Товашов, Василий Ильич

РУВИКИ — эрыкан энциклопедий гыч материал
Василий Ильич Товашов
Товашов, Василий Ильич.jpg
Шочмо кече 1906 ий 19 теле(1906-12-19)
Шочмо вер Нуръял Корамас, Чарла уезд, Озаҥ губерний, Россий империй
Колымо кече 1990 ий 6 идым(1990-09-06) (83 ий)
Колымо вер Йошкар-Ола, Марий ССР, РСФСР, СССР
Гражданлык  Россий империй →  СССР
Паша сомыл прокурор, судья
Награде да премий

Орден «Знак Почёта»  — 1945 Орден «Знак Почёта»  — 1951 Орден Красной Звезды  — 1946 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»

Васи́лий Ильи́ч Товашóв (19 теле 1906, Нуръял Корамас, Чарла уезд, Озаҥ губерний, Россий империй — 6 идым 1990, Йошкар-Ола, Марий Автоном Совет Социализм Республик, РСФСР[d], СССР) ― совет юрист, кугыжаныш вуйлатыше. Марий АССР юстицийын наркомжо (1938―1942), МАССР Кӱшыл судын председательже (1945―1957). 1929 ий гыч ВКП(б)-н йыжъеҥже.

Илыш корныжо

1906 ий теле тылзын 19-ше кечынже кызытсе Марий Эл Морко вел Нуръял Корамас ялыште шуко йочан кресаньык ешыште шочын[1][2][3].

Изинек ава деч посна кодын. Шочмо вел Арын 7-ияш школышто тунеммым кӱрлын, ачажлан озанлыкыште полышкален. Шочмо ялысе комсомол ячейкын секретарьже. 1926―1928 ийлаште шочмо вел Арын, Марий Кужер, Унчо яллаште избачлан да грамотым шыҥдарымаште пашам ыштен[4].

1928―1931 ийлаште Марий автоном кундемын Морко кантонысо калык следовательже лийын. 1929 ийыште ― шочмо ялысе колхозым ыштыше-влак кокла гыч иктыже да икымше председательже. 1929 ийыште ВКП(б)-ш пурен да Морко кантком партийын пашажым виктараш шогалтыме. 1932 ийыште Угарманыште 6-тылзаш краевой юридический курсым тунем пытарен. 1932 ий гыч ― У Торъял районысо прокурор, 1935 ий гыч ― МАО-н Косолоп районысо прокуроржо[1][3].

1936 ийыште, пашам кодыде, Озаҥ юридический институтым  (руш.) (мар. тунем пытарен, икмыняр жап ВКП(б)-н Косолоп райкомын секретарьжылан пашам ыштен[4]. 1938―1942 ийлаште ― Марий АССР юстицийын наркомжо. 1942 ий пургыж ― пеледыш тылзын ― Морко МТС-ын политпӧлкажым вуйлатыше. 1942―1945 ийлаште ― РСФСР Минюстын Вологда кундем шотышто виктемын начальникше лийын[1][3][5].

1945―1957 ийлаште ― Марий АССР Кӱшыл судын председательже[5]. 1950 ийыште Москосо юрист-влакым уэмдыме Кӱшыл курсым тунем пытарен[1]. 1957―1958 ийлаште, пенсийыш лекмешкыже ― МАССР Министр-влак Каҥашын юрист йодыш шотышто ойпуышыжо. Сулен налме канышыште улмыж годым Йошкар-Ола оласе депутат-влак Каҥаш исполкомын штат деч ӧрдыжтӧ улшо оргинструктор пӧлкам вуйлатен[4].

1938―1959 ийлаште Марий АССР Кӱшыл Каҥашын  (руш.) (мар. I―IV созывласе депутатшылан сайлалтын[1]. КПСС Марий обкомын йыжъеҥже[6].

Марий республикын периодике печатьыштыже правовой йодыш дене статья да заметке-влакын авторжо[7].

1990 ий идым тылзын 6-шо кечынже Йошкар-Олаште колен. Шочмо верыштыже тоеныт[1][3].

Суаптар-влак

Палемдымаш

  1. ↑ 1 2 3 4 5 6 7 8 9 10 Мочаев, 2017, с. 440.
  2. ↑ Информационный ресурс Республики Марий Эл "12rus.ru" :: Моркинский район. www.12rus.ru. Тергыме кече: 24 шорыкйол 2026.
  3. ↑ 1 2 3 4 5 6 7 8 МБУК "Моркинская ЦБС" - Товашов Василий Ильич. www.biblmorki.ru. Тергыме кече: 24 шорыкйол 2026.
  4. ↑ 1 2 3 4 5 Товашов Василий Ильич (к 100-летию со дня рождения). cyberleninka.ru. Тергыме кече: 24 шорыкйол 2026.
  5. ↑ 1 2 13870. www.knowbysight.info. Тергыме кече: 24 шорыкйол 2026.
  6. ↑ Награды Государственного Собрания Республики Марий Эл - Доклад законодательная власть Марийской АССР (руш.). 100-bal.ru. Тергыме кече: 24 шорыкйол 2026.
  7. ↑ Каталог. naukaprava.ru. Тергыме кече: 24 шорыкйол 2026.

Литератур

  • Товашов Василий Ильич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 361. — 2032 экз. — ISBN 5-87898-357-0.
  • Бабичева А. Ю. Историко-правовой аспект становления и развития государственности марийского народа с октября 1917 по 1980-е гг. XX в. Автореф. дисс. на соиск. учён. степ. канд. юрид. наук. ― Нижний Новгород, 2007. ― 28 с.
  • Иваков А. В. Товашов Василий Ильич (к 100-летию со дня рождения) // Марийский юридический вестник. ― 2008. ― Вып. 6.
  • Иваков А. В., Мочаев В. А. Товашов Василий Ильич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 440. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Товашов,_Василий_Ильич&oldid=1231948" гыч налме