Косачёв, Константин Иосифович

РУВИКИ — эрыкан энциклопедий гыч материал
Константин Иосифович Косачёв
Konstantin Kosachev 2021-02-15 (cropped).jpg
Флаг
РФ Федераций Каҥашын председательжын алмаштышыже
Флаг
2021 ий 17 ӱярня гыч
Ончычсо пашаеҥ Ильяс Умаханов
Флаг
Россий Федераций Каҥашын тӱнямбал паша шотышто комитетшын председательже
Флаг
2014 ий 25 теле — 2021 ий 17 ӱярня
Ончычсо пашаеҥ Михаил Маргелов
Алмаштыше Григорий Карасин
Флаг
Россотрудничествын вуйлатышыже
Флаг
2012 ий 5 ӱярня — 2014 ий 22 теле
Президент Дмитрий Медведев,
Владимир Путин
Ончычсо пашаеҥ Фарит Мухаметшин
Алмаштыше Любовь Глебова
Флаг
Кугыжаныш Думын тӱнямбал паша шотышто комитетшын председательже
Флаг
2004 ий 16 шорыкйол — 2011 ий 21 теле
Ончычсо пашаеҥ Дмитрий Рогозин
Алмаштыше Алексей Пушков
Шочын 17 идым 1962(1962-09-17) (63 ий)
Партий Единая Россия
Шинчымаш 1) СССР МИД-ын Москосо кугыжаныш тӱнямбал паша шотышто институт
2) СССР МИД-ын дипломатический академийже
Шанче степень юридический шанче кандидат
Паша кугыжаныш пашаеҥ, политик, дипломат
Награде
Логотип РУВИКИ.Медиа РУВИКИ.Медиаште медиафайл-влак

Константин Иосифович Косачёв (шоч. 17 идым 1962, Мамонтовка[d], Моско область) — россий кугыжаныш пашаеҥ, сенатор, 2021 гыч — РФ Федераций Каҥашын председательжын алмаштышыже.

Ондаше — РФ Кугыжаныш Думын кум созыв депутатше лийын.

Дипломат, юрист шанче кандидат, йот элла дене кыл шотышто политике аналитик. «Единая Россия» партийын Кӱшыл Каҥаш йыжъеҥже[1][2].

Илыш-корныжо

Константин Косачёв 1962 ий 17 сентябрьыште моско лишнысе илыше дипломатын ешыштыже шочын. Ачаже, Иосиф Артемьевич Косачёв (шоч. 1931) ӱмыржо мучко СССР-ысе йотэл паша министерствыште пашам ыштен[3][4]. Аваже — Нина Геннадьевна Косачёва (Успенская). (шоч. 1935), кусарыше. Ача-аваже 1957 ийыште ушненыт.

Кандаш ий марте Константин ачаж-аваж дене Швецийыште илен, тушто дипломатий миссийыште ачаже пашам ыштен, туштак школыш каен. Умбакыже Косачёв Москошто тунемын, 648-ше №-ан школым 1979 ийыште тунем пытарен. 2017 ийыште 648-ше №-ан школлан Российын Геройжо, дипломат А. Г. Карловын лӱмжым пуымо — Россий Федерацийын Турцийысе дипломатшым турцийысе террорист да тусо школынак ончычсо тунемшыже лӱен пуштын.

1984 ийыште Косачёв СССР-ын тӱнямбал кыл шотышто Москосо кугыжаныш институтшым визытанлан гына тунем пытарен. Англичан да швед йылмым пала. Кусарыше да синхронистлан пашам ыштен, тидын шотыштак кӱшыл кучемыште М. С. Горбачёвын пелен лийын. СССР ден Россий рӱдӧ аппаратыштыже да ЭПМ-ын дипломат пашалаштыже тыршен.

1991 ийыште СССР ЭПМ-ын Дипломатий академийжын квалификацийжым нӧлтышӧ факультетшым тунем лектын.

1991 ий гыч Косачев — Швеций посольствын икымше секретарьже, а 1994 ий гыч — Российын Швецийысе посольствыштыже советник.

Косачёв европысо лӱдыкшыдымылык да вооружений йодышла дене тӱнямбал конференций-влаклаште пашам ыштен. Россий Федерацийын йотэл паша министржын советникше-влак тӱшкаште лийын. Россий ЭПМ-ын 2-шо европысо департамент директорын алмаштышыже лийын, йӱдвел европысо вес эл-влак дене кылдалтше политике пашалан вуйын шоген.

1998 ий май гыч — советник, вара Россий правительствын премьер-влак Сергей Кириенкон, Евгений Примаковын, Сергей Степашинын, Владимир Путинын тӱнямбал йодыш шотышто полышкалышыштлан шоген.

РФ правительство председатель В. Степашинын секретариатшым вуйлатышын алмаштышыже пашаверым айлен.

Кугыжаныш Думын депутатше

1999 ий 19 декабрь гыч 2003 ий декабрь марте Косачёв — Кугыжаныш Думын кумшо созывысо депутатше, «Ачамланде — пӱтынь Россий» фракцийым вуйлатышын икымше алмаштышыже, Тӱнямбал паша шотышто комитетын председательжын алмаштышыже, Югославий Республикыште Североатлатике договорын кышажым тӧрлаш йӧным ыштыме шотышто комиссийын йыжъеҥже, РФ ден США коклаште 1972 ий 26 майысе ракете ваштареш аралалтме кышкарым иземден толмо шотышто, ядер тергымашым (ДВЗЯИ) чарыме да ончык кайыме стратегиян саргурал чотым умбакыже шагалемдыме нерген у договорым (СНВ-3) ямдылыше комиссийын еҥже.

2003 ийыште Россий ЭПМ-ын Дипломатий академийыштыже Косачев «Ядер терроризм ваштареш кучедалме шотышто тӱнямбал правам вияҥдыме концепций» темылан кандидатлык диссертацийым арален, юрист шанче кандидат[5][6].

2003-2007 ийлаште — Кугыжаныш Думын нылымше созыв депутатше, «Ик Россий» партий деч. Тӱнямбал паша шотышто думысо комитетын председательже.

2007 ий 2 декабрьыште Косачёв Кугыжаныш думын визымше созыв депутатшылан сайлалтын. Тӱнямбал паша шотышто Думысо комитетын председательже.

2011 ий 4 декабрьыште Кугыжаныш Думын кудымшо созыв депутатшылан сайлалтын. Тӱнямбал паша шотышто Думысо комитет председательын алмаштышыже.

2012 ий 5 мартыште Косачёв Эрыкан Кугыжаныш — влак содружествым, йот элыште илыше соотечественник-влакын пашашт, тӱнямбалне гуманитар кыл кучымо да Россий президентын СНГ эл-влак дене пашам ыштыме шотышто Федерал агентствын вуйлатышыжлан шогалын[7].

Сенатор

2014 ий 18 декабрьыште Косачёв Россий Федераций Советыште Чуваш Республикын ӱшанъеҥже лийын[8]. 2014 ий 25 декабрьыште Россий Федераций Каҥашын тӱнямбал паша шотышто Комитетшын председательжылан сайлалтын.

Косачёв посна да юридический лица-влакын санкций радамышкышт пурталтын, Украинын аралалтме да калыкле лӱдыкшыдымылык каҥаш пеҥгыдемден[9].

2015 ий 21 сентябрь гыч РФ Федераций Каҥашыште Марий Эл Республикын ӱшанъеҥже[10]. 2017 ий 21 сентябрьыште Александр Евстифеев тудын полномочийжым умбакыже шуен[11]. 2022 ий сентябрьыште кунемысе у вуйлатыше Юрий Зайцев Косачёвын Россий Федераций Советын членже семын полномочийжым шуен[12].

2021 ий 17 мартыште Косачёв Россий Федерацийын Каҥашын вуйлатышыжын алмаштышыжлан сайлалтын[13].

Сенатор Косачёв Российын йот эл политике шотышто кӱлешан йодышыж дене прессылан эреак интервьюм да вашмут-влакым пуа.

Тура савыртышан ойжо-влак

2006 ийыште коммунист режимлан акым пуышо ПАСЕ-ен резолюцийжым ончымо годым Косачёв коммунизм ден фашизм коклаште иктӧрлык палым шындаш ок лий манын каласен: «Коммунизм идеологий ден нацизм иделологийым ик оҥашке вераҥдаш ок лий».

2010 ий 26 ноябрьыште «Российын йӱкшӧ» радио «Визави с миром» программыште Косачёв Йӱдвел да Кечывалвел Корейым ушаш кӱлмӧ нерген ойлен, тидын годым йӱдвел корейысе лидер-влак, нунын лишыл еҥыштлан да ешыштлан лӱдыкшыдымылык шотышто гарантий лийшаш ман каласен[14].

Еш

  • Ватыже — Людмила Алексеевна Косачёва (Муранова, шоч. 1958). Косачёв тудын дене Швецийыште студент практикыште лиймыж годым палыме лийын — а тудо коммунист пашан ударникше семын тушко путёвко дене толын улмаш. Ешыште кок ӱдыр ден эрге кушкын шогалыныт[15]: Мария (шоч. 1976), Анна (шоч. 1989), Александр (шоч. 1991)[16].

Суапландарымаш

  • «Ачамланде ончылно суаплан» III степенян орден (2022 ий 14 сентябрь) — парламентаризмым вияҥдымашке, тӧртыкым лукмо пашам вияҥдымашке надырым пыштымылан да шуко ий пашам тыршен ыштымылан[17].
  • «Ачамланде ончылно суаплан» IV степенян орден (2006 ий 20 апрельыште) — тӧртыкым лукмо пашам вияҥдымаште надырлан да шуко ий пашам тыршен ыштымылан[18].
  • Александр Невскийын орденже (2018 ий 11 декабрь)[19].
  • Почёт Орден (7 декабрь 2012) — россий тӱвырам, образованийым да руш йылмым арален вияҥдымашке, йот эллаште чапландарыме надырлан[20].
  • Келшымаш Орден (2003 ий 21 январь) — тӧртыклыкым пеҥгыдемдымаште суаплан, тудым возымо пашам чолган шуктымылан да шуко ий пашам тыршен ыштымылан[21].
  • Полярный шӱдыр орденын командорже (Швеций, 2004)[22].
  • Сербийын «Суаплан» шӧртньӧ медальже (2015 ий, Сербий)[23].
  • Келшымаш Орден (Кечывалвел Осетий, 2009 ий 17 октябрь) — Кавказыште тыныслыкым да икшырымын вияҥме пашаш кугу надырым пыштымылан, парламент кылым пеҥгыдемдымаш да Европо Советын Парламент Ассамблейыштыже Кечывалвел Осетий Республикысе интересшым аралыме пашам чолган шуктымылан[24] (недоступная ссылка с 27-11-2015 [3930 дней]).
  • «Чуваш Республик ончылно суаплан» орденын медаль (2012 ий 10 март) — Чуваш Республикын интересшым аралыме шотышто шуко ий пашам ыштымылан[25].
  • И. Н. Ульянов лӱмеш Чуваш кугыжаныш университетысе чап доктор (2007 ий 28 март)[26].
  • А. С. Грибоедов лӱмеш тӱнямбал права ден экономике институтын чап докторжо А. С. Грибоедова (2008)[27].
  • Самар ырес (Болгарийын Мер каҥашыже)[28].
  • «Почёт орден» (Кечывалвел Осетий, 2016 ий 14 апрель)[29].
  • Столыпинын медальже, II степенян (2018 ий 14 июль)[30].
  • «Чуваш автоном областьлан 100 ий темме лӱмеш» шарнымаш медаль (2020).

Дипломатий ранг

  • Чрезвычайный да полномочиян посол (1999 ий 29 сентябрь)[31].
  • Чрезвычайный да полномочиян посол (2009 ий 1 декабрь)[32].

Класс чин-влак

Россий Федерацийын действительный кугыжаныш советникше (1999 ий 25 январь)[33].

Организаций-влакын йыжъеҥже

  • Европысо клубын президентше.
  • Тӱнямбал паша дене Россий попечительский советын йыжъеҥже.
  • «Содружество» самырык-влакын тӱнямбалысе мер организацийын попечительный каҥашыжын вуйлатышыже.
  • МГМИО-со Попечитель каҥашын членже (2022 ийыште петыралтын[34]).
  • Россий ЭПМ-ын Дипломатий академийын тӱнямбал кыл кафедржым вуйлатыше.

Санкций

Константин Косачёв Евроушемын, Великобританийын, США-н, Канадын, Швейцарийын, Австралийын, У Зеландийын санкций радамыштыже улеш.

Палемдымаш

  1. ↑ Высший совет партии «Единая Россия». Тергыме кече: 30 пеледыш 2020. Архивировано из оригинала 31 ага 2020 ий.
  2. ↑ Энциклопедия ТАСС, 2024. Косачев, Константин Иосифович. Заместитель председателя Совета Федерации РФ
  3. ↑ Александр Колесниченко. Константин Косачев: «Радуюсь, если никого не подстрелил». «Новые известия», 28.04.2006.
  4. ↑ Ирина Вьюнова. Отличник Константин, «Профиль», № 8(375), 01.03.2004. Тергыме кече: 23 ӱярня 2015. Архивлыме 2 вӱдшор 2015 ий.
  5. ↑ Косачев, Константин. Lenta.ru. Тергыме кече: 8 сорла 2016. Архивлыме 26 сорла 2016 ий.
  6. ↑ Косачев, К. И. Концепция развития международного права в области борьбы с ядерным терроризмом // Из фондов Российской государственной библиотеки : автореферат дис. канд. юридических наук. Специальность 12.00.10 — Международное право; Европейское право. — 2003. Архивлыме 21 сорла 2016 ий.
  7. ↑ Дмитрий Медведев назначил Константина Косачева руководителем Россотрудничества и спецпредставителем Президента по делам СНГ. Тергыме кече: 5 ӱярня 2012. Архивлыме 6 ӱярня 2012 ий.
  8. ↑ Косачев делегирован в Совфед сенатором от Чувашии. 22 декабря 2014. ТАСС. Тергыме кече: 2 шорыкйол 2016. Архивлыме 5 ӱярня 2016 ий.
  9. ↑ Реакция российских политиков и общественных деятелей на расширение украинских санкций. 16 сентября 2015, ТАСС. Тергыме кече: 2 шорыкйол 2016. Архивлыме 5 ӱярня 2016 ий.
  10. ↑ Константин Косачев назначен сенатором от Марий Эл. Тергыме кече: 24 идым 2015. Архивировано из оригинала 4 ӱярня 2016 ий.
  11. ↑ Константин Косачёв останется сенатором от Марий Эл. 7х7 (21 идым 2017). Тергыме кече: 21 идым 2017. Архивлыме 21 идым 2017 ий.
  12. ↑ Косачев останется сенатором от правительства Марий Эл, 2022-09-23, <https://web.archive.org/web/20220925190357/https://kidsher.ru/ru/politics/39228/>. Тергыме: 25 идым 2022. 
  13. ↑ Косачева избрали вице-спикером Совфеда (руш.). РИА Новости (17 ӱярня 2021). Тергыме кече: 17 ӱярня 2021. Архивлыме 17 ӱярня 2021 ий.
  14. ↑ Урегулирование корейского конфликта, перспективы взаимодействия России с НАТО и европейскими партнерами. Тергыме кече: 2 идым 2011.
  15. ↑ Lenta, 2022. Косачев, Константин. Глава Россотрудничества и спецпредставитель президента по делам СНГ
  16. ↑ Биография Константина Иосифовича Косачева. Национальность Константина Косачева - Свободная Пресса, <https://svpressa.ru/persons/konstantin-kosachev/>. Тергыме: 29 идым 2025. 
  17. ↑ Указ Президента Российской Федерации от 14 сентября 2022 года № 637 «О награждении государственными наградами Российской Федерации». Тергыме кече: 14 идым 2022. Архивлыме 14 идым 2022 ий.
  18. ↑ Указ Президента Российской Федерации от 20 апреля 2006 года № 381 «О награждении государственными наградами Российской Федерации». Тергыме кече: 4 теле 2009. Архивировано из оригинала 24 ага 2006 ий.
  19. ↑ Сенатор от Марий Эл Константин Косачев награждён орденом Александра Невского (руш.). Марийская правда (11 теле 2018). Тергыме кече: 10 шорыкйол 2019. Архивлыме 10 шорыкйол 2019 ий.
  20. ↑ Указ Президента Российской Федерации от 7 декабря 2012 года № 1620 «О награждении государственными наградами Российской Федерации». Тергыме кече: 10 теле 2012. Архивировано из оригинала 24 кылме 2015 ий.
  21. ↑ Указ Президента Российской Федерации от 21 января 2003 года № 64 «О награждении государственными наградами Российской Федерации». Тергыме кече: 4 теле 2009. Архивировано из оригинала 7 сӱрем 2012 ий.
  22. ↑ Косачеву вручат шведский орден Полярной звезды. Тергыме кече: 27 кылме 2015. Архивлыме 24 кылме 2015 ий.
  23. ↑ Укази о одликовањима 2015. година. Тергыме кече: 2 шыжа 2019. Архивлыме 25 ага 2019 ий.
  24. ↑ Указ Президента Республики Южная Осетия «О награждении орденом Дружбы Косачева К. И.» Тергыме кече: 14 теле 2009. Архивлыме 3 пургыж 2022 ий.
  25. ↑ Косачев награждён медалью ордена «За заслуги перед Чувашской Республикой». Тергыме кече: 27 вӱдшор 2012. Архивлыме 14 ӱярня 2012 ий.
  26. ↑ Пресс-релиз к мероприятию, посвященному присвоению К. Косачеву звания «Почётный доктор Чувашского госуниверситета имени И. Н. Ульянова». Тергыме кече: 4 теле 2009. Архивлыме 2 вӱдшор 2015 ий.
  27. ↑ Актовый день: ИМПЭ — 15 лет! Тергыме кече: 22 теле 2009. Архивировано из оригинала 27 ӱярня 2008 ий.
  28. ↑ Посол Болгарии в России Бойко Коцев вручил Константину Косачеву «Самарский крест». Тергыме кече: 13 сорла 2016. Архивировано из оригинала 17 идым 2016 ий.
  29. ↑ Леонид Тибилов: Мы гордимся добрыми, дружескими взаимоотношениями с Россией. Информационное агентство Рес (14 вӱдшор 2016). Тергыме кече: 27 вӱдшор 2016. Архивлыме 13 ага 2016 ий.
  30. ↑ Официальный интернет-портал правовой информации. publication.pravo.gov.ru. Тергыме кече: 18 сӱрем 2018. Архивлыме 18 сӱрем 2018 ий.
  31. ↑ Указ Президента Российской Федерации от 29 сентября 1999 года № 1309 «О присвоении дипломатических рангов». Тергыме кече: 4 теле 2009. Архивировано из оригинала 18 сӱрем 2012 ий.
  32. ↑ Указ Президента Российской Федерации от 1 декабря 2009 года № 1369 «О присвоении Косачеву К. И. дипломатического ранга Чрезвычайного и Полномочного Посла». Тергыме кече: 19 идым 2016. Архивлыме 9 шыжа 2016 ий.
  33. ↑ Указ Президента Российской Федерации от 25 января 1999 года № 123 «О присвоении квалификационных разрядов федеральным государственным служащим Аппарата Правительства Российской Федерации». Тергыме кече: 4 теле 2009. Архивировано из оригинала 18 сӱрем 2012 ий.
  34. ↑ Роман Фандорин. МГИМО остался без попечителей (неопр.). Газета «DAILY» — Новости России и мира (13 вӱдшор 2022). Тергыме кече: 23 шыжа 2022. Архивлыме 23 шыжа 2022 ий.

Кылвер-влак

"https://mhr.ruwiki.ru/w/index.php?title=Косачёв,_Константин_Иосифович&oldid=1233937" гыч налме