Фокеев, Иван Степанович

Иван Степанович Фокеев
Иван Степанович Фокеев
Шочмо кече	7 сорла 1901
Шочмо вер	Жайск[d], Новосёлки ял шотан илем[d], Вача кундем, Угарман область;
Колымо кече	30 вӱдшор 1948 (46 ий)
Колымо вер	Йошкар-Ола, РСФСР[d], СССР;
Гражданлык	Россий империй → СССР
Паша сомыл	партий пашаеҥ, депутат
Награде да премий

Ивáн Степáнович Фокéев (7 сорла 1901, Жайск^[d], Вача кундем — 30 вӱдшор 1948, Йошкар-Ола) — совет партий да администраций пашаеҥ. Марий АССР-ын Йошкар-Оласе ола исполкомын председательже (1939—1941, 1945—1948), Марий АССР Кӱшыл Каҥаш Президиумын II созывысе председательын алмаштышыже (1947—1948). ВКП(б)-ын йыжыҥъеҥже. Граждан да Кугу Ачамланде сар-влакын участникше.

Илыш корныжо

1901 ий 7 августышто кызытсе Угарман кундемын Вача районысо Жайск ялыште кресаньык ешеш шочын^[1].

1919 ийыште РККА-ш налме. Граждан сарын участникше, 1924 ий марте сарзе службышто лийын^[1].

1925 ий гыч Угарман губернийын партий пашаштыже лийын^[1].

1930 ий гыч Марий автоном областьыште: 1930—1931 ийлаште — Оршанке, 1931—1933 ийлаште — Йошкар-Олан ВКП(б)-ын райком-влакын муткучышо (икымше) секретарьже. 1933—1934 ийлаште Пашазе-кресаньык инспекцийын Курыкмарий районысо контроль комиссийжым вуйлатен. 1935—1938 ийлаште — ВКП(б) Марий обкомын ялозанлык пӧлкам вуйлатыше, Марий облисполком председательын алмаштышыже. 1938—1939 ийлаште — «Маритранлес» трестын начальникше, 1939—1941 ийлаште — Марий АССР-ын Йошкар-Оласе ола исполкомын председательже^[1].

1941 ий июльышто РККА-ш налме. Кугу Ачамланде сарын участникше: сарын касвел фронтласе 3-шо ударный армийын 79-ше лӱйкалыше полкын 171-ше лӱйкалыше дивизийысе политотдел начальникын алмаштышыже, майор. Нелын сусырген. II да I степенян Ачамланде сар орден, медаль-влак дене суапландаралтын^[1]^[2].

Шочмо кундемышкыже пӧртылын, 1945 гыч 1948 ий марте уэш Йошкар-Оласе ола исполкомын председательже лийын. 1938—1948 ийлаште Марий АССР Кӱшыл Каҥашын (руш.) (мар. I да II созывласе депутатшылан сайлалтын, 1947—1948 ийлаште — Марий АССР Кӱшыл Каҥаш Президиум председательын алмаштышыже^[3]. Тудын нерген М. Шкетан ик ойлымашыштыже пагален ойлен. Марий АССР Кӱшыл Каҥаш Президиумын Чаптаныкше дене палемдалтын^[1].

1948 ий 30 апрельыште Йошкар-Олаште трукышто колен^[1].

Суаптар-влак

I степенян Ачамланде сар орден (22.04.1945)^[2];
II степенян Ачамланде сар орден (22.02.1944)^[2];
«1941—1945 ийласе Кугу Ачамланде сарыште Германийым сеҥымылан» медаль (09.05.1945)^[2];
«Берлиным налмылан» медаль (04.08.1945)^[4];
«Варшавым утарымылан» медаль (04.08.1945)^[4];
Марий АССР Кӱшыл Каҥаш Президиумын Чаптаныкше (1946)^[1].

Палемдымаш

↑ ¹ ² ³ ⁴ ⁵ ⁶ ⁷ ⁸ Мочаев, 2007, с. 379.
↑ ¹ ² ³ ⁴ Фокеев Иван Степанович :: Память народа (руш.). pamyat-naroda.ru. Тергыме кече: 5 шорыкйол 2026.
↑ К 80-летию высшего законодательного органа республики Руководители Верховного Совета второго созыва (руш.). yoshkarola.bezformata.com. Тергыме кече: 5 шорыкйол 2026.
↑ ¹ ² Фокеев Иван Степанович :: Память народа (руш.). pamyat-naroda.ru. Тергыме кече: 5 шорыкйол 2026.

Литератур

Фокеев Иван Степанович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 379. — 2032 экз. — ISBN 5-87898-357-0.
Тресцов Б. И., Мочаев В. А. Фокеев Иван Степанович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 465. — 606 с. — 1500 экз. — ISBN 978-5-905314-35-3.

[_594bb32b5668eab2-1] ¹ ² ³ ⁴ ⁵ ⁶ ⁷ ⁸ Мочаев, 2007, с. 379.

[:1-2] ¹ ² ³ ⁴ Фокеев Иван Степанович :: Память народа (руш.). pamyat-naroda.ru. Тергыме кече: 5 шорыкйол 2026.

[3] К 80-летию высшего законодательного органа республики Руководители Верховного Совета второго созыва (руш.). yoshkarola.bezformata.com. Тергыме кече: 5 шорыкйол 2026.

[автоссылка1-4] ¹ ² Фокеев Иван Степанович :: Память народа (руш.). pamyat-naroda.ru. Тергыме кече: 5 шорыкйол 2026.

[1]

[2]

[3]

[4]