Серов, Константин Иванович

Константин Иванович Серов
Константин Иванович Серов
Шочмо кече	1907 ий 29 пеледыш
Шочмо вер	Марьино села, Юрино район, Марий Эл
Колымо кече	1968 ий 30 вӱдшор (60 ий)
Колымо вер	Волгоград
Пурымаш	СССР
Войскан родшо	артиллерий
Службо жап	1929—1952
Званий
Кредалмаш/сар	Басмач формирований-влакым пытарымаш,; Кугу Ачамланде сар

Константин Иванович Серов (29 пеледыш 1907, Марий Эл Республик — 29 вӱдшор 1968, Волгоград) — Совет Армийын полковникше, Кугу Ачамланде сарын салтакше, Совет Ушемын Талешкыже (1945).

Илыш корныжо

Константин Серов 1907 ий 29 июньышто Марьино селаште (Марий Эл Республикын Юрино велже) шочын. Шым классым тунем пытарен. 1929 ий октябрьыште Серов Пашазе-кресаньык Йошкар Армийыш служиаш налалтын. 1932 ийыште Тудо Кыдалазийысе сар-политик школым, 1941 ийыште — артиллерий курсым тунем лектын. Кугу Ачамланде сар тӱҥалме гычак — фронтлаште^[1].

1945 ий январьыште подполковник Константин Серов 1-ше Белорус фронтын 33-шо армийысе 873-шо танк ваштареш истребитель артиллерий полк дене командоватлен. Польшым утарымыж годым ойыртемалтын. 1945 ий 14 январьыште Серовын полкшо Пулавысе плацдармыште немыч обороным кӱрлмаште кредалын. 1945 ий 23 январьыште 339-ше стрелкок дивизийым авырен налме гыч утарен, тушманын вич контратакыжым чактарен, тушман кугу йомдарымашым чытен^[1].

СССР Кӱшыл Каҥаш Президиумын 1945 ий 27 февральысе указше дене «полк дене устан вуйлатымыжлан да Висле-Одер операцийыште патырлыкым, талылыкым ончыктымыжлан» подполковник Константин Серовлан Совет Ушемын Талешкыже чаплӱмым пуымо, Ленин орден ден «Шӧртньӧ Шӱдыр» медальым кучыктымо^[2].

Сар пытымек, Серов Совет Армийыште служитлен. 1947 ийыште тудо Кӱшыл артиллерий школым тунем пытарен. 1952 ийыште полковник Серов званийыште шапашыш лектын. Волгоградыште илен да пашам ыштен. 1968 ий 30 апрельыште колен^[1]. Волгоградын Дмитриевысе рӱдӧ шӱгарлаште тойымо^[1].

Тыгак Йошкар Тисте кок орден, 1-ше степенян Кугу Ачамланде сар кок орден, кок Йошкар Шӱдыр орден-влак, икмыняр медаль дене суапландаралтын^[3]^[4]^[5]^[6]^[1].

Волгоград ден Мариныште Серов лӱмеш урем-влакым лӱмденыт, Марьиношто бюстым шогалтыме^[1].

Шарныктыш

Российысе Сарзе-историй обществе Марьинысе кыдалаш школ оралтын пырдыжеш Шарнымаш оҥам вераҥден.

Палемдымаш

Литератур

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Исаев А. В. Берлин 45-го. Сражения в логове зверя. — М.: Яуза, Эксмо, 2007.
Воробьёв В. П., Ефимов Н. В. Герои Советского Союза: справ. — СПб., 2010.

Кылвер-влак

Константин Иванович Серов (руш.). Сайт «Герои страны».

[wh-1] ¹ ² ³ ⁴ ⁵ ⁶ Константин Иванович Серов (руш.). Сайт «Герои страны».

[2] Электронный банк документов «Подвиг народа в Великой Отечественной войне 1941—1945 гг.».

[3] Электронный банк документов «Подвиг народа в Великой Отечественной войне 1941—1945 гг.».

[4] Электронный банк документов «Подвиг народа в Великой Отечественной войне 1941—1945 гг.».

[5] Электронный банк документов «Подвиг народа в Великой Отечественной войне 1941—1945 гг.».

[6] Электронный банк документов «Подвиг народа в Великой Отечественной войне 1941—1945 гг.».

[1]

[2]

[3]

[4]

[5]

[6]