Петров, Игорь Ильич

Игорь Ильич Петров
Игорь Ильич Петров
Шочмо кече	29 ага 1924
Шочмо вер	Пызырьгуп, Шарача ял шотан илем[d], Волжск район, Марий Автоном Совет Социализм Республик, РСФСР[d], СССР;
Колымо кече	9 ӱярня 2018 (93 ий)
Колымо вер	Химки, Моско область, Россий;
Пурымаш	СССР → Россий
Войскан родшо	СССР КГБ-н чек войскаже-влак
Службо жап	1941—1985
Званий
Кредалмаш/сар	Кугу Ачамланде сар, совет-япон сар

Игорь Ильич Петров (29 ага 1924, Пызырьгуп, Марий Автоном Совет Социализм Республик — 9 ӱярня 2018, Химки, Моско область) ― совет сарзе вуйлатыше. Кугу Ачамланде сарын да совет-япон сарын салтакше. Прибалтике чек йыргечыште сарзе командирын алмаштышыже, Тихоокеан чек йыргечын политпӧлкажым вуйлатыше, СССР КГБ-н чек сарзе-влакын генерал-майоржо. Кугыжаныш аралтышын (госбезопасность) чапланыше пашаеҥже. СССР-ын чек сарзе-влакын эртымгорныштым шымлыше, эртымгорно шанче доктор.

Илыш корныжо

1924 ий 29 агаште кызытсе Марий Элын Волжск вел Пузырьгуп ялеш пограничникын ешыштыже шочын^[1]^[2]. Тудын ачаже Икымше тӱнямбал сарыште лийын, Россий чекым аралыше прапорщик, георгиев кавалер, Граждан сарыште ― Йошкар армийысе кавалерий полкын командирже лийын^[3].

1941 ий июньышто Зеленодольскысо 14-ше номеран кӱртньыгорно школым визытан дене тунем пытарен^[1]. Озаҥысе авиаций институтыш (руш.) (мар. тунемаш пурен^[3].

1942 ийыште Йошкар армийыш налыныт. Кугу Ачамланде сарын салтакше: 1942 ий август гыч Моско воктенысе Красногорскысо кӱртньыгорным аралыме шотышто НКВД сарзе-влакын 21-ше дивизийжын тунемме полкышкыжо лийын, Сталинградым арален, 1943 ий гыч ― СССР кугыжаныш чекым аралаш таджик чекысе отряд кышкарыште, Памирыште чек заставын йошкарармеец-кавалеристше^[1]. 1944 ийыште 4-ше Украин фронтышто (руш.) (мар. кредалын, тушто офицер лӱмпале деч посна офицер олмыш шогалтыме, Львовым налмаште кредалын. Тора Эрвелыште кредалын. Совет Ушем Талешке Н. Ф. Карацупа дене вашлийын^[3]^[4].

В. И. Ленин лӱмеш сарзе-политике академийым тунем пытарен^[1].

Сар деч вара Тора Эрвелыште чек сарзе тӱшкаште служиен. 1969 ийыште Эрвел чек йыргечыште виктем вуйлатыше-влакын офицер-влак радамышкыже пурен, 1970-ше ийлаште ― Тихоокеанысе чек йыргечын политпӧлка вуйлатышыже, Прибалтикысе чек йыргечын сарзе вуйлатышын алмаштышыже^[3].

СССР Сарзе Вийын Тӱҥ штабшын Академийжын (руш.) (мар. Кӱшыл курсым тунем пытарен, чек сарзе-влакын генерал-майоржо^[1]^[3].

Владивостокысо кугыжаныш университетын (руш.) (мар. эртымгорно факультетшым тунем пытарен. 1972 ий гыч ― эртымгорно шанче кандидат, 1985 ий гыч ― эртымгорно шанче доктор^[1]^[3].

СССР-ын чек сарзе-влакын эртымгорныштым шымлыше, 15 книган да 300 утла шанче статьян да очеркын авторжо, нунын коклаште: «Мыйын тукым чек орол-влак нерген возымаш» / «Записки о пограничниках моего поколения» (2003)^[5], «Чекым аралыше-влак кредалмаште» / «Пограничники в бою» (2008), «Чекым аралыше-влак 1941 ийыште. Нуно пленыш логалын огытыл» (2017), «Чекын сар вуйлатышыже-влак» / «Военачальники границы» (2018)^[6] да молат^[1]^[3]^[7]^[8].

20 утла кугыжаныш суаптар дене палемдалтын^[3].

Пытартыш ийлаште Моско кундем Химки олаште илен^[4]. 2018 ий 9 ӱярняште колен^[7].

Чаплӱм да суаптар-влак

Кугыжаныш аралтышын чапланыше пашаеҥже^[3]^[4]
I степенян Ачамланде сар орден (1985)^[3]^[4]
III степенян «СССР Сарзе Вийыште Шочмо Эллан служылан» орден^[3]^[4]
«Сарысе суаплан» медаль (20.04.1953)^[9]
«1941—1945 ийласе Кугу Ачамланде сарыште Германийым сеҥымылан» медаль (1945)^[9]
«Японийым сеҥымылан» медаль (1945)^[9]
«Владимир Ильич Ленинын шочмыжлан 100 ий темме лӱмеш» медаль (1970)
«СССР кугыжаныш чекым аралымаште ойыртемалтмылан» медаль^[3]^[4]

Палемдымаш

↑ ¹ ² ³ ⁴ ⁵ ⁶ ⁷ Мочаев, 2017, с. 336.
↑ Бизюргуб (неопр.). rodnaya-vyatka.ru. Тергыме кече: 17 кылме 2025.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² admin Петров Игорь Ильич (руш.). Взвод Романовского. Тергыме кече: 17 кылме 2025.
↑ ¹ ² ³ ⁴ ⁵ ⁶ Пограничный пунктир судьбы. Василий Семёнов, «Красная звезда» (неопр.). old.redstar.ru. Тергыме кече: 17 кылме 2025.
↑ Игорь Ильич Петров. Записки о пограничниках моего поколения. — Москва: Граница, 2003.
↑ Военачальники границы - Игорь Ильич Петров. — 2018.
↑ ¹ ² Автор: Петров Игорь Ильич - 12 книг - Читать, Скачать - ЛитМир Club (руш.). Литмир - электронная библиотека. Тергыме кече: 17 кылме 2025.
↑ Российская государственная библиотека для молодежи – Подробная информация об издании: Петров Игорь Ильич Советско-китайские войны (неопр.). rgub.ru. Тергыме кече: 17 кылме 2025.
↑ ¹ ² ³ Подвиг народа (неопр.). podvignaroda.ru. Тергыме кече: 17 кылме 2025.

Литератур

Семёнов В. Пограничный пунктир судьбы // Красная звезда. ― 2005. ― 29 декабря.
Васильева К. Служение Отечеству ― истинное счастье // Волжская правда. ― 2010. ― 3 февраля.
Алексеев И. «Шоненам иктын, лектын вес семын, но шукыжо шукталтын» //Марий Эл. ― 2010. ― 26 март.
«Солдат ― звучит гордо!» // Марийская правда. ― 2013. ― 29 июня.
Алексеев И. И. Петров Игорь Ильич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 336. — 606 с. — 1500 экз. — ISBN 978-5-905314-35-3.

Кылвер-влак

[_d8b2c6506f157e24-1] ¹ ² ³ ⁴ ⁵ ⁶ ⁷ Мочаев, 2017, с. 336.

[2] Бизюргуб (неопр.). rodnaya-vyatka.ru. Тергыме кече: 17 кылме 2025.

[:0-3] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² admin Петров Игорь Ильич (руш.). Взвод Романовского. Тергыме кече: 17 кылме 2025.

[:1-4] ¹ ² ³ ⁴ ⁵ ⁶ Пограничный пунктир судьбы. Василий Семёнов, «Красная звезда» (неопр.). old.redstar.ru. Тергыме кече: 17 кылме 2025.

[5] Игорь Ильич Петров. Записки о пограничниках моего поколения. — Москва: Граница, 2003.

[6] Военачальники границы - Игорь Ильич Петров. — 2018.

[:2-7] ¹ ² Автор: Петров Игорь Ильич - 12 книг - Читать, Скачать - ЛитМир Club (руш.). Литмир - электронная библиотека. Тергыме кече: 17 кылме 2025.

[8] Российская государственная библиотека для молодежи – Подробная информация об издании: Петров Игорь Ильич Советско-китайские войны (неопр.). rgub.ru. Тергыме кече: 17 кылме 2025.

[:3-9] ¹ ² ³ Подвиг народа (неопр.). podvignaroda.ru. Тергыме кече: 17 кылме 2025.

[1]

[2]

[3]

[4]

[5]

[6]

[7]

[8]

[9]