской АССР (1945―1980 гг.) / В. П. Андреев; Мар. гос. техн. ун-т. ― Йошкар-Ола: Мар. гос. техн. ун-т, 1999. ― 129 с. — ISBN 5-8158-0051-1.
• Колесников А. Ю., Краснов П. В., Мочаев В. А. Аношкин Максим Григорьевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 27. — ISBN 5-87898-357-0.
• Аношкин Максим Григорьевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 227. — ISBN 978-5-94950-049-1.
• Колесников А. Ю., Краснов П. В., Мочаев В. А. Аношкин Максим Григорьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 28. — ISBN 978-5-905314-35-3.