Сырейщиков, Юрий Николаевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Сырейщиков.
Юрий Николаевич Сырейщиков
Сырейщиков, Юрий Николаевич.jpg
Шочмо кече 19 вӱдшор 1931(1931-04-19)
Шочмо вер
Колымо кече 28 теле 2011(2011-12-28) (80 ий)
Колымо вер
Гражданлык  СССР →  Россий
Паша сомыл партий пашаеҥ, депутат, СССР КГБ-н пашаеҥже
Награде да премий

СССР-ысе кугыжаныш премий — 1981
Орден Трудового Красного Знамени — 1977 Орден «Знак Почёта»  — 1965 Почёт орден (Россий) — 2005 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын» SU Medal For Strengthening of Brotherhood in Arms ribbon.svg
Марий АССР Кӱшыл Каҥаш Президиумын Чаптаныкше

Ю́рий Николáевич Сыре́йщиков (19 вӱдшор 1931, Йошкар-Ола, Горький край — 28 теле 2011, Моско) — совет партий-администраций вуйлатыше, СССР КГБ-н пашаеҥже. Марий АССР Кӱшыл Каҥаш Президиум председательын алмаштышыже (1967—1971), КПСС Йошкар-Оласе ола комитетын 1-ше секретарьже (1966—1969). СССР КГБ-ште Тӱҥ виктемын пӧлка начальникше (1981—1989). СССР Кугыжаныш премийын лауреатше (1981). 1952 ий гыч КПСС йыжыҥъеҥ.

Илыш корныжо

1931 ий 11 апрельыште Марий автоном областьын рӱдолаштыже — Йошкар-Олаште — агроном-влакын ешыштышт шочын[1][2].

1952 ийыште КПСС-ш пурен. 1954 ийыште М. Горький лӱмеш Юл кундемысе чодыра технике институтым тунем пытарен. Чолга комсомол пашаеҥ: ВЛКСМ-ын Йошкар-Оласе ола комитетын 1-ше секретарьже (1954—1955), ВЛКСМ-ын Марий республикысе комитетын 2-шо секретарьже (1954—1960)[1].

1961 ийыште партий пашаш куснен. 1966 ий марте Марий АССР-ын Волжск оласе КПСС комитетын 1-ше секретарьже лийын, 1966—1969 ийлаште — КПСС Йошкар-Оласе ола комитетын 1-ше секретарьже[1][2].

1969 ий гыч СССР КГБ органлаште служитлен: 1981 ий марте — специальный подразделений частьын командирже, 1981 ий гыч — Тӱҥ виктемын пӧлка начальникше, 1989 ий гыч — Ушымо профкомын председательже[1]. Тыгак Россий Федерацийын лӱдыкшыдымылык шотышто пашаеҥ-влак профушемын председательже, Российысе эрыкан профушем-влак федерацийысе Тӱҥ Каҥашын йыжыҥъеҥже, Моско профушем-влак федераций Президиумын йыжыҥъеҥже лийын[2].

Марий АССР Кӱшыл Каҥашын  (руш.) (мар. VI да VII созывласе депутатше (1963—1971)[3], 1967—1971 ийлаште — Марий АССР Кӱшыл Каҥаш Президиум председательын алмаштышыже[1][2].

1981 ийыште СССР Кугыжаныш премий дене суапландаралтын[1][2].

«Почёт Пале» орден орден (1965), Паша Йошкар Тисте орден (1977), Чап орден (2005), Марий АССР Кӱшыл Каҥаш Президиумын Чаптаныкше, СССР КГБ орган-влакын суаптарышт дене палемдалтын[1].

2011 ий 28 декабрьыште Москошто колен[1].

Чаплӱм ден суаптар-влак

Ведомстве суаптар-влак

  • «Кугыжаныш лӱдыкшыдымылык орган-влакын Чапланыше пашаеҥже» оҥпале[2];
  • «Контрразведкысе службылан» III степенян медаль[1][2];
  • «Сарысе вашкелшымашым пеҥгыдемдымылан» медаль[1][2].

Палемдымаш

  1. ↑ 1 2 3 4 5 6 7 8 9 10 11 12 13 14 15 Мочаев, 2017, с. 429.
  2. ↑ 1 2 3 4 5 6 7 8 9 10 Листая страницы истории История республики в лицах Принимать законы, обеспечивать безопасность. yoshkarola.bezformata.com. Тергыме кече: 12 шорыкйол 2026. Архивлыме 29 шорыкйол 2022 ий.
  3. ↑ Официальный сайт Госсобрания Республики Марий Эл. old.gsmari.ru. Тергыме кече: 12 шорыкйол 2026.

Литератур

  • Сырейщиков Юрий Николаевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 353. — 2032 экз. — ISBN 5-87898-357-0.
  • Мочаев В. А., Колесников А. Ю. Сырейщиков Юрий Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 429. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Сырейщиков,_Юрий_Николаевич&oldid=1232272" гыч налме