Марий целлюлоз-кагаз комбинат
| «Марий целлюлоз-кагаз комбинат» ПАУ | |
|---|---|
 | |
 | |
| Тӱрлылык | Почмо акционер ушем |
| Негызлымаш | 1938 |
| Верланен |
 Россий Марий Эл Волжск |
| Отрасль | целлюлоз-кагаз йӧнозанлык |
| Продукций |
кабель, патрон кагаз, технике кагаз, картон, гофрокартон, мешак продукций, пу ярым плита-влак |
| Оборот | ▲ 2 958 млн теҥ. (2010) |
| Яндар парыш | ▲ 179 млн теҥ. (2010) |
| Пашаеҥ-влак чот | 2169 (2010) |
| Сайт | marbum.ru |
 |
|
Марий целлюлоз-кагаз комбинат (Марбумкомбинат) (руш. Марийский целлюлозно-бумажный комбинат) — Российын целлюлоз-кагаз кышкарысе ыштыкверже, Волжск олаште, Марий Элыште, Юл кундемысе федерал йырвелыште верланен.
Эртымгорно
Ыштыквер 1938 ийыште негызлалтын. Комбинатын тӱҥалтыш куатше — 52 тӱж. тонн целлюлозым лукмаш. Сар ийлаште (1941—1945) комбинат элым аралыме кӱлешлыкан сатум ыштен луктын. 1980-ше ийла мучаште, икмыняр ачалыме да у цех-влакым чоҥымо деч вара, комбинатын куатше 116 тӱж. тонн целлюлоз марте кушкын[1].
1993 ий 9 мартыште Волжск ола администраций почылтшо сынан акционер ушем (АООТ) «Марий целлюлоз-кагаз комбинат» регистрироватен. 1999 ий 31 августышто АООТ «МЦБК» петырыме акционер ушемыш савырнен «„Марий целлюлоз-кагаз комбинат“ Калык предприятий»(ЗАО «НП „МЦБК“») лийын. 2001 ий 3 августышто ЗАО «НП „МЦБК“» «Марий целлюлоз-кагаз комбинат» почылтшо акционер ушемыш (ОАО «МЦБК») савырнен.
Ыштен лукмаш
Марий целлюлоз-кагаз комбинат идалыкыште 20 гыч 100 тӱж. тонн марте технике сынан кагазым ыштен луктын кертше российысе ыштыквер-влак тӱшкашке пура. Комбинат пу гыч сатум ыштен лукшо тичмаш циклым куча. Ыштен лукмо кышкарыш пура: чодыра бирже, целлюлозым ыштымаш, кагаз ден картоным лукшо кум тӱҥ цех, пу кӱрйымалан (мочылалыкан) плита цех, шокшым пуышо электрорӱдер.
Марий целлюлоз-кагаз комбинатын шокшым пуышо электрорӱдерже
Комбинатын шокшым пуышо электрорӱдерже (ТЭЦ) ыштыкверын цехше улеш, но тыгак Волжскын илыме-коммунал ужашыжланат электровий ден шокшым ситара.1938 ийыште комбинатын икымше черетше пашаш колталтын[2]. 1937 ий 21 декабрьыште 35 тонн парым ыштен лукшо икымше котёлым да 6 МВт куатан турбоагрегатым пашаш колтен ончымо. 1938 ий 19 январьыште электростанцийым пашаш колтымо[3]. 1946—1959 ийлаште ТЭЦ-ым уэмден чоҥымо. Котел-влакым шӱй дене пырля шанчашым йӱлатыме йӧныш кусарыме. 1949 ийыште нылымше котёл шындалтын[4].
«2004—2010 ийлаште Марий Эл Республикын шокшэнергетике комплексшым вияҥдымаш» республикысе лӱмын ыштыме программе почеш[5] 2002 ий мучашлан ТЭЦ кышкарыште 185 т/шагат ыштен лукшо 6 турбогенератор, 5 пар котёл, 6 шокшым пуышо рӱдер, 24 км кужытан (тудын кокла тоштеммыже 35 процент) шокшым пуышо кыл-влак лийыныт.
2013 ий мучашлан станцийын ончыктымо электро куатше 48 МВт, тидыже республикын генерироватлыше ӱзгар тӱшкан куатше гыч 19,5 % лиеш[6].
Электростанцийыште кок содорегенерациян котёл (СРК-350 станцийысе № 1 да № 3) шындалтын, кудышт сульфат целлюлозым ыштен лукмо технологий радамыште улыт: котёллаште пашам ыштыме шем щелок-влак гыч щелочьын регенерацийже лиеш да шем щелокысо органике вартыш-влакын шокшышт кучылталтеш.
Электростанций 2013 ийыште 259,7 млн кВт·ш электро куатым ыштен луктын, тидыже Марий Эл Республикын энергокышкарыштыже пурышо электростанций-влакын тичмаш электрокуатым ыштен лукмышт гыч 26,1 % лиеш[6]. Тидын годым ЦБК-н шке кучылтмо куатше 166,7 млн кВт·ш лийын[7].
Экологий
Ыштыквер йырвелысе шуко илемлаште южым ик эн кугун лавыртышылан шотлалтеш. Касвел мардеж годым шакше ӱпшан, кочо шикш Татарстанышкат шуэш. «Нимогай саре пыл уке, кушеч тудо лектын кертеш, — манеш комбинат пашаеҥ. — Мемнан дене фильтр-влак да кызытсе жаплан эн чот у уэмден эрыктыше сооружений-влак шогат, нимогай ӱпш лийын ок керт, да ме нуным огына шиж». Марбум гыч шкешотан ойыртемле ӱпш — тиде шуко ияш йодыш, ойла КФУ-н Кумдыкым вияҥдымаш институтын вӱд экокышкаржым уэмден чоҥымо лабораторийын вуйлатышыже Нафиса Мингазова. Тудын шонымыж почеш, ты йодышым кок республикын — Марий Элын да Татарстанын — экологий министерствышт тӱткын ончалшаш улыт. Йӧнозанлыкысе ыштыквер-влакын уда ӱпшым ыштен лукмышт нерген ойлымо годым торашке каяш ок кӱл, манеш эксперт да озаҥысе «Нэфис Косметикс» да шӧр комбинат-влакым примерлан ончыкта. Тидын деч посна, эҥгекым кондышо лектыш-влак вигак верысе калыкын тазалыкшылан эҥгекым ыштат да нерв, шӱлыш кышкарысе кӧргарверым черландарат, шижтара Мингазова[8].
Палемдымаш
- ↑ Энциклопедия Республики Марий Эл, 2009, с. 517—518.
- ↑ История города Волжск. История края. Волжская правда (1 теле 2008). Тергыме кече: 30 шыжа 2025. Архивировано из оригинала 2 вӱдшор 2014 ий.
- ↑ Ровесник первых пятилеток. История края. Волжская правда (25 ӱярня 2008). Тергыме кече: 30 шыжа 2025. Архивировано из оригинала 2 вӱдшор 2014 ий.
- ↑ История развития электроэнергетики Республики Марий Эл. Тергыме кече: 30 шыжа 2025. Архивлыме 4 ӱярня 2016 ий.
- ↑ Закон Республики Марий Эл от 23 июня 2004 г. № 23-З «О республиканской целевой программе „Развитие теплоэнергетического комплекса Республики Марий Эл на 2004—2010 годы“»
- ↑ 1 2 Программа перспективного развития электроэнергетики в Республике Марий Эл на 2015—2019 годы, утверждённая постановлением Правительства Республики Марий Эл от 30 апреля 2014 г. № 208
- ↑ Годовой отчет ОАО «Марийский целлюлозно-бумажный комбинат» за 2013 год. Тергыме кече: 30 шыжа 2025. Архивировано из оригинала 3 идым 2014 ий.
- ↑ Казанцы жалуются на дым с Марбума и желтое облако над Волгой (руш.). kazanfirst.ru. Тергыме кече: 30 шыжа 2025. Архивлыме 21 пургыж 2020 ий.
Литератур
- Марийский целлюлозно-бумажный комбинат // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 517—518. — 872 с. — 3505 экз. — ISBN 978-5-94950-049-1.
Кылвер-влак
 |
|---|
