Пересада, Владимир Савельевич

РУВИКИ — эрыкан энциклопедий гыч материал
Владимир Савельевич Пересада
Пересада, Владимир Савельевич.jpg
Шочмо кече 14 ӱярня 1935(1935-03-14)
Шочмо вер
Колымо кече 28 пургыж 2020(2020-02-28) (84 ий)
Колымо вер
Гражданлык  СССР
 Россий
Паша сомыл чоҥышо
Награде да премий

ZS RSFSR.jpg

Владимир Савельевич Пересада (14 ӱярня 1935, Шевченково[d] — 28 пургыж 2020, Йошкар-Ола, Марий Эл Республик) — совет да россий чоҥышо. Марий автомобиль корным чоҥышо да кучышо ыштыше управленийын тӱҥ директоржо/«Марийскавтодор» ГУП (1973—2002). РСФСР-ын сулло чоҥышыжо (1985). КПСС йыжъеҥ.

Илыш корныжо

1935 ий 14 ӱярняште кызытсе Украинын Харьков кундемысе Валков вел Шевченково ялысе (ондак — Болгарь ял) служащийын ешыштыже шочын[1][2].

1959 ийыште Харьковысе автомобиль корно институтым тунем пытарен. Марий АССР-ысе Йошкар-Олаш колтымо почеш толын: инженер, прораб, 1971—1973 ийлаште — Марий АССР Министр-влак каҥаш пеленсе Автомобиль корным чоҥымо да тӧрлымо управлений вуйлатышын алмаштышыже, 1973—1988 ийлаште — «Марийскавтодор» Марий автомобиль корным чоҥышо да кучышо управленийын тӱҥ инженерже, вуйлатышыже[3]. 1988—2002 ийлаште — «Марийскавтодор» ГУП-ын тӱҥ директоржо[4], 2001 ий октябрь-ноябрьыште — Марий Эл Республикысе корно озанлык департаментын директоржо[1][2]. Тудын вуйлатымыж почеш ик автокорно кышкар чоҥалтын, тудо Марий Эл Республикын рӱдолажым район рӱдер-влак дене, а район рӱдер-влакым Марий республикын колхоз да совхоз-влакын рӱдӧ илемышт дене ушен. Йошкар-Олам Волжск, Провой, Морко, Кокшайск, Шернур, Оршанке, Шанчара (Виче кундем), Чыкма дене ушышо корно-влак, тыгак Красный Мост посёлкым Килемар, Кугу Пумарийым Параньга, Вӹзӹмйӓрӹм Коротняк дене ушышо корно-влак совхоз да колхоз-влаклан, Марий Эл Республикын сатум лукшо ыштыквер-влакын экономикыштым пеҥгыдемдымаш кугун полшен. Тиде жапыште республикыште 3200 км автокорно, 10 км кужытан 230 кӱвар чоҥалтын[5][5].

1990—1993 ийлаште Марий АССР-ысе Кӱшыл Каҥашын, 1994—2004 ийлаште — Марий Элын I, II да III созыв Кугыжаныш Погынын депутатшылан сайлалтын, тушто Кугыжаныш Погынын пашажым виктарыме, Мер калык да тӱшка увер йӧн-влак дене кыл кучымо шотышто эре тыршыше комиссийым вуйлатен[5][6].

Тыгак Йошкар-Оласе да районысо Каҥаш-влакын ныл созыв депутатшылан сайлалтын[5][7].

1985 ийыште Марий республикыште автокорно кылым чоҥымаште да вияҥдымаште кугу надыржылан, тудлан «РСФСР-ын сулло чоҥышыжо» чаплӱмым пуымо. Пашан Йошкар Тисте, Келшымаш, Преподобный Сергий Радонежскийын орден-влак да медаль-влак дене, тыгак Марий Эл Республикын Чаптаныкше дене палемдалтын[1][2][5][8].

2020 ий 28 пургыжышто Йошкар-Олаште колен[1][2][5].

Паша чаплӱмжӧ да суаптарже-влак

  • РСФСР-ын сулло чоҥышыжо (1985)[1][2]
  • Марий АССР-ын сулло чоҥышыжо (1980)[1][2]
  • Пашан Йошкар Тисте орденже (1981)[1][2]
  • Келшымаш орден (10.04.1995)[1][2] — кугыжаныш ончылно суапшылан, пашаште шумо сеҥымашлан, калык-влак кокласе келшымашым да вашкылым пеҥгыдемдымаште кугу надырлан[9]
  • Преподобный Сергий Радонежскийын орденже (1998)[5]
  • «Чапле пашалан. Владимир Ильич Ленинын шочмыжлан 100 ий темме лӱмеш» медаль (1970)[5]
  • «Пашан ветеранже» медаль (1984)[5]
  • Марий Эл Республикын Чаптаныкше (2000)[1][2][5]

Палемдымаш

  1. ↑ 1 2 3 4 5 6 7 8 9 Мочаев, 2007, с. 333.
  2. ↑ 1 2 3 4 5 6 7 8 9 Энциклопедия Республики Марий Эл, 2009, с. 617.
  3. ↑ История. mari-el.gov.ru. Тергыме кече: 8 теле 2023.
  4. ↑ История компании (руш.). mar-dor.ru. Тергыме кече: 8 теле 2023.
  5. ↑ 1 2 3 4 5 6 7 8 9 10 Владимир Савельевич Пересада (руш.). marpravda.ru. Тергыме кече: 8 теле 2023.
  6. ↑ Список депутатов Государственного Собрания Республики Марий Эл (руш.). panorama.ru. Тергыме кече: 9 шыжа 2025.
  7. ↑ Россия: институты гражданского общества. web.archive.org. Тергыме кече: 31 шыжа 2025.
  8. ↑ Мари-Турекский район, Республика Марий Эл, Сайт газеты Знамя, Владимир Пересада. web.archive.org. Тергыме кече: 31 шыжа 2025.
  9. ↑ Указ Президента Российской Федерации от 10.04.1995 г. № 352, <https://web.archive.org/web/20170715131336/http://www.kremlin.ru/acts/bank/7710/>. Тергыме: 31 шыжа 2025. 

Литератур

  • Мочаев В. А. Пересада Владимир Савельевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 276. — 2032 экз. — ISBN 5-87898-357-0.
  • Пересада Владимир Савельевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 617. — 872 с. — 3505 экз. — ISBN 978-5-94950-049-1.
  • Рыбакова Т. Л., Мочаев В. А. Пересада Владимир Савельевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 333. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Пересада,_Владимир_Савельевич&oldid=1232371" гыч налме