Пчелина, Софья Викторовна

Софья Викторовна Пчелина
Софья Викторовна Пчелина
Шочмо кече	18 идым 1912
Шочмо вер	Чарла, Озаҥ губерний, Россий империй;
Колымо кече	25 вӱдшор 1999 (86 ий)
Колымо вер	Йошкар-Ола, Россий;
Гражданлык	Россий империй → СССР
Паша сомыл	педагог, мер пашаеҥ

Сóфья Ви́кторовна Пчелинá (18 идым 1912, Чарла, Озаҥ губерний — 25 вӱдшор 1999, Йошкар-Ола) — руш совет туныктышо, мер пашаеҥ. Йошкар-Оласе 10 №-ан кыдалаш школын завучшо (1947―1962). РСФСР школын сулло туныктышыжо (1966). 1966 ий гыч КПСС йыжыҥъеҥ.

Илыш корныжо

1912 ий 18 сентябрьыште Озаҥ губернийысе Царевококшайск олаште шочын^[1]^[2]. Царевококшайск олан мещан ешыштыже визымше йоча да кумшо ӱдыр лийын: земский фельдшер Виктор Николаевич ден земский фельдшер-акушерке Раиса Михайловна Пчелинмытын^[3].

Юл кундемысе чодыра техник институтыш тунемаш пурен, но 1940 ийыште Озаҥысе педагогике институтым тунем пытарен^[1]^[2].

1942 ий гыч — Йошкар-Оласе 10 №-ан кыдалаш школышто естествознаний ден химийым туныктышо, 1947 ий гыч — завуч. 1962—1967 ийлаште — Йошкар-Оласе 5 №-ан кыдалаш школын химий туныктышыжо^[1]^[2].

Мер пашаш чолган ушнен: оласе химийым туныктышо-влакын секцийыштын председательже, агитатор, атеист кружокым вуйлатыше^[1]^[2]. 1966 ийыште КПСС-ыш ушнен.

Калык туныктыш областьыште суаплан 1966 ийыште тудлан «РСФСР школын сулло туныктышыжо» чаплӱмым пуымо. Медаль-влак дене суапландаралтын^[1]^[2].

1999 ий 25 апрельыште Йошкар-Олаште колен^[1]^[2]. Йошкар-Оласе Туруново шӱгарлаште (руш.) (мар. тойымо.

Чаплӱм ден суаптар-влак

РСФСР школын сулло туныктышыжо (руш.) (мар. (1966)^[1]^[2];
«Калык просвещенийын отличникше» пале (1950)^[4];
«1941—1945 ийласе Кугу Ачамланде сарыште чолга пашалан» медаль;
«Чапле пашалан. Владимир Ильич Ленинын шочмыжлан 100 ий темме лӱмеш» медаль (1970).

Шарнымаш

РСФСР школын сулло туныктышыжо С. В. Пчелинан посна фотосӱретше ден шке арверже-влак кызыт Т. Евсеев лӱмеш Марий Эл Республикысе калыкле тоштерыште аралалтыт^[4].

Палемдымаш

↑ ¹ ² ³ ⁴ ⁵ ⁶ ⁷ Мочаев, 2017, с. 359.
↑ ¹ ² ³ ⁴ ⁵ ⁶ ⁷ Энциклопедия Республики Марий Эл, 2009, с. 662.
↑ Пчелины. Очерк 4 - Владислав Кислов. Страничка гатчинского краеведа (руш.). kraeved-gatchina.de. Тергыме кече: 13 теле 2025.
↑ ¹ ² Удостоверение к значку "Отличник народного просвещения" 1950 г. (руш.). archivogram.top. Тергыме кече: 13 теле 2025.

Литератур

Опарина Т. Т. Пчелина Софья Викторовна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 296. — 2032 экз. — ISBN 5-87898-357-0.
Пчелина Софья Викторовна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 662. — 872 с. — 3505 экз. — ISBN 978-5-94950-049-1.
Опарина Т. Т. Пчелина Софья Викторовна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 359. — 606 с. — 1500 экз. — ISBN 978-5-905314-35-3.
Муравьёв А. В. Учителями жива Россия. — 2-е изд., доп. — Йошкар-Ола: Издательский дом «Марийское книжное издательство», 2022. — С. 114. — ISBN 978-5-7590-1324-2.

[_d8b2c0506f1573d9-1] ¹ ² ³ ⁴ ⁵ ⁶ ⁷ Мочаев, 2017, с. 359.

[_a0e422b7b8ab9a62-2] ¹ ² ³ ⁴ ⁵ ⁶ ⁷ Энциклопедия Республики Марий Эл, 2009, с. 662.

[3] Пчелины. Очерк 4 - Владислав Кислов. Страничка гатчинского краеведа (руш.). kraeved-gatchina.de. Тергыме кече: 13 теле 2025.

[:0-4] ¹ ² Удостоверение к значку "Отличник народного просвещения" 1950 г. (руш.). archivogram.top. Тергыме кече: 13 теле 2025.

[1]

[2]

[3]

[4]